ضياء
نسيت نفسي وياها وسهرتها للصبح
بوقتها اني وياها الشوك مسهرنا
لاتقبل تتركني ولااقبل اتركها
ب٤الصبح
ضياء: ضي ب٤ حبيبي نامي واني ح ارجع للبيت ماشي ...ب٨ اكعدج
ضي: ابقى يمي
ضياء: اوعدج بعد العمليه نرتب امورنا وتستقرين بيتي حتى نبلغ البنات
ضي: لا لا تبلغهم اخاف
ضياء: ههههه هذا موضوع طويل غير مره نحجي بي
ضي: ابقى يمي
ضياء: منو قبل يطردني ..ضياء كوم روح لبيتك واولادك ضياء طلكني ضياء عيش حياتك معليك بيه
ضي: هههههه تقلد عليه
ضياء: اضحك على سوالفج قبل مشتاقتلي وساكته تدرين انتي صبوره اكثر مني واني اسمي نفسي صبور
ضي: انت هم صبور صبرت عليه
ضياء: بالعكس انتي الوحيده ماكدرت اصبر عليج
ضي: تعرف من تبوسني مااصدك افرح من تبوسني
ضياء: ههه بدت تطلع السوالف
ضي: هههههه
غطت وجها بأيدها
استحت مني
ضياء: وين هدومي
ضي: ياهدوم
ضياء: الي ماخذتهن من غرفتي ومحضره نفسج للسبح
خجلت
ضي: ضياء
ضياء: هههه غنوجتي راح اسبح واطلع
ضي: شوكت تجي تاخذني
ضياء: لا حبيبي ريسان يجي ياخذج لبيتنا ونطلع من بيتنا للمستشفى .. نامي ارتاحي وراج عمليه
ضي: ماشي
تغطت ونامت
كمت عنها عفتها تنام سبحت وطلعت لكيتها نايمه
ماكعدتها. اباوعلها حلوه مااشبع منها
طلعت من البيت رجعت لبيتي
سمعت صوت ضحك بالمكتب
دخلت للمكتب شفت ريسان يخابر
ريسان: شوي واخابركم الله وياكم
اباوعله متفاجيء
ضياء: ويامن تحجي
ريسان: ويه جماعه وين جنت بابا
ضياء: ياجماعه ساعه ب ٥ونص وبالمكتب تخابر ليش
ريسان: جنت احظر مادتي اشرحها للطلاب وبقيت هنا نسيت نفسي
ضياء: ريسان ويه منو جنت تخابر
ريسان: وين جنت بابا هستوك راجع
ضياء: جاوبني لاتغلس
ريسان: اجاوبك والله بس مو هسه فتره واسولفلك
ضياء: انت تحب
ريسان: بابا انطيني مجال
ضياء: ريسان تعرف رأي بهل موضوع حب ومخابرات مرفوض تريدها اخطبها وحبها بفترة الخطوبه ترضه اخواتك يحبن ويسهرن للصبح حب وغزل وغرام واحنه زلم نعرف شنو كلام الاحباب
ريسان: شسالفه بابا سويتها قضيه عليه مجرد زميله
ضياء: ريسان زميله ب٥ تحجي وياها تريدها اخطبها ماتريدها اتركها
ريسان: اني مااحجي غزل وياها وعيونك بابا تعرف اخلاق ابنك
ضياء: من الصبح غضب وقهر
كعدت كدامه
ريسان: حجي شبيك
ضياء: اكره احد يلعب بأعراض العالم
ريسان: مااقبل هيج تحجي وياي اني مو حب وعلاقه واني محافظ على بنت العالم
ضياء: شنو معناها تخابر للصبح
ريسان: اني مو طفل
ضياء: لا تگول كبرت وعمري٢٩ واستاذ جامعي عبالك اسكتلك اني بهذا بيتي مايصير الخطأ حسب حسابك تمشي بنظامي وقوانيني لاعبالك احنه اصدقاء اسمحلك على الخطأ
ريسان: المطلوب شنو مني
ضياء: اريد اعرف البنيه منو وشنو
ريسان: ليش
ضياء: مو عاجبتك نخطبها
ريسان: بابا ماكو بعد زواج بهل اسلوب
ضياء: ليش الله نزل ايه قرأنيه غير طريقة الزواج لو جيلكم السخيف بكيفه يغير
ريسان: شبيك هيج تعاملني وين جنت ورجعت عصبي عليه
ضياء: فاجأتني بتصرفك وعلاقتك ومخابراتك
ريسان: بابا اعتقد انت حبيت امي وضي لاتحلل لنفسك وتحرم على غيرك
ضياء: اعترف حبيت وتزوجت وماصارحت وحده بحبي الها بقى بگلبي الى ان خطبت وتزوجت
ريسان: وعلاقاتك الحميمه
ضياء: اني رجل والي غريزه برضاتها وبالحلال هن حتى اذا مو حلال ماتفرق عدهم بس تعرفني كلشي بالحلال وزواج سيد انطيها كل حقوقها الحاضر والغايب
ريسان: اني ماجرمت اني تعرفت عليها وهذه ثاني مكالمه الي اريد افاتحها بالموضوع ومرتبك شكد شخصيتي قويه بس مرتبك ويه هل بنيه
ضياء: خلي رهف او روز تحجي وياها
ريسان: ضي حجت وياها وهي خابرتني
ضياء: ضي شوكت حجت وياها وشنو هي تخابرك يعني مامستحيه من موضوع الزواج شنو من بنات هل وكت
ريسان: ههههه لا مو هيج بس خابرت رادت تسمع مني صار مكالمتين نتخابر ومااكدر افتح الموضوع وياها
ضياء: ريسان توعدني وتحلف بأمك ماتخابرها بعد وشوكت ماتريد اخطبها الك
ريسان: اوعدك بس حجي وكتنا تغير
ضياء : ربنا ماتغير
ريسان: ان شاء الله الي تريده يصير
ضياء: ضي ليش ماسولفتلي على هل موضوع
ريسان: اني بلغتها مااريد احد يعرف
ضياء: لاتعلم البنيه تضم عليه
ريسان : ضي رافعه راسك بلجامعه اطمأن
ضياء: متأكد منها هل شي
ريسان: بابا ضي لازم تلبسها حلقه ويعرفون مزوجه تره العين عليها
ضياء: منو مخلي عينه عليها
ريسان: اني بلغتكم الحر تكفي اشاره
