ضي
ضي: كملي كلام مروه اريد اسمع قصتج
مروه: اني مريضه وابو ريسان يساعدني
ضي: اريد افهم قصتج
مروه: اني مثل قصتج بس انتي حافظتي على نفسج
ضي: يعني شلون
مروه: جنت عايشه بدلال اني واخوي يزن ابوي صاحب حلال ومال يبيع ويشتري بالاراضي
ضي: مقاولات
مروه: اي عشنا بظل ابونا دللنا امي ماتت واني بالاعداديه ابوي زوجني حتى يعيش حياته ويزوج خلاني بيت اني وزوجي ويزن وياي عايش
ضي: ليش
مروه: رفضت زواجه فهو زوجني حتى يزوج وزوجته صغيره يزن يستحي اجه يمي يعيش ... اني ويزن علاقتنا قويه روح وحده الله يرحمه افقر رجال لايحقد ولايكره ولاياذي احد حتى الدوده ماياذيها يگول عليها خطيه جنت اتعارك وياه اريد اطلعه لوكته اعلمه على القساوه واللسان ماكو فايده
ضي: منو الاكبر انتي لو هو
مروه: هو اكبر مني مكمل معهد ويشتغل بمكتب بابا مايعرف مجرد كاعد ...بابا ينطي يوميته مامقصر ويانه بابا واني ألم فلوسه حتى يزوج كون نفسه بنفسه
ضي: حياتكم حلوه بعد شلون نفس قصتي
مروه: لا بهل اثناء علاقتي ويه زوجي زفت يضربني مايعاملني معامله حلوه يشرب ويخوني والبنات الي تخلي عينها عليه تسويله عمل مايحبني حتى تلعب نفسه اذا اتقربله او يتقربلي
ضي: اي
مروه: بابا خسر كل املاكه زوجته تركته لان على طمع وخطيه عافلنا بس البيت النا وانسجن مااخذ البيت منا ردت ابيعه واطلع بابا ماقبل بابا بفلوس يزن الي لامتها طلعت بابا كفاله وكم شخص وفيناه حتى يتنازل كعد يمي ماتحمل كم شهر توفى بسكته قلبيه يزن ماعنده شغل وزوجي مايصرف عليه بعنا البيت اشترينا اصغر غيرنا المنطقه رجلي اخذ فلوسي باكها مني خلاني افرفح بعنا البيت وأجرنا يم بيتنا القديم لان علاقتنا بالجيران قويه يساعدوني بيزن وكلها تحبنا لان قبل اني وابوي وامي نساعد وننطي سمعتنا حلوه بالمنطقه اني جنت باب الشارع مااشوفها بس ايام الدوام اطلع عمري مافكرت احب وانحب جنت الصبح اطلع وكصيبتي واصله لظهري حلوه وحمره الكل يركض وراي ماانطي اهميه الهم شفت نفسي حلوه قررت اتحجب واستر نفسي امي تفرح بقراراتي تگولي ماينخاف عليج انتي عاقله وحبابه
ضي: الله يرحمها
مروه: المهم واحد من جيرانا شافلي شغل بشركه اهليه واني شاطره بالحاسبه كمت اشتغل واجتهد لان يزن مو كد الشغل خطيه
ضي: مريض يزن
مروه: تقريبا هيج شي لان فقير وبس ساكت مايحجي قليل الكلام وابتسامة وجهه ابد ماتفاركه
ضي: اوووي خطيه الله يرحمه قشعر جسمي مبين ابن اخره
كامت تبجي على اخوها انقهرت عليها
ضي: كملي مروه كلامج .... اريد اعرف ليش وصلتي لهذه المرحله
مروه: زوجي بالشهر يجي مره مرتين ومرات مايجي اني اسولف للموظفات وابجي مقهوره منا يعني سوالف نسوان ووصلت قصتي لصاحب الشركه ...مره صاحني طلبني بمكتبه كام يسولف وياي على اساس مقهور عليه وزوجج مايستحي شلون يذبل هيج ورده مفتحه وسوالف كومه يوميه نسولف وارتاح وياه بالكلام شوي شوي كام يطلب هو يعوضني فهمت قصده رفضت وبعدت عنا هددني يفضحني يم الموظفين على اساس اني وياه بعلاقه غير شرعيه ويبطلني من الشغل .. بالليل يخابرني يبجي يحبني ولهذا يهددني يگلي اطلكي منا واني ازوجج فرحت حسيت الدنيا رجعت تضحكلي وراح نعيش اني واخوي بالامان وزوج يحبني ويعوضني طلبت الطلاك من رجلي ورفعت عليه دعوه هو خلالي محامي بهل اثناء قنعني يتقرب مني
ضي: وانتي مزوجه😲
مروه: كذب عليه قنعني اذا زوجج هاجرج اكثر من ٣اشهر تعتبرين طليقته عند الله وكلي تعاي نتزوج بيني وبينج وزوجتك نفسي وزوجتكي نفسي گام يتقربلي على اساس هو زوجي
ضي: شهل خرابيط هذا كله حرام ومنو كلج مو زوجج وشنو طليقج عند الله المره حتى رجلها المختفي الها فتره ياله الها حق تطلك منا غيابي والي هاجرها من الفراش الها شروط وفتره وهم لازم تطلك منا سيد انتي جبيره وفاهمه وواعيه شلون نضحك عليج
