ضياء
دخلت لبيتهم استقبلوني ضي وبيبيتها
ضي اختفت
ضياء: حجيه صيحي ضي اريد احجي وياها
تفاحه : اي يمه
شوي ودخلت ضي ضايجه ... احسها ماطايقتني
بقيت صابر على نظراتها ألي
كعدت مقابيلي كدرت اقنعها
بس نظراتها ودموعها على والدها ماكدرت اقاومها
تهربت منها وردت اطلع ب أسرع وقت
بالباب التقيت بشخص
قصير.. اصلع .. اسود ... كرشه واصل لخشمه
شكله مزعج ويشبه ام صلاح ضي
اثناء الكلام عرفت ابو ضي
فاجأني بقلة أدبه
مايعرف كل الاصول ويه اهله ولا ضيوفه
يختلف نهائي عن اخو سامر
فجأه تجاوز بحق اهله وبحقي
غضبني
بس ماتوقعت تجاوزه عليه ويغلط على امي
اسامح كل شي اله احد يتجاوزه على والدتي مااكدر اسكت
ماتحملت ضربته
حراس ادخلوا ضربوا واخذوا
بهذا الوقت عيوني على ضي
مسكينه خايفه ومنحرجه خليتهم ياخذوا للمفرزه
سامر دخل شاف الوضع استحه مني وماادخل بتصرفي
بوقتها ماكدرت اسامحه
اولا لان يأذي ضي وجارحها
ثانيا مامحترم والدته ويتجاوز بسهوله وكل ام ماتستحق الاساءه بحقها
ثالثا والاهم اتجاوز على والدتي ومااكدر اسامحه
جنت اتمنى اعاقب صلاح على افعاله ويه ضي
صار الي اريده
راح اخذ حقها وحق بيبيتها وحق اخوه سامر
انسان جبان وضعيف
طلعت عصبي منهم
رحت لبيتي متوتر
دخلت للبيت وسبحت وبجيت بصمت بالحمام
الكل يتوقع القاضي ضياء ماتنزل دموعه
بس نزلت على امي
ماتحمل شلون ماضربته شلون عفته عايش
شلون اسمحله
معقوله ضي قيدتني
ليش هل بنيه مقيدتني
طلعت من الحمام للفراش نمت
كعدت ب١٠ بالليل
لگيت روز و رهف كاعدات يضحكن ويسولفن
رهف: هلا بالحلو هلا بالحبيب
روز : ههههههه كافي خبال
رهف : باباتي انتي شعليج
ضياء: كم مره اگللكم لاتتعاركون شقه او مو شقه
رهف: بابا شسالفه لاتصير معقد خليك اب سبورتي
روز : ههههههه هسه جنتي تگولين باباتي سبورتي وروحه مرحه
ضياء :وين ريسان
رهف : اگلك انت بس ريسان ابنك اسأل علينا گلبنا شوف شبينا مابينا
ضياء : منو قبل يومين مشتريلج موبايل
رهف: مو انت
ضياء: لعد منو بله ست رهف
رهف : ابوي 😋
ضياء: ههههههههههه
روز : بابا شكلك تعبان
رهف: من الحب عيني من الحب يله بابا اعترف وعيونك اخطبلك
روز : شنو تخطبيله لعد وماما خطيه
رهف: ولي لج بابا من حقه يزوج ...بابا بداعتي نسوي حفله والبس بدله واركص
ضياء: ههههههههه ناصبه على ابوج رهف
رهف: لا والله بابا بس شعلتوا گلبي لا انت ولا ريسان تقبلون تزوجون
ضياء: مو ابوج مراهق حتى يتزوج
رهف: شبيك تخبل صديقاتي يموتن عليك يتوسلن بيه اخطبهن الك عايفات ريسان ومعجبات بيك
روز : اي مكاتل عليك
ضياء:اليوم ناصبات وتضحكن على ابوجن
روز : ابونا شاب يخبل بس بداعتي معليك بكلام رهف ولاتفكر بالزواج بابا لخاطر أمنا
رهف: روز لاتدخلين بابا من حقه يزوج
روز : رهف انتي شنو من قلب عندج .. شلون تقبلين
رهف : يوووو نرجع نتعارك على نفس الموال
ضياء: كافي شنو كاعد يمكم طرطور ماكو كل احترام الي
روز رهف: اسفين بابا
