ضي
بالمستشفى اثناء الحرق
نصدمت من سمعت القاضي يسولف ويه بنته
بابا بخطر
عمو سامر وبيبي وينهم
بيبي خطيه مغمى عليها معقوله عافوها
محد هجم بيتنا غير منال
......................................
ذكريات زمن الماضي
........................................
من صعدت سمعت منال تسولف ويه بابا
انصدمت
منال: اگلك مشيها السالفه تره محد ياخذ بتك
صلاح: اعرف بس مايصير كل شي احنه ننطي
منال: انزوجها ونستر عليها
صلاح: بدال مانزوجها بفلوسي اعالجها والف واحد يتمناها
منال: شتعالج انت مصدك ضي الها علاج بصدرها منين يجيبولها ثدي امك تتبرع لو امها العوجه
صلاح: ماادري منال اخاف اورط ضي وبعدين الولد مايريدها
منال: لا عاجبته وميت عليها اني احجي وياه ....خلينا نساعده خطيه .... أهله مايقبلون يساعدوا
دااسمع كلام منال وابوي
طلعت اختي عذراء شافتني
ماكدرت ابقى اكثر
سويت نفسي هستوني صاعده خليتلهم الصينيه
نزلت بسرعه
خطيه نوح يريدني ومايتمكن
رغم عيوبي حبني الله شكد حلو هذا الولد ويخاف الله
لازم اوكف وياه وتحمل المر لاجله
بالاول رافضته ووافقت عليه من سمعت كلام منال
رغم مامستوعبه مساعدة منال
كلام منال الي سمعته ماسولفته لا لعمو ولا لبيبي
حتى ماتصير عرضه بقسمتي وخطيه نوح
فرحانه انسان يحبني بكل عيوبي
عشت احلى ايام افكر بي
اتخيله اسولف وياه واحبه عشقته بهذه الايام
رغم ماملتقيه بي بس مره
بيوم اجتي منال بالليل كاعدين اني وبيبي وعمو سامر وبابا
منال: هذوله الناس خابروا يردون الخبر منا
تفاحه : ياخبر
منال: موافقين لو لا
سامر: هوه احنه سألنه عليهم
منال: سأل عليهم صلاح صار اسبوعين فلس الولد
التفتت بيبي على بابا
تفاحه : صلاح شو ماسولفتلي تسأل على الولد
صلاح : نسيت المهم الكل مدحت بي
سامر: انطيني رقمهم عنوانهم اسأل عليهم
منال: ليش ابوها مو بعينك
سامر: اني هم ابو ضي ومن حقي اسأل
صلاح: مايحتاج تسال من تصير عندك بنيه وتزوجها ماادخل ومااسال من تخطب
سامر: انت على بتك ماتسال تريد تسأل على بنت اخوك والله بطران
تفتحه : سامر لاتخرب فرحة ضي وتتعارك
سامر: ضي انتي عاجبج موافقه على القسمه
ضي: اني ماعندي مانع بس كون يعرفون هو واهله مرضي
سامر: اكيد لازم يعرفون وثانيا ياعمي هو اذا يحبج يسويلج عمليه ويعالجج
تفاحه : هيج والله تزوج ضويه وتتعالج من بختكم اهل البيت حفيدتي تنسعد
