ضياء
حسن: مامعقوله
ضياء: ابو اكرم هناء صغيره ماتفهم واعتقد تتلقن من امها
حسن: على امها ...مااعرف شنو اكول خجلان منكم
ضياء: ياريت تمنعها من سناري وتره وجودي بدون علم ضي وسناري واتمنى تحل المشكله
حسن: اعتبر الموضوع انتهى هناء ماتوصل لبغداد وانقل جامعتها للحله هذا افضل حل
ريسان: فعلا افضل حل
باوعت لريسان سكته بنظراتي
الرجل استحى واعتذر منا خجلان
حزنت عليه لان تخلى بموقف مخجل ويانه
ريسان: شكد حقيره فشلت ابوها خطيه قهرني
ضياء: حتى اني نقهرت عليه
ريسان: والله انسان ادمي خوش يسوي من ينقلها خلصنا من شرها
ضياء: الحمد لله
ثاني يوم الطهور مااجه لا حسن ولا البنات
عرفنا خجلان
حياتنا مستقره
ضي ملتهيه بسامر دوامها والبيت
اشوفها تتعب وماترتاح
مجنونه بابنها تحبه حب ماينوصف
اشوفها حتى من تقره شايلته تفتر بي
الاهم بحياتها سامر
كبرانه وانوثتها موتتني
بيوم الظهر نتغده
ضي: ضياء اطلب طلب
ضياء: اطلبي
ضي: اريد اروح للحله بيت عمو حسن
ريسان: شكو
ضياء: شعليك سالتك الك لو الي
رهف : لازم يحشر نفسه
ضي: عمو حسن عزمني مترقي وعيد ميلاد حمودي اخوي محتفلين بالبيت بينهم عزمتني بيداء وهناء وزيودي
ضياء: شكو بيها ريسان يوصلج
ريسان: ليش عيني ... انت او حامد يوصلها
ضياء: حامد مايوصل ضي ... انساها
ريسان: ماشي اوصلها
دك موبايلها اشوف هناء تتصل كامت ردت عليها
شوي ورجعت ضي ضايجه
ضياء: شبيج ضي
ضي: لامابيه شي
تاكل وبالها مو يمنا بقيت ساكت
تغدينا دخلت للغرفه وعافت البنات
دخلت وراها شفتها مشغوله ويه سامر
تسوي مميه لسامر
حضنتها اشمها وابوسها مشتاقلها
ضي: اريد اشرب سامر ممه
ضياء: اخذي لاخواته شويه وتفرغيلي
ضي: شويه ضياء ههههههه اووي كافي تبوس
ضياء: يله
ضي: ما ما عيب مبين علينا نسوي ماماما
ضياء: شبيج ضايجه وتزرعين ابتسامه متصنعه كدامي
ضي: لاحبيبي ماضايجه
عافتني راحت يم سامر ترضعه
دنيا حاره لابسه دشداشه خفيفه وقصيره
ضياء: لاتعوفيني وانتي بهذا البس
ضي: ههههه حاره اختنك من لبسي من اطلع
نمت يمها هي وابنها كاعدين يمي شكد حلوين
ضياء: اريد انام بحضنج مو بس هو
ضي: هههههههه اكمل منا والتفتلك انتظر
ضياء: اذا نمت كعديني
ضي: ماشي
شوي غفيت
كعدت على صوت سامر يبجي
ضياء: ضي كومي لابنج
