ضي
صدمنا ريسان بقراره
ضياء: تخبلت ريسان ماتكسر بنت العالم وماتفسخ
ريسان: بابا هسه افسخ افضل ترا مامتراهمين
ضياء: حبيتها علاقه ومخابرات وغزل للصبح ومن صارت حلالك تريد تتركها تكسرها للبنيه وتصير عليها علامه حتى اذا شريفه بهذا وكتنا مايرحم واطلع خليني انطمر انسى هذا الموضوع مو لعبه يوم اريد ويوم مااريد
ريسان: اني مااريدها وخلاص وماجاي اخذ موافقتك اني بلغتك بقراري
ضياء: ريسان لاتجاوز حدودك ويه ابوك شنو تبلغني اني طرطور بالبيت
ريسان: واني مو زعطوط انت تقرر حياتي
صار صياح بينهم
نزلن البنات على صياح ضياء و ريسان
ضياء: اختاريت دراستك وتريد تكمل ماادخلت زاختاريت شريكة حياتك ماموافقت عليها رغم هذا الشي ماوكفت بطريقك هسه طلعتني مقصر بحقك ومأذيك
ريسان: بابا اني مااريدها للبنيه
ضياء: هل مره اوكف بوجهك ومن غصبن ماعليك تاخذها لاتخليني باجر اجيبها للبيت يله امشي ولي من يمي
ريسان: لا تگلي ولي اني مو طفل تغلط براحتك اني مااريدها
ضياء: شو اطول لسانك على ابوك
رهف: ليش ريسان ماتريدها
ضي: مو من مشكله وحده تريد تتركها
ريسان: اكثر من مشكله هاي شبيج ضي مو انتي متورجه على حياتي وقصتي وياها من خطبتها تخبلت البت وصارت مثل امها
ضي: تجي للبيت تتغير وانت تعلمها
روز: والله ريسان افضل قرار قرره يتركها حتى مايتزوجون ويصيرون الاطفال ضحيه
ريسان: احبها واموت عليها ومو بأيدي هذا القرار بس والله بابا الافضل الي والها
ضياء: شنو الافضل انت بله رجال صاحب قرار انت اذا لحد الان تسميني بابا هسه جاي تريد اطلك البنيه اذا انت صاحب غيره وشرف شلون ينطيك كلبك تعوفها طعم للزلم ياذوها ويستغلوها ها جاوب شلون تتحمل غيرك ياخذها او يستطمع بيها لان مطلقه
ضي: مو هيج الحجي ضياء
ضياء: اسكتي انتي
عصبي نار ضياء وريسان ماتحمل كلام ابوه
عافه وطلع بره
رهف: بابا مو هيج تحجي ويه ريسان جرحته وانت مو من طبعك هيج تحجي ويانه
ضياء: كافي كمتوا تستغلون طيبتي وياكم
روز: بابا مايريدها لاتجبره طلعت من عينه
ضياء: من غصبن ماعليه ياخذها
روز: سولفلي عنها خطيه اهواي تاذي بالكلام
ضياء: غبي يكدر يوكفها عند حدها
روز: بابا تمله شنو اكعد ويه ضي واخواتك ويبيعن مثاليات براسي احسكم عائله تافه وتصنعون السعاده بينكم ومملين ماتحمل نظام ابوك اذا يحجي وياي ماتحمل حسب حسابك
ضي: عزه تفشل ضياء هيج تحجي
رهف: امها تلقنها ابد ماحبيت امها تلكه مثلنا الادب سزز
ضياء: رهف لاتغلطين روز لاتحجين عليها كافي تعبتوني اعلم بيكم ماكو فائده تذمون وتحجون على العالم وتتعاركون بينكم وتشاقون شقى سخيف طبعا تسميكم عائله تافه
روز: بابا شنو هل كلام احنه بشر مو اله بس نظام يعني ماالنا حق نضحك ونسولف ونعيش
