ضياء
ضياء: اريد زوجتي ام ابني
سامر: والحكم وظلمها ... تعرف ضي خطت خطوه اني مقرر اخطيها مقرر اكتل ابوي على دموع امي يوميه اشوفها تبجي بالليل جوه الغطه تعرف شنو مره نحرمت من الحياة وكرست حياتها لابنها مظلومه ولحد الان مظلومه تمنيت بايدي اني اكتله واشرب من دمه بس للاسف ضي سبقتني ودمرت حياتها
ضياء: ضي دمرت حياتي قبل حياتها
سامر : راح اسولفلك عن ضي وانت احكم
..........................
سامر
رحت لضي شفتها بالجامعه
سامر: ضي اكثر من مره طلبت رقمج وماتقبلين
ضي: مااكدر سامر
سامر: ليش لاعبالج اني اجيت واريد فلوس منج او طمعان بزوجج قاضي
ضي: انت شتحجي يافلوس ياطمع انت ابن ماما رغده الي ربتني احلى تربيه معقوله انت ماتطلع مثلها واحسن بس مااكدر لان زوجي يراقب موبايلاتنا ومااريد يعرف انت اخوي
سامر: ليش ماتريدين
ضي: سامر اذا اطلب طلب تساعدني
سامر: شنو
ضي: اريد رقم وموبايل اخابركم بي
سامر: ماشي بس ليش
ضي: افضل سامر كمت استحي من افعال ابوي كدام زوجي يوميه سالفه تطلع كدامه شكله عنك
سامر: احقر بشر ابوي
ضي: الله يرحمه
سامر: الله يحركه ان شاء الله
ضي: لا سامر حرام لاهيج تحجي الله يغفرله ويغفرلنا
بعد ايام اخذت الرقم والموبايل رحت لضي
بعد ٣ ايام اتصلت عليه ضي
مكالمه غريبه
ضي: سامر اذا اريد اخلي امانه يمكم تكدر
سامر: شنو
قصتلي قصتك انت و مروه وتخاف عليك
نقهرت عليها شفتها مظلومه وتستحق اساعدها
اتفقت وياي من وره المزرعه اوكفلها
وكفت سياره اني وخالي وزلمنا
اخذنا مروه يم امي
غرفه اكل وشرب
كل فتره ضي دز مصرفها احنه ماقصرنا ويه مروه
نعالجها وحالتها تسوء
يوم زينه يوم لا
بالاخير ضي قررت تساعدها وتبدل كليتها
جماعة خوالي رتبوا الوضع وسافرت لسوريا
بعد مانعرف شي عن مروه
تتصل فقط ويه ضي ماتركتها ضي
بعدها فتره طويله
رقم دك عليه باوعت ضي
ضي كل اشهر تتصل علينا مو دائما
تخاف منك
بيوم اتصلت عليه
سامر: شبيج ضي احس اكو شي من صوتج وسلامج
ضي: اريد اترك زوجي وابني
سامر: شنو ليش
ضي: سامر تعال اخذني من بيتي ح انطيك العنوان ومن تجي اسولفلك السبب
سامر: تجين زعلانه ايام
ضي: من اجي افهمك بس تكدرون تستقبلوني
سامر: اكيد بعيونا نخليج بس ضي لا تركين ابنج لاتصيرين مثل ابوي
كامت تبجي
ضي: محد وصلني لهذا الحال غير ابونا
سدته وثاني يوم الصبح دزتلي عنوان
والعصر اتصلت رحت الها
وكفت بغير فرع اجت تمشي تعبانه
وصلت يمي اغمى عليها
شلتها وخليتها بالسياره
خابرت امي ورحت للمستشفى
