ضياء
ضياء: شنو دعاره مستحيل ضي دعاره
ريسان: شنو شبيها ضي
غلقت الخط
ريسان: شبيها
ضياء: الي خايف منا صار ليش ضي وين وعدج الي ولعمج
طلع خيال ضي كدامي
طلعت ريسان من الغرفه وقفلت باب
ضياء: ليش ضي
ضي: فرحت بيك كمت تحس بيه وطلعت ماتحس
ضياء: كافي كافي تحس تحس تحس
ضي: لاضياء ابد لاتخوفني منك ماعندي غيرك بهل دنيا وانت هم تقسى عليه
ضياء: مو قصدي اخوفج بس ليش انتي بهل مكان معقوله
ضي: انت تشوفني مو كد الوعد
ضياء: مااعرف
تقربت مني اول مره ضي تلزم أيدي
ضي: صدكني قريبه عليك
ضياء: كافي ارحميني ضي ماتحمل اروح واشوفج
ضي: ماكو فايده ماتحس
اختفت من خيالي
طلعت من الغرفه دايخ حتى بعد مااعرف امشي
ريسان: اروح وياك
ضياء: لا خليك
ريسان: اروح
ضياء: لا
طلعت اخذني حامد بسيارتي
بالطريق اتخيل شكل ضي
معقوله رخصت نفسها الزمن جبرها
اسامحها شلون اتصرف هسه وياها
اذكرت
..........................................
ذكريات اختفاء ضي
..........................................
٤اشهر مااكدر اوصل لضي
قررت باسل من يخابر يبلغهم يجي يشوفها
وتفقت ويه باسل
اتصل باسل على حسن
باسل:الو
حسن: لا هلا مانشوف بس المصايب منكم حياتي نهجمت اطفالي تبهذلوا
باسل: شكو
حسن: لاتتصل وامشي ولي ضي لا يمنا ولانعرف شي عنها
باسل: فهمني شنو السالفه
حسن غلق الخط بوجه باسل
باسل: سد الخط بوجهي
ضياء: شكو
باسل: ماافهم غلط ويكول ضي مو يمي ولا هلا ونهجم بيتي هذه ضي شسوتلهم
ضياء: ضي وين
باسل: مااعرف
ضياء: شنو من تفكير تفكيركم لحمكم ماتعرفون بي وين وماتهتمون لامرهم
كمت من مكاني عصبي
طلعت بره
حامد ركض وراي
ضياء: حامد تعرف مكان اهل ضي
حامد: اندل لحد الجامع قريب على بيتهم
ضياء: انطيني موبايلك
صعدت سيارتي اتصلت على رقم حسن
دك دك مايرد
ثالث مره رد عليه
ضياء؛ الو ابو زيد
حسن: منو
ضياء: تحجي وياي بعقل وبلا عصبيه لا اسحلك لبغداد وتتعفن بالسجون اسألك تجاوبني مثل البشر
حسن: انت منو
ضياء: اني القاضي ضياء واريد اعرف ضي وين
حسن: انت شنو شتريد منها لازك بيها
ضياء: جاوب وين ضي
حسن: شردت مانعرف وين
ضياء: شردت شلون وليش
حسن: مانعرف
ضياء: بلغتوا الشرطه
حسن: لا
ضياء: من شوكت شردت
حسن: صارلها ٣ايام
ضياء: اني بالطريق للحله
