ضي
صدمني وتورطت بالمكالمه
ضي: انت تشك بيه
ضياء: مااشك بس اريد اعرف عمتج شنو تريد
اخذت الموبايل منا فتحته دكيت على سناري
فاتحه السبيكر يدك موبايلها
اخذه مني ضياء فجأه
ضي: ضياء عيب ترد انت عليها
رفض المكالمه ورجعه الي
ضياء: اكيد ماارد عليها بس مايحتاج تتصلين اشاقه وياج
ضي: شنو تشاقه
ضياء: اطلعي كملي ريوكي مستعجل
ضي: تدلل
طلعت للمطبخ ريسان واكف مقابيل غرفتنا
شافني يأشرلي واني ساكته
ركضت للمطبخ اجه ريسان وراي
ريسان: شصار ضي
ضي: يمه اسكت مااكدر احجي شوف أيدي شلون ترجف ضياء شاك بيه
ريسان: لا ابوي مو من هذا النوع مايشك بيج اني احجي وياه اذا شك بيج اكوله الحقيقه اطمأني
ضي: لاتگوله وتصير بينكم مشاكل
ريسان: المن خابرتي
ضي: دكيت على سناري احجي بصفتها عمتي بس ضياء رفضه كال مايحتاج تخابرين واطلعي كملي الريوك ووجه يضحك
ريسان: اااخ بويه مو خوش سالفه اذا يضحك
ضي: لاتخوفني حباب وضياء يمكن رفضه كال تطلع صدك عمتها وضي تزعل وتكبرها
ريسان: يمكن هيج
ضي: يعني ريسان انت ماحبيت اله سناري وثانيا انت ليش زعلان منها البارحه
ريسان: تعبت من وضعنا كبرت المره وعنست
ضي: هههههه حتى سناري مامخلصه من لسانك
كملت ريوك
صحت ضياء والبنات وريسان كاعد يمي بالمطبخ
ضياء: ها ريسان
ريسان: ها
ضياء: شلونها امك هل ايام
ريسان: جاي تسويلي ريوك بعد شريد اكثر من هيج
ضياء: اي عمي مدللتك
كملنا ريوك اني والبنات و روز زعلانه
ضياء: يله ضي
ريسان: اروح وياكم
ضياء: امشي ويانا لان مااكدر ارجع ضي انت رجعها
ريسان: ماشي
طلعنا للمحكمه اني وضياء بالسياره
الاحلى بضياء مايقبل حامد يسوق السياره اذا اني وياه
هوه يسوق سيارتنا
وصلنا للمحكمه
ضياء: ضي اتمنى ماتفشليني
بقيت ساكته
دخلنا للمحكمه شفت منال واخوها وامي وخالي
دخلونا لغرفة صديق ضياء كعدت انتظر
شوي واجه ضياء
ضياء: تعاي ضي
كمت خايفه
ضياء: شبيج ترجفين
ضي: مااعرف اكره المحكمه واخاف
لزم أيدي
تقربت علينا امي
علياء : اني راح اشتكي عليك ماخذ بنتي يمك ودعاره وجودها بيتك وحرام
ضي: ماما شلون هيج تحجين عليه
علياء : انتي اسكتي لاتبيعين اخلاق براسي
ضياء: لاتجاوزين على قاضي وهو بمحكمته لاتخليني اسجنج
ضي: ضياء كافي الله يخليك
ضياء: وشتريدين تسوين سوي
علياء : هسه اشوفك علياء على اصوله ومنو الي يضحك بالاخير القاضي لو علياء
ضي:😲
