ضياء
الفرحه ماتنوصف
اكثر من ولادة اطفالي فرحت
لان زوجتي تحبني وفرحانه ابنها مني
ابني صغرني
حسيت حياتي بعدها ومهمه جديده هوه ابني سامر
اربي واكبره وافرح بي
مااقصر وياه حاله حال اخوانا
رجعنا للبيت ابنا ويانه
اول شي سويته من وصلت للبيت
صليت صلاة شكر لسلامة ضي وابني
اباوع على صورة امي بالمكتب
ضياء: يما اكيد هذه فرحتي دعاويج الي ااخ شكد مشتاقلج تمنيت عايشه وتلوللين لابني ... اذكر كلامج من تصبريني على شيلاء تكليلي ربك مايترك عبده وهسه تشوف شلون الله يعوضك وفعلا عوضني بزوجة مثل الملاك ربي احفظها الي واكدر اسعدها هي وابني واحافظ عليهم وياربي طلبي الاخير تكوم روز بسلامه وتتعالج حتى ارتاح بحياتي
كملت وطلعت لكيت رهف نايمه بالصاله تعبانه
ضياء: اصعدي بابا نامي بغرفتج
رهف: بابا روز تعبت اختنكت اخذت علاجها ونامت خطيه تعبانه وضي محد يمها ابقى الى ان تصحى روز
ضياء: راح اخابر ابو اسعد تجي ام اسعد يمها
رهف: ياريت لان اني مااكدر وحدي و روز مااريدها تتعب وضي خطيه نفسه
ضياء: اصعدي نامي ارتاحي ضي وطفل نايمين واني يمهم اذا يكعدون اصيحج
رهف: ماشي
دخلت للغرفه ضي وابنها نايمين
صعدت فوك
اسمع روز تتنفس بلكوه
فتحت الباب نايمه
تصنع هي نايمه
ضياء: دلوعة بابا نايمه
روز: اي
ضياء: بابا شبيج لاتضمين عليه من اتعبين ليش تعبانه تره سامر ماياخذ مكانج انتي دلوعتي وحبيبتي وكل فرحتي
روز: ههه لا بابا مااغار من اخوي وفرحانه بي
ضياء: صاير شي
روز: لا ابد بس شوي تعبانه
ضياء: اني احس الي بداخلج ومنتظر انتي الي تسولفين
روز: اني عمري ماراح اعيش هذه اللحظه ومااكدر افرح راح انحرم من الامومه
ضياء: اشششششش لاتكملين كلامج منو كلج انتي رب العالمين شنو تنحرمين كولي ياالله ان شاء الله نلكه متبرع تتعالجين تزوجين تعيشين هذه اللحظه واشيل ابنج واكلج ها روز عشتيها اللحظه
روز: ياربي لاتحرم كل محرومه من ذريه
ضياء: امين ...نامي ارتاحي لاتفكرين ولا تعبين نفسج
بستها من راسها وكمت
دمعتي بعيني على بنتي
تفكيرها وكلامها يموتني تفكر وتتمنى واني مااكدر احقق احلامها اااخ
دخلت لريسان شفته والكتب يمه
ورهف ايضا نايمه
نزلت خابرت ابو اسعد
اجت يم ضي والبنات تساعدهم
تبقى من الصبح وتروح بالليل
البنات يم ضي بالليل رهف و روز
٣ايام وضي تتحرك عادي تشتغل وتعتني بابنها
ماتوقعتها شاطره
تسهر على سامر ماينام واشوفها تتعب وماتستسلم
تحضنه وتبوسه وتغنيله وتبجي
حسيتها تريد تعوض سامر الي هي نحرمت منا بطفولتها
بالنهار يساعدوها البنات بسامر والليل هي تسهر
صار عمر الطفل ١٠ يوم
