ضي
ردت اعترفله قصة حامد خفت
ضياء: شنو ضي
ضي: شلون عرفت قصة هناء
ضياء: عادي من خلال تسجيل المكالمات عرفت هناء تحجي وياج
ضي: ضياء انت تراقبني
ضياء: مااراقبج بس من ضميتي عليه خليتيني اضطر اكشفج اني باسلوبي
ضي: ضياء الله عليك انت شكيت بيه
ضياء: وعيون اولادي وعيونج
خله ايده على بطني
ضياء: وداعت هذا الطفل الي بعدني ماشايفه اني ماشكيت بيج بشي موزين بس شكيت اكو سر يخص اهلج او البنات او ريسان وتضمين عليه
ضي: تعرف شكد نقهرت من عرفت راقبت موبايلي عبالي شكيت بيه بشي موزين
ضياء: بالعكس ضي اني اثق بيج
ضي: هناء من خابرتني بلغتني عمو حسن طلك امي وتريد اساعدها ارجع لماما كذبتها ...من سألتك تاكدت و عرفت كلامها صحيح والدليل ثبتت نيتها من ساعدتني بلاوراق
ضياء: ضي بعدج صغيره وماتعرفين الدنيا عبالج كل ناس طيبين مثلج خليها معلومه ابالج
ضي: شنو
ضياء: الخبيث الذكاء الي عنده داهيه محد يكدر يوصله اما الفطير فهذا اعتبري غبي ومافاهم الحياة ومايكدر يواجه حياته ومشاكله بالعكس يستسلم
ضي: اني غبيه
ضياء: ههههه مو هيج بس تستسلمين لمشاكلج ...شنو بعد ضامه عليه
ضي: شي يخص هناء بس خصوصياتها بالجامعه ومااكدر احجيها
ضياء: لا ضي مااطلب منج كل كلمه تنقليها الي بس الي يخصج مااقبل ينضم عليه
حضني وحضنته حيل
ضي: شوكت يجي ابنا متشوقه اشوفه ضياء اريد اجهزه تقبل
ضياء: اكيد شنو تشتهين اله اشتري
ضي: ضياء لاتزعل من ريسان
ضياء: لاتحجين بهل موضوع
ضي: مو بايده من حبها خطيه يقهر من محتار بين حبه وابوه هو مختارك ومفضلك عليها
ضياء: سدي الموضوع ضي
التفتت عليه نمت على صدره
ضياء: ديربالج لاتنامين على بطنج
ضي: تخاف عليه
ضياء: اخاف عليكم اثنينكم
حاضنته ويلعب بشعري
غفيت بحضنه ماادري بنفسي
كعدت وحدي نايمه وضياء ماكو
ب ٩ و مامداومه
خابرته عايفني نايمه لان تعبانه
علاقتي اني ضياء نفسها ماتغيرت
ريسان ايضا ماتغير يضحك يسولف
بس بوجود ضياء يسكت خجلان من ابوه
قليل يضحك ويسولف
يتهرب من ابوه يطلع بره قليل يتواجد بالبيت
يرجع لليل وبس يقره
البنات مثل ماهيه دوام وركضه
كملت شهر الثالث دخلت بالرابع ومايقبل ضياء اعرف نوع الجنين فرفحني
بيوم الصبح يوم جمعه
كعدت لكيت ضياء ماكو
طلعت مالكيته بالبيت وشفت ريسان يغسل سيارته
ضي: صباح الخير اشو ماكو ضياء
ريسان: صباح النور اعتقد طالع
ضي: وين راح
ريسان: مااعرف
ضي: اليوم تغسل سيارتك شعجب
ريسان: شفتها كدامي غسلتها مابيه حيل اخذها للغسل
ضي: شبيك صاير شي بينك وبين سناري
ريسان: ماكو شي جديد وياها واريد اتركها بس مااكدر حبها يمنعني
ضي: الله كريم الله يفرجها يوميه ادعيلك بصلاتي تنجمع وياها
ريسان: ادخلي جوه
