ضي
حلوه لمتنا وجمعتنا وضحكنا
رجعنا للبيت اني وضياء زعلانه منا
بس ماتحمل ابقى زعلانه عليه
ضياء: ليش زعلان الحلو
ضي: وخر عني انت تنام هنا واني انام بالصاله لو اكلك لويش هذه غرفتي اني هنا انام وانت بالصاله اي ما ما ما
ضياء: هو منو حاجي وياج وحدج كل شوي تگولين ما
ضي: لاتحجي وياي لايطخ لسانك بالساني
ضياء: لا مااطخه بس ست ست سؤال
ضي: ما
ضياء: يصير اطخه برگبتج بخدج بشفايفج
ضي: ضياء😡 مااشاقه
ضياء: منو گلج اشاقه
ضي: لاتتقربلي ضياء هههه
ضياء: ليش اضحكين ها
ضي: ضياء وخر عني ههه
ارجع وره بخطواتي وهو يتقدم عليه
لزمني ادفعه ومايقبل شالني بأيد وحده
اخذنا لفراشنا نمنا ذوبني بحنانه
بلحظتها صالحني عشنا ليله حلوه
شفته سعيد وفرحان
يختلف عن باقي اللحظات الي يتقربلي بيها
الاحلى مااخاف بعد انكشف هذا زوجي
ضياء زوجي رسمي وعلني
نايمه بحضنه للصبح
كعدنا صبح تريكنا وبدلنا
ضي: تروح للمحكمه لو للبيت
ضياء: اوصلج بعدها اروح للبيت اخذ غراضي وحامد يسوق ابدالي
ضي: لاتمر عليه ريسان يرجعني
ضياء: ههههههه اي تغطين على ريسان حتى مااتعرف على حبيبته
ضي: ليش تلح عليه هو جبير مو صغير
ضياء: لادافعيله ولاتقنعيني ماشي
ضي: ماادخل معليه بيكم انت وابنك
ضياء: هههههه اي معليج
يضحك باستهزاء
ضياء محد يكدرله خياله واسع ويكشفنا كلنا
ابسط تصرف يفهم السالفه ويحس
البس حجابي واجه حضني
ضياء: ضي
ضي: ها
ضياء: اليوم ألبسي حلقتج
ضي: الله احلى شي البس حلقتك لعد لبسني
ضياء: هههههه وينها خليني البسج وافضها
ضي: شتفض😡
حاضني وظهري على صدره لبسني حلقتي
بسته بخده
ضي: ربي يخليك الي وماانحرم منك ولاتعوفني ولاتخوني والله يبعدك عنك كل نسوان العالم وخاصه مروه وخليهن بعيونك فحم مثروم
ضياء: ههههههههههههههه فحم مثرم شلون ههههههه
ضي: يعني مطحون
ضياء: اي كولي فحم مطحون هم بيها باب وجواب هههههههه
ضي: المهم كلهن فحم تشوفهن
ضياء: وانت الكيمر اكلج ماتخلينا ناخذ اجازه اليوم
ضي: لا ما يله خلينا نطلع
بعدت عنا وطلعنا وصلني لدوامي
اتصل ريسان
ريسان: صباح الخير اليوم اداومين
ضي: اني بالجامعه وصلت
ريسان: ابوي وياج
ضي: لا وصلني وطلع للبيت بعدها يروح للمحكمه
ريسان: شسولف وياج
ضي: يبسمرني ويريد يسحب كلام مني اني ساكته احس يعرف اني اعرف
ريسان: لعد شكو خلوا قاضي لجدي لان يحس ويعرف
ضي: والله احسب الف حساب ياله انطق الكلمه بموضوعك
ريسان: هو راح يجي
ضي: لا مايجي
ريسان: شوي واجيج حتى نسولف
ضي: ماشي
