نصدمت شنو ماماخذ من بابا لا فلس
ضي: نوح يعني انت مشتريلي ذهب
نوح: لا
ضي: لعد شنو فهمني
نوح: دزيت خبر اني اريدج بس مااكدر على طلباتكم ومنال دزت خبر بس مليون الذهب و٥٠٠ كافي الذهب
ضي: عزه انت شتحجي
نوح: ساعدتني على هذا الاساس
ضي: والغرفه
نوح: ياغرفه
ضي: هذه غرفتنا
نوح: اني طلبت من صديقي واشتريتها ب٧٥٠
ضي: ليش تداين واهلك عدهم يتمكنون
نوح: ماقبلوا يساعدوني
ضي: ليش
نوح: جنت وياهم بمشاكل عاقبوني
ضي: وبابا ينطي فلوس المن
نوح: شنو فلوس
ضي: فلوس ذهب وغرفه وغراض واهواي امور
نوح: شلون ينطيني وهو ابو العروس
ضي: منال شمسويه بيه
كمت الطم على وجهي وابجي
نوح: ضي وين ذهبج
ضي: اني الي استلمته الذهب هذا بأيدك
نوح: يعني شنو نضحك عليج
كام يصيح عليه
نوح: هم بكعه وهم ثدي وهم ثوله الله بلاني بيج بلوه شمسوي لربي على هل قسمه
خجلني بكلامه
ضي: الله ماعاقبك يريد يغفر ذنوبك زوجك ضي
نزلت ليجوه
كملت شغلي اني ساكته
من يسألوني اغير الموضوع
هو طلع مااعرف وين
رجع بالليل سبح ونام
صبح طلع من صبح ومارجع لليل
يوميه على هذا الموال
اكثر من شهر
مانعني من روحتي لاهلي
بس مخابرات ويه بيبي
لايحجي وياي ولا اشوفه بس بالليل يسبح وينام
مشاكله ويه ابوه وامه ماتخلص
اكو سر ومااعرف شنو
مايقبلون عليه
بيوم اجه الظهر نوح وياه زلم
دخلهم لغرفتنا شافوها وطلعوا
بعد ساعه طلب افرغها باعها
سكتت مااحجي شي مجرد اسمع وانفذ
لان اني عار بالنسبه اله وزين منه متحملني
هذه حقيقه
المريضه الزوج متفضل عليها ولازم مثل الخدامه
فرغتها واخذوها
صفيت بالكراتين غرفتي وفراش بالارضيه
اهله ماادخلوا وياه
ساكته ومتحمله
يعتبرني حيوانه شوكت مايعجبه ينام وياي
يطلع صبح مااشوفه لليل
لايسولف لايحجي وياي
٢٠يوم على هل وضع
بالليل اجه وتعارك ويه ابوه نزلت اريد اسمع
نزلت ويتعاركون وياه
طلع يسهر ويشرب وبنات اني ماادري
ابو نوح: تاليها وياك نوح شوكت تخلص مشاكلك
نوح: بويه ماتعبت مامليت نفس الموال
ابو نوح: نوح مرتك لاتحس بيك وتعوفك
نوح: هههه هاي ثوله ماتدري اني اشرب ماتفهم اهلها مدمغيها بأربع حيطان لدرجة الشرب ماتعرف شارب لو لا
ام نوح: يما اذا مرتك هيج بنت حلال واصول ليش تخسرها استغفر ربك وكافي نوح انت مو هيج ليش هيج صرت
ابو نوح: من غصبن ماعليك تترك لا تخليني اعاقبك وادز مرتك لاهلها وهمه يتفاوضون وياك
نوح: هاي اذا عدها اهل
