ضي
انطاهم مستمسكات
موضف: جنسيتها مطلقه
ضياء: هذا عقد الزواج محكمه وسيد
موضف: ماشي والغرفه شلون تريدها
ضياء: اصغر غرفه مااريد شي ضخم
موضف: عرسان
ضياء: ضروري الاجابه
موضف: اكيد لا اسف
ضياء: عادي ماصار شي
صافنه مااريد غرفه شلون انام كدامه
هذا الرجال شجاه
باوعلي ضحك
ضي: شكو
ضياء: راح نصعد مصعد
ضي: لا والله هذه مو خوش شغله
ضياء: ههههههههه بعد شوي هم ننزل
ضي: ماحجزت غرفه جوه اله مصعد
ضياء: اله فوك حتى نصعد مصعد
ضي: ليش تحب المصعد
ضياء: لا بس احب تلزمين ايدي
عزه هذا شيقصد سكتت
لزم ايدي دخلنا للمصعد والموضف ويانه
ضياء: صوتج لا اطلعينه بگلبج خافي .. ترا مااقبل
هزيت راسي اله
غريب وصاني مااطلع صوتي
صعدنا لزمت ايده يدوخ المصعد
خليت ايدي الثانيه بتشيرته
حسيت دخت اخاف منا وضياء اله مصعد
لزم أيدي الثانيه
راسي على أيده مدنكه ومغمضه خايفه
شكد ارتاحيت من لزم أيدي حسسني بالامان
ضياء: وصلنا
رفعت راسي دايخه
ضياء: هههه صدك هيج تخافين وادوخين
ضي: اي
وصلنا الموضف للغرفه دخلنا الها
اباوعلها صغيره
سرير نفرين كنتور بابين
هادئه كلها بياضات راقيه
اضوية نوم فقط مفتوحه
شكلها يهدء الاعصاب
ماكو مكان نكعد بي غير فقط السرير وحمام
ليش طلب غرفه صغيره لعد هو وين ينام
عزه اني وين انام
هذا تخبل الرجال
اذكرت نوح من شاف صدري وابتعد عني
سكتت
طلع الموضف
ضياء: شوي واجي
طلع بقيت بالغرفه
نزعت الجبه
لابسه بطرون وقميص اسود شوي طويل مستور
دخلت للحمام غسلت وتوضيت
دخل ضياء وشافني
همزين لابسه حجابي وانزل بردان القميص
ضياء: شوي ويوصل الغده
ضي: هنا نتغده وين ناكل
ضياء: ماجوعانه
ضي: لا
ضياء: من صبح وهسه ب٥ شنو لا
ضي: وين القبله تعرفها
ضياء: هذه الاشاره جهاز وتعرفين
حددلي القبله
صليت وهو مثلي غسل واجه
كملت صلاتي وكمت
صلى بعدي
گلبي يدك ياربي شنو ح يصير
كعدت بالسرير وطلعت موبايلي من جنطه
دكت الباب
ضياء: لفي نفسج لو تعاي ادخلي للحمام
كمت للحمام
الباب مفتوحه اباوع اخذ منهم ميز الطعام
دخلها ضياء وطلع الموضف
تقدمت شفت الاكل
بطل غريب وياه
ضي: ابو ريسان هذا شنو البطل
ضياء: ههههه ويسكي
ضي: لا والله
ضياء: هسه جنت اصلي شبيج بس شوفي فيكه مسوين نفسهم اجانب عبالهم هذه ثقافه
ضي: البطل فارغ
ضياء: هههه اي بس ثلج لان خاف نحتاج للعصاير
ضي: وانت شو عصيرك غريب
ضياء: تعاي اكعدي واكلج شنو
