ضياء
بعد ٦ اشهر من غياب ضي
الظهر ب ١
ماكدرت ابقى بالمحكمه تعبان
حامد: ها استاذ تطلع
ضياء: اي حامد شوفلي السايق
حامد: اوصلك اني
ضياء: لا خليك مااريد اتعبك
حامد: ماشي عمي
طلعت للبيت
صارت ضي أبالي
مااكدر انساها ولا اكدر اسامحها
مشتاقلها وبنفس الوقت زعلان عليها
رجعت للبيت ماكو أحد
اصيح ماكو
نزلت سناري
سناري: ها عمو الله يساعدك
ضياء: هلا بنتي وين سامر
سناري: ريسان اخذه وطلع
ضياء: وين طلع
سناري: مااعرف كام يبجي واخذه
ضياء: روز بعدها مارجعت
سناري: اي
عفتها دخلت الغرفه
اااخ ياضي شلون متحمله فراك سامر
خيال ضي ظهر ألي
ضي: لو موجوده هم اعيش على فراكه وانت بايدك تبعدني
ضياء: لان تعرفين نفسج خطأ
ضي: ماترحمني وماترحم نفسك وماترحم ابنك
ضياء: انتي مارحمتي نفسج من ضربتي ابوج وعفتينا
ضي: يعني اذا ارجعلك ترحم بحالي
ضياء: اكيد لا ومااتراجع عن كلامي
ضي: اشكرك ضياء
ضياء: لاتروحين ابقي مشتاقلج
ضي: انت شنو من بشر واحد ظالم
ضياء: مااعرف تعبت اني صح لو غلط والله تعبت انتي هديتي حيلي
ضي: اني سهلت الامر عليك وتركتك
اختفت ضي
اباوع من شباك الغرفه شفت ريسان وسامر
طلعت للصاله دخلوا اثنينهم
ريسان: اليوم من وكت بابا راجع
ضياء: اي من وكت وين كنت ريسان
سامر يمشي على كيفه تقدم عليه ووكع
شاله ريسان يضحك وياه ويبوسه
ريسان: عباره عن دب منفوخ شتمشي ولك وينك وين المشي
اباوع على ابني يشبه ضي
..............................................
ذكريات بيوم اختفاء ضي
.............................................
بعد رسالة ضي حسيت نفسي ضايع
شلون ألكاها
بسهوله عرفت ماترجع لمكانها القديم
رجعت تايه بدنياي
لكيت الكل كاعد وصافن
روز و رهف عدنا يبجن
ضياء: شكو
روز: ضي مارجعت وياك مو بابا
ضياء: يعني ضي رجعت الكم و بالغرفه سوت بيه مقلب صح
رهف: بابا شنو مقلب ضي كاتبه النا رسائل كل واحد كاتبتله رساله تودعنا
ضياء: يعني ضي صدك سوتها وتركتني اني وابنها
اختنكت وحسيت دمعتي ح تنزل كدامهم
دخلت للغرفه سامر نايم بسريره
كمت ابجي كاعد بفراش ضي
ضي تعرفني وتعرف اذا تعترفلي مااسكت عن الحق
وعدت نفسي احميها واني اذيتها
ماتوقعت تهرب مني واني خصمها
تحمي نفسها مني وهذا الشي حقيقه
