ضياء
رهف تبجي وريسان حاضنها يسكتها
صحت بصوت
ضياء: روووز باباتي لاتركيني
شوي وطلع الدكتور
ريسان: ها دكتور
دكتور: الحمد لله بس وضعها حرج
ضياء: شنو يعني
دكتور: جسمها ضعيف وماتكدر تقاوم
ضياء: بنتي مو ضعيفه قويه
دكتور: الحمد لله على سلامتها يارب تكوم بسلامه
عفته ورهف يمها
تتحرك قليل دخلت يمها
ضياء: رهف عوفيني ويه روز
طلعت رهف
ضياء: باباتي تسمعيني
أشرتلي تسمع
ضياء: روز ليش هيج بابا تعرفين اني شكد فرحان بيج قويه وصبوره مع الاسف كل هل سنين تمثلين عليه وتخدعيني بقوتج ... طلعت بنتي انسانه ضعيفه مهزوزه المرض مسيطر عليها ... تعرفين جنت اكول انطي كلبي لانسانه قويه صاحبة مسؤوليه افتخر بيج انتي دكتوره وتنقذين ارواح كلبي مايموت بالعكس حتى واني ميت يساعد عن طريق بنتي بس للاسف بنتي جبانه تفكر بالعاطفه والمرض نست الحياة ..الدنيا مو لعب وحب وزواج .. الدنيا عدنا هدف نحقق العداله المساعده التضحيه والاسلام ومن ثم حياتنا الشخصيه انتي كل تفكيرج فقط الحياة الشخصيه
نزلت دمعتها واني اسولف وياها
ضياء: ليش تبجين مقهوره من كلامي بس مانقهرتي علينا اني واخوتج شيصير بينا مافكرتي باختج تضحي لاجلج ماتركج بسهوله تريدين تموتين وتستسلمين روز اني طالع وماارجعلج انتي ترجعيلي وانتظرج
دنكت بستها من راسها
ضياء: لاتتاخرين على ابوج منتظرج بيتنا
عفتها وطلعت دموعها تجري
لازم اقوي بنتي اخلصها من هل ضعف
رجعت للبيت عفت ريسان و رهف بالمستشفى
حامد رجعني واشوفه قلقان على روز
مااعرف ازعل واضوج منا لان بنتي تحبه
لو اتركه واشكره لان حافظ على شرفي واحترم حرمة البيت
ضياء: حامد انت تحب هناء
حامد: ليش عمي هل سؤال تسالني و بهذا الوقت
ضياء: مجرد سؤال اذا تحبها اخطبها
حامد: بصراحه قصة هناء مو ابالي ولا حبيتها وهي دخلت بحياتي مااعرف شلون كدرت توصل لرقمي وتسولف وياي ..عرفت نيتها شر تريد تستغلني واني بقيت متواصل وياها اريد اعرف غايتها شنو حتى ماتاذي ام سامر ولا تأذيكم
ضياء: وهسه تركتها
حامد: اقسملك بالله تركتها لهناء من بلغتني
وصلت للبيت تعبان
ضي وسناري منتظرين احد
تلكتني ضي طمأنتهم دخلت للغرفه
سامر كاعد من النوم يلعب ويناغي وحده
دخلت ضي شافته
