ضياء
ريسان: مستحيل شهل خرابيط بكلامج رهف
رهف: لاتنكر
ريسان: عمي خلوني على مروه احسن الي من ضي
روز: ريسان تحب ضي ّ
ريسان يباوعلي مصدوم
ريسان: حجي شحجي هسه
ضياء: رهف شهل كلام ريسان مايحب ضي ولا مخليها اباله
رهف: شلون هيج متاكد بابا
ضياء: اعرف
رهف: ها ريسان
ريسان: لاتتخبلين رهف مااقبل هل كلام ضي مثل اختي😡
ضياء: بنات اريد احجي وياكم
ضي: مو وقتها
ريسان: لا ضي وقتها السالفه
ضي: اليوم روز تعبانه
روز: لا اريد اعرف اني حاسه اكو سر بينكم
ضياء: روز بابا شبيج
روز: شوي تعب
ضياء: ضي ليش من سالتج على روز ماجاوبتيني صح
ضي: مااعرف
روز: اني كتلها لاتحجين لبابا وريسان
رهف: بابا شنو الموضوع
اخذت روز كعدتها وكعدنا بالصاله
ضياء: تعاي ضي
ضي: خلي ارجع للبيت حامد يرجعني
ريسان: هههه خوافه
ابتسمت الها أشرتلها خطيه خايفه ومستحيه
ضياء: اكعدي يمي هنا تعاي
رهف: بابا بالحلال لو لا
ضياء: هسه تعرفين
روز: شنو
ضياء: بنات اني مقرر اليوم افتح موضوع وياكم ... ضميت عليكم لاجل مااحرج ضي ولان ماتوقعت العلاقه تطور بينا
رهف: بارحه بايت يمها صح
ريسان: شلون عرفتي
رهف: من رحت للبيت شميت عطر بابا بالبيت عرفت اكو شي ضي تخطا باسمه بالعمليه وقبل يومين بالمكتب ...عرفت اكو شي بينها وبين بابا
ريسان: اذا تعرفين اكو شي شلون تگولين ريسان يحب ضي
رهف: لان اريد بابا يعترف النا
ضياء: وهذا مو اسلوب رهف تتصرفين هيج
ريسان: تصرف سخيف وحقير
ضياء: ريسان لاتجاوز على اختك
رهف: بابا من شوكت مزوج وليش
ضياء: رهف لاتحجين بأسلوب تحقيق اني ابوج😡 والبنيه عقدت عليها محكمه وسيد لاجل احميها
روز: يابنيه هذه عقدت عليها
ضياء: ضي
روز: بابا مزوج ضي عزه
ضياء: روز تزوجتها لاجل القضيه والعمليه
رهف: زواجكم بس ورق وتبات يمها
ريسان: رهف كافي سخافه
رهف: بابا انت رمز للمثاليه النا بس هسه انت استغليت ظروف ضي تزوجتها لان ضعيفه وماالها احد
ضياء: شلون استغليتها
روز: بابا خطيه بكدنا ضي
ضي: روز مااقبل على كلامكم برضاتي وموافقتي ومااستغلني ضياء بالعكس وكف وياي واحترمني
رهف: لان صغيره وماتعرفين الدنيا وجنتي متعطشه حنان
ضي: صح وضياء رواني هو ابوي وامي وعمي وزوجي
رهف: ماتعرفين الي اقصده
ضي: اعرف قصدج تزوجت شاب عذبني ومااحترمني الرجل مو بالعمر
روز: بابا تقبل ازوج واحد بعمرك
ضي: اذا يسعدك اني اكلج بلا تردد وافقي
ضياء: ماتوقعت بناتي يهينوني بهل اسلوب ويقللون من قيمتي
رهف: لا بابا مانقلل من قيمتك بس مو بنيه صغيره
ريسان: رهف اسكتي
روز: زين ليش بابا احنه مقصرين وياك حتى تتزوج
ريسان: روز بابا من حقه يعيش حياته ماكفر
رهف: اني ابد مو ضد زواجه بالعكس دائما اكله اتزوج
روز: وماما
ضياء: ماما متوفيه
روز: خنت ماما وهي بكبرها
ضياء: أي خيانه تحجين بيها ماكو رجل محترم ووفى ويه زوجته مثلي
روز: هسه تلكيها مقهوره بكبرها
ضياء: اطماني ماتنقهر عليه امج عمرها ماحبتني
روز: هسه صارت امي ماتحبك
ضياء: روز كافي سدي الموضوع
روز: لان تزوجت تشوه صورة امي
ضياء: امج الي تحجين عنها
ريسان رهف: بابا
ريسان: اترجاك بابا اهدء ولاتكمل
