ضياء
بستها ذوبتها وذبت وياها
سحبت ايدها خليتها برگبتي
حاضنها مانعها تتحرك ولا انطيها فرصه تحجي
بس اني ابوسها هي ساكته تستقبل مني
عجبتني
بديت اتلمس بيها ودأيدها لازمه أيدي
قهرتني ماتريد اتقرب لصدرها
احاول اصعد ايدي وتبعدني
سحبتها للفراش
ضي: شسوي
ضياء: انتي ششوفين
ضي: بس
ضياء: بس شنو زواجنا ورق وانت عمي صح
ضي: هههههههه لا
ضياء: لعد
نومتها بالفراش
ضي: قصدي
رجعت بستها مااخليها تحجي اخاف من لسانها
تخرب اللحظه علينا
ذابت وسكتت ماتنطق بعد
بقيت نص ساعه ابوسها الى ان استسلمت الي
وصلت لصدرها صحت بعدتني
ضي: لا ضياء كافي مااريدك
ضياء: ضي شبيج
ضي: گوم روح يمها اسهر اني ماافيدك
ضياء: ليش تفكرين بيها
ضي: مااريد احنه متفقين ورق
ضياء: تعبتيني تحبيني وتغارين عليه وتگليلي ورق
ضي: منو كال احبك لا مااحبك
ضياء: ماشي لاتحبيني خليني انام وياج كحقي الشرعي
ضي: لا يعني لا الله يخليك
كامت عدلت نفسها
ضياء: ضي لا تگومين تعاي يمي
كامت تبجي
ضياء: ياعمري
سحبتها يمي
ضياء: تعاي اريد اعرف شتريدين بالضبط
ضي: مااريد زواج اريد انطيك حقك الشرعي بس بداخلي وجسدي وروحي رافض مسألة الزواج
ضياء: ليش رافض
ضي: ماالي نفس ارحمني مااريد
ضياء: ضي ماتريديني لان تحبين نوح لو غير شي
ضي: لا ابد نوح مو ابالي ومااحبه وماافكر بي هو الي كرهني بالزواج اشوف نظراته واستحقاره لجسمي جنت اتألم مايتحمل يرفع ثوبي حتى مايخاف منا مجرد ياخذ حقه ويگوم يبقيني بملابسي يتعارك وياي اذا بالخطأ شافه يكلي تغطي كام يشرب وينام ويه نسوان لان جسمي كرهه بالعرس مااريد بعد ازوج ولااريد احد يتقربلي
قهرتني بكلامها تسولف وتبجي
ماتحملت دموعها غهمت ليش ماتريدني
تخبلت من نوح مستحقر هل انسانه
اكثر الزلم زواجهم وحبهم لنسوانهم رغبه وجسد
محد يفكر يحب بمخافة الله وتقدير وتقديس الزوجه
حضنتها وسكتتها
ضياء: ضي بعدج ماتعرفيني اني حبيتج مو جسد حبيت روحج وطهارتج وطيبتك .... ماانكر اريد اتقربلج وانام وياج لان انتي تثيريني من اشوفج .. واكو احلى منج و الف بنيه تتمنى اشاره مني بس اني گلبي وروحي لضي
ضي: ومروه
ضياء: هههههه اهووو شيخلصني منج بهل سالفه
ضي: ماادخل اطمأن
ضياء: لعد والشبح ضياء الخيال الي قبل شوي كام يكمز
ضي: صدك اكو مو كذب
ضياء: اي اعرف وخاصه من يسمع بمروه يجي يركض
ضي: ههههههههههه يمكن
ضياء: اطمأني ونامي ح اروح للبيت
ضي: تريد تروح
ضياء: عندي محكمه الصبح
ضي: محكمه لو لليله صباحي
ضياء: ههههههههه محكمه
ضي: ابقى هنا صبح روح للمحكمه
ضياء: ابقى مااكدر اقاومج ماتحمل ومااريد اتقربلج حتى ماازعلج ولا اجرحج اطمأني اروح للبيت انام
ضي: لا هنا تنام
ضياء: ضي مااحب تمشين كلمتج عليه
ضي: اكيد ماامشي كلمتي عليك بس اخاف وحدي
ضياء: لا هيج تحجين وتذوبيني بعدين ترفضيني تره تعبت
