ضياء
ريسان: شنو قصدك
ضياء: سامر بي ريحة ضي امه
ريسان: غير امه
ضياء: ريسان.. ريحة ضي موجوده باخوك ثالث مره اشتم ريحتها بملابسه
ريسان : من حبك الها
ضياء: لا مو هيج القصد ... وين كنت ريسان
ريسان: سامر من رجع بس يبجي اخذته فررته بالسياره ربع ساعه ورجعنا
ضياء: ماشي اليوم ليش رجعته من وكت
ريسان: مو اني المربيه مخابره روز عدها شغل ضروري ورجع ... حجي شنو هل تحقيق وين تريد توصل
ضياء: ريسان تعرف مكان ضي
ريسان: شنو مكان ضي
.....................................................
ذكريات بحث عن اختفاء ضي
.....................................................
اصعب ليله عشناها اني واولادي
سامر بيومها للصبح يبجي على امه
رهف و روز ماغمضت عينهم يبجون ويه اخوهم
بيتنا كأنه حالة وفاة
مختنك من البيت ماتحمل وجودي بالغرفه ضي ماكو
وين ضي وين راحت مااعرف
اعرف مكانها أمان بس مااعرف وين
عقلي توقف مايفكر
صوت سامر وصرخاته بأذاني
حسيت بلحظه گلبي راح يوكف
لزمت كلبي وتخربطت
لساني ثكل مااكدر اتنفس
شافني ريسان طفر عليه
صاح الحرس اخذني للمستشفى
بالطريق ماحس بالدنيا
اشوف طيف أمي فوك راسي ودموعها من دم غركان جسمها بالدم ومخنوكه
اريد اوصلها مااكدر ومااكدر اساعدها
اشمرلها قطعه بيضه مااكدر عاجز
أيدي تعبت لان القطعه ترجعلي
بلكوه أسحب انفاسي اركض تعبان مثل تعب الشخص يركض بسرعه ومايرتاح
الم غريب زارف كلبي ويدك خوف رهبه دنيا جمره وفارغه لا هي صحراء ولا سما ولا بحر
متموجه وفارغه
اركض اريد اوصل لامي مااكدر بلكوه تقربت امسح دموعها دم كعدت من حلمي
اشوف اجهزه على صدري وايدي مااعرف شنو الموضوع
لساني ثكيل
تعديت الجلطه بالدماغ
ريسان فوك راسي خايف عليه
ضغطي ٢١ ومن هل شي خايفين
بقيت ساكت مقهور على حالي وحال ابني وحال ضي
دمعت عيني
صوت ابني بأذاني شلون اكدر اسكته بدون امه
امه تركتنا
للفجر كدرت احجي
طلبت نطلع من المستشفى
ريسان: بابا انت تعبان
ضياء: طلعني ريسان اخوك لا امه ولا ابوه يمه
ريسان: البنات موجودات
خنكتني العبره
ضياء: هسه ضي ليلها مانايمته وتبجي على ابنها اعرفها تحبه اكثر من روحها شلون كدرت تعوفه
ريسان: من حبها اله والك عافتنا خطيه ماتريد تفضحنا
ضياء: ياريت مادخلتها حياتنا جانت تتوسل بيه تبتعد وماتقبل بعلاقتي وياها وجبرتها اعتقدت مرضها او مكانها فقرها مارادتني ليش ليش خليتها تحبني واحبها وابنا الضحيه اااخ ياضي اول مره احس نفسي ضايع وجبان ومربوط
