ضياء
ماتوقعت هذا كلام من ضي
ضياء: شنو هل كلام
مااتحمل ابقى بالغرفه طلعت منها
بالمحكمه
عصبي ماتحمل ولاقضيه حسيت اظلم الدعاوي بقراراتي
أجلت كل الدعاوي بهذا اليوم
مشتت فكري
اكلام ضي صدمني اختارت امها
اذكرت كلامها (لو امك توكف بوجها)
اااخ ضي ذكرتيني بجروحي اااخ ياامي
معقوله تربية ضي تفوق على تربيتج معقوله اني ظالم
ضي تنصف وترحم امها وامها ظالمه
يايمه بديت احس بالندم والخجل منج
يايمه مشتاقلج ومشتاق لريحتج ولحضنج وحنانج
نظراتج الاخيره ابد ماانساها
ياريتج مامعلمتني ارفع صوتي على الحق
ضي علمتني درس المسامحه
رجعت للبيت الظهر مختنك
لكيتهم منزلين ضي بالصاله كاعده
شكد حلو وجها وشكد احبها
بس كلامها جرحني بينتلها مااهتميت لوجودها
هي هم ساكته
رهف: بابا شبيك ضايج
ضياء: مااشتهي اتغده وياكم داخل لغرفتي نايم لاتكعدوني
روز: ليش ماتتغده
ضياء: مااشتهي أكل راسي يوجعني
روز: صاير شي بالمحكمه قضيه مضوجتك
ضياء: لا حبيبتي بس تعبان اريد انام
دخلت للغرفه عفتهم
غسلت صليت ونمت
مااكدر لا افكر ولا انام بقيت متمدد
لليل كمت من فراشي
لبست وطلعت
ريسان: هلا بالحجي
ضياء: ضي ليش من الظهر لحد الان كاعده هنا اصعدي فوك ارتاحي
روز: تغدينا صعدت نامت وقبل شوي بلكوه نزلناها
ضياء: ها ماشي
ريسان: وين طالع مبدل وكاشخ
ضياء: اروح للمزرعه
ريسان: ها
ضي: شنو مزرعه
ريسان: المزرعه السعيده
رهف: هههههههههههههه
ريسان: مزرعتنا بيت ومزرعه حلوه
ضي: ها ومنو بيها
ريسان: حوريات الجنه بيها😂
اباوعلها دايخه بالمزرعه ضي
تسأل كدام البنات
ماجاوبتها هي تباوعلي مااهتميت
طلعت
حامد: ها عمي انت لو اني اسوق
ضياء: انت
حامد: وين
ضياء: لبيت اهلي
حامد: الي ساكنه بي ست ضي
ضياء: اي
حامد: ماشي
مااعرف ليش اختاريت بيت ضي
رغم مقرر اروح للمزرعه
وصلت ودخلت للبيت
ريحة ضي بي
تمددت بفراشها نسيت نفسي غفيت
نص ساعه موبايلي دك
ضي تتصل
رديت عليها
ضياء: ها ضي
ضي: وين انت
ضياء: ليش تسألين
ضي: ضياء وين انت
ضياء: لاتحجين وياي بهل اسلوب فاهمه
ضي: بس ألي حق اعرف وين انت
ضياء: نايم
ضي:منو يمك
ضياء: هههههه شوي واجي
ضي: منتظرتك لاتتأخر
ضياء: نامي لاتنتظرين
ضي: ما الا انتظرك
غلقته ودكت مكالمة فيديو
رديت عليها
ضي: هاي وين انت ليش هنا
ضياء: ضي مااقبل تشكين بيه
ضي: مااشك بس ليش تگول بالمزرعه وانت بيتنا
ضياء: اريد افكر اختارج لو اختار القضيه
ضي: صدك تحجي ضياء
ضياء: ها لعد من انتي خيرتيني صدك تحجين
ضي: لاتتأخر انتظرك ياله انام
ضياء: الله وياج
