ضياء
ماعاجبني وضع خطيبة ريسان
لكن ماكدرت اوكف بوجه وضد اختياره
خطبتها اله على حسب الاصول
رغم كنت اتمنى لريسان انسانه فاهمه مثقفه راقيه بسيطه طيبه حبوبه
هذه القسمه مو كل الي نتمناه يتحقق
بعدت ضي عن الخطبه
اخاف عليها من الهوى ..اخاف تنجرح من احد
مااريد احد يأذيها ماتحمل اسكت
طلعنا للخطوبه ريسان فرحان واخواته
روز نظراتها قهرتني
تباوع على العروسه وتتأمل
تعرف مستحيل زواجها
ربي شوكت تشافى بنتي ليش مستحيل
لاتخليني افقد بنتي اجعل يومي قبل يومها
كملت حفلة الخطوبه تأخرنا على ضي
رجعت رهف وروز وياي بالسياره
وصلنا للبيت
روز: بيتنا ظلمه شعجب
نزلت خايف على ضي
ضياء: حامد موجودين بالبيت
حامد: اي عمي قبل ساعتين طلبوا مني لفات اشتريتلهم وموجودين
رهف: ضاربه العشا ضي ونايمه
روز: ههههه لان حامل خطيه وضاجت ماراحت ويانه
دخلنا للبيت
ضي نايمه بغرفتنا
روز: ها بابا
ضياء: نايمه
البنات صعدوا فوك
كعدت يم ضي
ملاك ونايم الاحلى مابيها بشرتها حساسه رقيقه
تلمستها على كيفي فزت
ضي: ضياء رجعت
ضياء: اي ليش نايمه
ضي: مااعرف غفيت
ضياء: شبيج مصخنه صاير شي
ضي: لا ماكو شي بس اعتقد تمرضت اشو نحلانه
ضياء: ارجعي نامي ارتاحي
ضي: كلكم رجعتوا
ضياء: ريسان جماعته اخذوا يحتفلون بي والبنات فوك
ضي: حلوه العروسه
ضياء: ريسان شحب منها
ضي: ههههه البنيه حلوه بس انت لاتغار من خطيبة ابنك
ضياء: ماكمت اشوف البنات حلوات بس انت حلو
ضي: يعني رهف و روز مو حلوات
ضياء: حتى بناتي مو حلوات بس انتي حلوه
ضي: ههههه وبنتك الي بطني
ضياء: انتي احلى منها وارقى منها واطيب منها
ضي: بنتي هم حلوه عزه بس لا تطلع تشبه ابوي لو عمو سامر
ضياء: هههههه محسب احسابي نص املاكي باسمها حتى يمشي سوكها
ضي: هههههههههه تقلد على بتنا
ضياء: اني حجيت شو انتي تقلدين
ضي: اكوم اشوف البنات
دايخه وايدها ترجف مصخنه
ضياء: بيج شي ضي صاير شي
ضي: لا اكيد لا
صعدت للبنات
اسمعهن فرحانات تسولف وياهن وتضحك
رجع ريسان لليل متأخر
بعد اسبوع عقد محكمه ريسان وسناري
اني عقدتلهم
المحكمه فرحانيلي يباركون الي ولريسان
بيومها ريسان معزوم عند اهل سناري
ثاني يوم قررت اعزم سناري
تتعرف على بيتنا وحياتنا
