ضي
سمعت صوت القاضي عيوني مااكدر افتحهن
الم الم مو طبيعي مااذكر ومااعرف الي صار
بابا وين صار
بيبي عايشه ميته
اني وين
رجعت بغيبوبه
....................................
رجعت اذكر طفولتي
....................................
ضي
عمري ٨سنوات
وعيت على الدنيا بيبي هي امي
عماتي مزوجات
عمو سامر شاب
من صغري اشوفه يشتغل ويركض على العيشه
جدو متوفي
بابا اااااخ من بابا
طلك ماما وتزوج اني عمري ٣سنوات
ماافهم الدنيا
ماافهم بابا يحبني لا
زوجته الثانيه رغد
طيبه وحبوبه
حسب كلام بيبي وعمو سامر تحملت بابا وجبرته
اني وياهم بالغرفه اعيش
تشتريلي وتصرف عليه تحبني تلبسني وتغسلي وتوكلني
صارت ام الي عوضتني عن حنان الام
اذكر شكلها
سمره عيونها وساع خضر رغم سمره
قصيره ودبدوبه اخذها من القرى والارياف
شكلها حلوه تنحب جمالها يجنن
بابا محظوظ بزوجاته
جانت زينه وياي ويه بيبي وعمو سامر
حتى ويه عماتي
هي قايمه بالتنضيف طبخ حتى ملابس عمي سامر تغسلهن
كل وقتها الي
من تروح لاهلها تاخذني وياها
تعلقت بيها
صار عمري ٦ سنوات كمت افهم
اذكر تلبسني وتغنيلي
تسوي كصايب
رغد: ضوضايتي وين اختي ..بالحله وشتاكول باجله وشتشرب ماي الله .. وين تنام بأرض الله
من تكمل اطفر واكلها عيديها ماما
تتعمد تسكت حتى اطلب منها وتغني
افرح وهي تفرح نغني وندرس ونلعب سوه
جنت اضوج من شكلي بهاق
اشوف ناس ينقهرون عليه ويسالون
من اطلع ويه امي رغد او بيبي
ابجي مااقبل اطلع وياهم
رغد: يله گومي نشتري بيض نتريك من الدكان واشتريلج مصاصه
ضي: مااريد مااطلع
رغد: ضي شبيج
ضي: ماما شبي جسمي ابيض واسود
رغد: مابي عادي
ضي: ليش مو مثلكم
رغد: ليش سمره مثل جسمي وبيضه حلوه مثل بيبي
ضي: اريد اصير مثلج
رغد: من تكبرين يصير جسمج ابيض ابيض وحلو حلو حلو كلها تتعجب عليج شكد حلوه
ضي: اريد هسه
رغد: هسه صغيره اله من تكبرين يوكع هذا يتغير وتصيرين تخبلين
ضي: واصير حلوه مثلج
رغد: احلى مني
ضي: عيوني مثل عيونج
رغد: ههههه بت صلاح ابوج عيونه زروف شلون اسوي عيونج مثل عيوني
تضحك عليه وتشاقه وياي تخليني اكوم وياها اطلع
يوم من الايام
تغنيلي وتبجي اباوعلها دموعها تجري
استغربت نقهرت عليها بستها بخدها
