ضي
فاجأني بطلبه بقيت صافنه ساكته
ضياء: اعرف تفاجأتي ومامتوقعه هل شي اطمئني زواج ورق لأجل رعايتج وسلامتج
ضي: شلون تزوجني
ضياء: لان بكد بنتي مستغربه
ضي: لا مو على العمر بس انت شخصيه مهمه تاخذ مطلقه ومريضه وماعدها اهل
ضياء: ضي انت مابيج شي والكل يتشرف يزوج وحده مثل اخلاقج وبصراحه زواجنا بس على ورق وبالسر حتى بناتي مايعرفن
ضي: ليش بالسر
ضياء: بس اخذ حقوقج واسندج ننفصل وتعيشين حياتج وازوجج احسن رجال
ضي: عمو ليش كل هذا تسوي الي
ضياء: كم مره نسولف بهل موضوع وتعرفين الاسباب
ضي: زين ليش اله زواج
ضياء: حتى مااتقيد وانت هم ماتتقيدين وياي وماتخافين مني اصير زوجج وجودي يمج مايوترج صح لو لا
بقيت ساكته
ضياء: فكري بالموضوع وصدكي وعيون اولادي اغلى من روحي توافقين او ترفضين مايغير شي بالموضوع وابقى اساعدج واسندج
طلعت من مكتبه محتاره بكلامه
صعدت للغرفه دايخه اوافق عليه لا مااعرف
بقيت ساكته افكر
مااريد اخون البنات وهو خطيه اظلمه وياي
ياربي شهل امتحان الصعب
مانزلت استحي منا
اسمع صوته اركض للصاله الفوك من الدرج اسمعه
البنات جوه يمه
اباوعله من فوك يضحك ويه بناته ويبوس روز
مؤدب وخلوق
اسبوعين ماانزل ومااخلي يشوفني بس يسمعني صوته
بعدها أجتي روز ألي
روز: ضي بابا يريدج بالمكتب
ضي: شنو يريد
روز: ههه شمدريني خاف على قضيتج
ضي: ها
روز: شبيج تستحين مااختنكتي هنا كاعده
ضي: استحي وحتى عمو وريسان ياخذون راحتهم بالبيت
روز: بابا قليل يتواجد بالبيت واما ريسان مايستحي من احد
دخلت رهف للغرفه
رهف: بابا مو گلج صيحيلي ضي
روز: اي گتلها شبيج
رهف: اعرفج تنسين
نزلت لضياء بالمكتب
دخلت لكيته منتظرني خجلانه منا
ضياء: تعاي ضي اكعدي اريد اشوفج ليش شارده مني
ضي: عمو اني موافقه
*****************
ضياء
تركتها تفكر اسبوعين ماتنزل
اشتاقتيلها وماتقبل تنزل اشوفها وروحي عليها
اسمعها صوتي
ماتنزل حتى تسلم عفتها براحتها
ريسان: ضي وين
روز: تستحي تنزل عذبتني اتوسل بيها ماتقبل
رهف: انقهر عليها ماماخذه راحتها هنا
ضياء: بنات ضي ح تنتقل من بيتنا
روز: وين تروح
ضياء: لبيت اهلي رتبته واثثته تكعد بي
روز: ليش
ضياء: اولا مايصير تكعد ويانه صعبه وحرام وثانيا هي خطيه متقيده ويانه واحنه كذالك
رهف: شلون تعيش وحدها
ريسان: ليش احنه وياها نروح ونجي عليها وهي تزورنا وبابا يخليلها حمايه بالباب
رهف: بس خطيه نطردها عبالها مانريدها
ضياء: لا بالعكس نفكر براحتها تستقر ومانتركها
ريسان: رهف ضي صعب تعيش ويانه حتى اذا نحبها ونريدها
رهف: وهم صعب تعيش وحدها لعد وين الرحمه نترك بنيه وحدها
ريسان: منو يتركها احنه وياها
روز: بصراحه اني عجبتني الفكره واحنه مانعوفها يوميه يمنا او احنه يمها صح كلامهم
رهف: مااعرف بعد
ضياء: بابا مستحيل اتركها بس فتره نخليها بهل بيت
رهف: براحتك بابا
ضياء: روز صيحيلي ضي للمكتب
