ضياء
بعد ٧ اشهر
يوم جمعه ب١٠ الصبح
ريسان: بابا بابا گوم
ضياء: ها
ريسان: اليوم شعجب نايم ل١٠ خوماكو شي
ضياء: اوووف ب١٠ ماادري
كعدت رأسي يوجعني ألم موتني
ريسان: بابا بارحه رجعت متأخر
ضياء: اي جنت بالمزرعه
ريسان : هم ازوجت
ضياء: ريسان لاتحجي هيج ويه ابوك
ريسان: بابا انت متغير اعرفك من تختنك تزوج
ضياء : بالمزرعه وحدي اطمأن ماكو شي تغير
كمت للحمام اغسل توضيت وطلعت
شفت ضي كاعده ع الكرسي
خيالها مايفارقني هذه البنيه ساحرتني
ماافهم قصتي وياها
كاعده ومبتسمه
ضي: ضياء
كعدت ع سرير مقايبل الكرسي واحجي ويه نفسي
ضياء: بعدين ضي شوكت اخلص منج
ضي: من تحس بيه
ضياء: ساعديني وين انتي حتى اخذج
ضي: ضياء تحبني
ضياء: اااااخ
اختفى خيالها
ضياء: استغفرالله ربي شيخلصها كافي روحي انتي خيال مو حقيقيه اطلعي من بالي عذبتيني
استغفرت ربي كمت اصلي
خيالها كدامي
من ليلة وفاة عمها سامر بعد ماشفتها
ضاعت ومااكدر اوصلها
خايف عليها تمرضت بسببها احس ضاعت البنيه
.............................................
ذكريات بعد وفاة سامر
..............................................
من شافت عمها بالثلاجات ماتحملت
اغمى عليها
ماصحت للصبح
بالليلتها ماغفت عيني ولا لحظه
اراقبها خايف عليها
بالليل نايمه دموعها بعينها تقربت منها
تلمست بوجها غمضت عيني
ااااخ على هل رقه
بلحظتها حجابها ع النص
وكعته شفت شعرها
ماتحملت
انتبهت على نفسي اني شسوي
ليش استغل ظروفها هذا الشي حرام مو حقي
ضياء شبيك عمرك ماتجاوز على حق غيرك
غطيت شعرها
ابتعدت عنها
بنفس الوقت احساس داخلي يريدها ماافهم شنو
بس احتاجيتها
اريد ابرد نار الي بكلبها والي بكلبي بالفراش
بوقتها تمنيتها زوجتي اضمها بقوه وتنام بحضني
كمت افكر بيها كزوجه
ضي سيطرت على عقلي بأيام قليله
بعمر بنتي شلون اشيلها من بالي
ليش ضعفت كدامها وحبيتها
شنو حبيتها يعني اني احب ضي ... معقوله كمت احبها
الصبح ب٧ كعدت ساكته
ضياء: صباح الخير
باوعتلي دمعتها بعينها
ضي: هم اكو خير بحياتي من بعدهم
ضياء: اكيد ماتعرفين الدنيا شضامتلج
ضي: اكو غير الذل والاهانه ومحد يريدني
ضياء: ابد مااتركج
ضي: ليش انت واولادك زينين وياي
ضياء: الدنيا بعدها بخير
ضي: خاف انتوا مو حقيقه خيال عايش وياي
ضياء: حقيقه اطمأني اني حقيقه
ضي: وين ماما
ضياء: هسه اخابرهم
ضي: مايردوني
ضياء: لايردون هم الخسرانين
