ضياء
بعد مارفضت ضي تتصل بالليل
خايفه وقلقانه ماارتاحت بنومتها
شكيت بيها ضامه شي عني وتخاف تعترفلي
من گالتلي اسأل ريسان
فهمت الموضوع يخص ريسان
الصبح يسولفون تأكدت اكثر سحبتها للغرفه
اتصلت بس رفضته لان مااريد احرجها
هي عدها محكمه اجلت الموضوع
حبيت اعرف بطريقتي السر الي بين ضي وريسان
ابدا ما شكيت بضي بسوء
اعرف اخلاقها وتربيتها ولكن شكيت اكو شي ضامته عليه
تذكرت كلام ضي يزوج بنت محمود
عرفت ووثقت ولكن نكرت عقلي خوفا هذه حقيقه
مامعقوله ابني يعاندني ويكسر كلمة ابوه
طلعنا للمحكمم خايف من ضي ماتقبل تظلم امها
وصلنا وصار الي صار
يوم بعد يوم ام ضي تثبت حقارتها اكثر
اني محظرلها مفاجئه بالمحكمه
ثبتت لام ضي تربيتها لبناتها وتربية ضي
اوراق الاصليه من بيتها عن طريق بتها هناء
بالوقت الي اني بالبيت الصغير اني وضي
اتصل على رقم غريب استغربت رديت عليه
............ يذكر يذكر يذكر
ضياء: الو
هناء: ابو ريسان
ضياء: نعم تفضلي
هناء: اني هناء اخت ضي من امها
ضياء: اهلا تفضلي
هناء: اكدر احجي وياك ومحد يمك
ضياء: تفضلي
ماعجبني اسلوبها وكلامها
ضجت منها حسيتها مو راحه
هناء: اني اتصلت لاجل ضي وقضية الاوراق الاصليه
ضياء: قصدج اوراق الارث
هناء: نعم عندي واكدر انطيها لحضرتك دزلي احد او انت تجي تاخذها
ضياء: شوكت تكدرين
هناء: هسه خلال هل ساعتين اكدر
ضياء: وين انتي بالضبط
هناء: اني بغداد بنفس جامعة ضي
ضياء: انتي طالبه
هناء: نعم اول مرحله
ماعلقت على كلامها استغربت ويه ضي
اكيد ضي تعرف
ضياء: يجي سايقي الج ومن يوصل اتصل عليج اطلعين اله
هناء: ماشي بس ماكو شكرا الي
ضياء: اكيد اشكرك وهذا العمل خير مو شر لاجل مصلحة اختج واتمنى تبلغين الوالده
هناء: من حبي لماما مااريدها تغلط وفلوس حرام ادخله بيتنا
ضياء: بارك الله بيج بنيتي
نهيت المكالمه دزيت حامد ياخذهن
يوصلهن للبيت بأيد ريسان
اتصلت على ريسان بلغته
واوراق القضيه صارت بأيدي
..................................
رجوع من الذاكره
انتصرت على اول جلسه ويه ام ضي وزوجة ابوها
اتصل ريسان عليه بلغني ضي بالبيت
قلقت عليها
من عملي للبيت الصغير
اتصل ادك الباب ضي ماكو قلقتني اخاف عليها تأذي نفسها
فتحتلي الباب ماتوقعت اشوف كل هل حزن عليها
دموعها وعيونها مورمه ووجها احمر
مثل كل مره همومي وهمومها بلحظة الي ننجمع ننساها
ونعيش حياتنا
