ضياء
ضياء: هذه مو ضي
حارث: شلون مو هي
ضياء: مو هي
حمدت ربي وشكرته لان مو ضي
اول مره افرح مو ضي مو هذا مكانها
حارث: بس اسمها ضي
ضياء: اكيد اسمها ضي
شرطي: حسب كلامهن بعدنا مانعرف جناسيهن
ضياء: بابا انتي شنو اسمج الحقيقي
؟؟: اسمي ضي
ضياء: اكيد هذا اسمج
؟؟: اي
ضياء: ليش بابا وصلتي لهذا الحال شنو ناقصج ومشيتي بهل درب الاعوج
؟؟: من تعيش عيشتي تعذرني
ضياء : ههههه العذر اقبح من الفعل
شرطي: ولج اكيد هذا اسمج احجي لا يبده الشغل وياج
؟؟: اسمي ضي
حارث: لعد هي المشتبه بيها والي كاتله الرجال
؟؟: عزه يارجال اني مو اسمي ضي والله العظيم مو اسمي ضي
ضياء: لاتحلفين وانتي مو طاهره
؟؟: مثل ماهو ربك اني هم ربي
شرطي: هاي شتحجين
راد يضربها ما سمحتله
ضياء: انت والزمن عليها لاتضربها
حارث: شنو اسمج الحقيقي
؟؟: مااكدر اكول بس اني مو ضي
ضياء: شلون صار ابالج اسم ضي صلاح
؟؟: قبل وحده رادت تشتغل ويانه اسمها ضي وشردت من عدنا
ضياء: شلون شكلها
؟؟: يمكن بيها بهاق
ضياء: صح هي ... وينها وشلون اجتي يمكم
؟؟: مااعرف
ضياء: اريد اعرف شبيها تخصني ومريضه
؟؟: بصراحه بالمستشفى تعرفنا عليها
ضياء: شلون
؟؟: مريضه بالمستشفى انتبهنه عليها وحدها يومين محد وياها ... عدها جفاف خطيه بالليل تخربطت باچيتي سألتها وين اهلج فجاوبتها وسولفتلنا عن اهلها وعرفنا قصتها اهلها متوفين وماالها احد باچيتي كلتلها امشي ويانا هي فرحت طلعت ويانا ثاني يوم بالطريق كامت تصيح فضحتنا اله تنزلوني ونزلناها تركض يمكن مخبله مو بعقلها
ضياء: يعني ماراحت وياكم
؟؟: لا ماراحت وبقى اسمها ابالي
نهد حيلي كعدت على الكرسي
ايدي على وجهي
حسيت اريد ابجي اني رجال واريد ابجي على هل انسانه
شكد قويه وشكد شافت ضيم ومارخصت نفسها
اني فعلا مااحس بيها
لو احبها احس بيها
ماتحملت الكلام الي سمعته عنها
عاجز عن وصف مشاعري بوقتها
حارث: ضياء مانلكاها انساها
عفتهم وطلعت من المركز
حامد: بشر عمي ابو ريسان
ضياء: حامد اخذني للكاظم
حامد: وين بالضبط
ضياء: اريد ازور مختنك
احتاجيت اصرخ انحب ابجي
ليش هذا وكتنا قاسي
ليش الضعيف لهل درجه قوي ويتحمل
ضي انسانه جباره ربي خليني الكاها
ضي وين انتي ريحيني
بالسياره واحس نسمت هوى بارده دخلت بكلبي
ايد بأيدي
التفتت شفت ضي
تباوعلي وتبتسم
ضي: قريبه عنك اني يمك واخيرا حسيت بيه
مااكدر ارد عليها
اشتاقتيلها اريد احضنها
حتى خيالها مااكدر احضنه
وصلت للامام نزلنا نمشي اباوع على الامام
شكله يقشعر البدن
حلو المنظر نمشي وكدامنا الامام
دخلت للصحن
