ضياء
ضياء: ليش بالسجن
حامد: مااعرف الجيران يگولون مانشوف اله الشرطه والاسعافات
ضياء: حامد شوف شنو السالفه
ريسان: ابوها مضروب بالسجين ومحترك
ضياء: ليش
ريسان: اكو مره بس تدعي على ضي وسامر ...نسوان يسكتوها
ضياء: زين بيبيتها شبيها
ريسان: بيبيتها جلطه بالدماغ وشلل كلي
ضياء: سترك ياربي شهل مصيبه
دخلت لضي بقيت يمها اباوعلها
روز: بابا مو تشبه ماما
ضياء: لاتشبهين احد بأمج مهما يكون
روز: لانضحك على نفسنا شكلها يشبه ماما
ضياء: ماشي بابا يله كومي خلي حامد يرجعج
روز: لاخطيه محد يمها بنيه واكيد تحتاج وحده يمها خليني يمها الله يخليك
ضياء: بابا مااريدج تبقين بالمستشفى
روز: بعد كم يوم حياتي ح تصير بالمستشفى غير اني دكتوره
ضياء: ههههههههه الاحلى بيكم تغلبوني بالكلام كبرتوا ومااگدرلكم
روز: بفضلك كبرنا ونفهم الحياة
اباوع على ضي شفتها تتحرك
ضياء: ضي ضي
فتحت عينها قليل شافتني ورجعت غمضتهن
دكتور: جروحها عميقه بلأيد
ضياء: جروح لو حروق
دكتور: مجروحه وفوك الجرح محتركه
ضياء: معناها تشوهت
دكتور: بعمليات التجميل يتعالج ماكو بهذا وكتنا شي مستحيل
ضياء: ان شاء الله دكتور
دكتور: شلون صار والدها
ضياء: مانعرف بعدنا
دكتور: استغفر الله ليش البنيه منتحره
ضياء: مااعتقد
دكتور: جارحه ايدها بالوريد وبعدها محتركه
ضياء: مو غريب بالوريد وتحرك ايدها الي ينتحر يحترك او يجرح ايده او يشنق نفسه او بالمسدس يضرب نفسه ماكو تفكير بنيه شابه تجرح نفسها وتحرك نفس الجرح
دكتور : بصراحه اني شاك مو هي يطلع التقرير ونعرف
ضياء: هي اليوم عدها موعد عمليه تبدي حياة جديده ليش تنتحر
دكتور: الله يعلم
طلع دكتور من الغرفه
روز: بابا بربك هو هذا هم دكتور تناقشه كلشي مايفهم
ضياء: ههههه بابا مو بس طبنا فاشل هي الدنيا كلها خربت وبأيدنا ... لو مثل حالة ضي بالدول الغربيه الله العالم كله يحترك حرك عليها
روز: اي والله شكد فاشلين
بقيت اراقبها شوي وكعدت تريد تنطق وماتكدر تنطق
تعبانه لدرجة ماتكدر اطلع صوتها
روز يمها تساعدها وتفهمها اكثر مني
خابرني ريسان
طلعت بره
ضياء: ها ريسان
ريسان: ابو ضي انفاسه الاخيره سكرات الموت يعالج
ضياء: ليش
ريسان: من كلام مرته تگول سامر ضاربه
ضياء: ليش
ريسان: على اساس ضي منتحره وسامر ضارب صلاح حسب كلام زوجته وامهم متخربطه
ضياء: ضي من قررت تنتحر ليش حاركه بس ايدها
ريسان: ابوها مشتعل كله
ضياء: اكو لغز بقصتهم
ريسان: ضي كعدت لو بعدها
ضياء: تكعد وترجع تنام
ريسان: يعني مانكدر نعرف منها
ضياء: لا
ريسان: سامر مامسموحلي التقي بي
ضياء: ريسان تعال يم ضي حتى اوصل روز للبيت واروح اشوف قضيتهم
ريسان: ماشي
