ضي
وحيدة انا ياقلبي لوحدي .. ومعي ألمي احتضن بيدي وحدتي والخوف يمزق اعماقي وهدوء الليل يزعجني وغياب الاحبة يتعبني والوقت بتمهله يخنقني والهم بناره يحرقني حزينة انا وحزني يعمق اهاتي ولا احد يشاركني وحدتي وقلبي موطن غربتي واصبحت لي فرحتي كسعادتي او كربتي ولا شيء يسعد مهجتي الا سرور احبتي ضائعة انا عن روحي وضياعي سببا لجروحي هل انا قتلت بيدي سعادة ايامي ام الظروف حطمت اجمل احلامي
اني ضائعه اين انا هل من موطن يرتويني
ام الموت ياخذني وينقذني من ضياعي
ام ابقى على هذا حالي وحيدة ضائعه انا وايامي .....
اتصل القاضي فرحني بمكالمته
بدون وعي طلبت منا اخابر عمو سامر
يمكن استغليت طيبته وياي
بس ماعندي غيره
الحمد لله من وافق
من اسمع صوته اسمع حنيه
سداه من عندي وماتوقعت صدك يحقق طلبي
ربع ساعه دك رقم غريب عليه رديت بسرعه
ضي: الو
سامر: ضياوي حبيبتي
ضي: عمو سامر😭 مات بابا عمو
اني وياه ننحب اثنينه بالموبايل
ضي: عمو لازم تطلع
سامر: اششش لاتبجين ولاتحجين شي انتي قويه وتعيشين ديربالج على بيبي ماشي
ضي: بيبي بالمستشفى مااكدر اشوفها
سامر: وين انتي
ضي: بالحله يم امي
سامر: وشلونهم وياج
هو سألني هذا سؤال بعد ماتحملت اسكت
ابجي بصوت عالي واصرخ
اصرخ لدرجة بعد ماتنفس من البواجي كلبي المورم
سامر: ضي كافي الله يخليج ياعمي اني گلبي خلصان وخايف عليج
ضي: كله بسببي وجودي خطأ بهل دنيا
سامر: ضي كل تضحيتي لعيونج لاتخيبين املي بيج
ضي: ياريت مامضحي
سامر: امي شلونها روحيلها ابقي يمها
ضي: يومين واكلهم رجعوني لبغداد بس اريد اوكف على حيلي
سامر: متأذيه اهواي
ضي: مو بكد كلبي المتأذي عليك عمو مشتاقتلك ميته عليك وعلى كعدتنا ولمتنا ليش ليش طلكتني عوفني مثل الجلبه الدنيا تلطش بيه
سامر: كافي ضي راح اروح بعد مااكدر اتحمل احجي وياج
ضي: عمو اني راح اطلعك
سامر: ضي 😡
سكتني وسولف وياي نهى المكالمه وياي
بقيت ابجي
اتصل القاضي بيه ... بلكوه رديت عليه
فهم جنت ابجي ويه عمو
بقى يسولف ويواسيني يسألني على اهلي
حتى استحي شأكله كلهم اهلي مابيهم خير
هم مايصدك لو يگول العيب بيه مو بيهم
القهرني عرفت ليلة رأس السنه واني ماادري
ضي: كل عام وانت بخير سنه سعيده
ضياء: انتي الاسعد يارب
ضي: يارب يخليك لاولادك وتشفى روز من كل مرض يوميه ادعيلها بصلاتي ابد ماانسى وكفاتك ويانه وروز انسانه محترمه تخبل الله يحفظها
ضياء: شلون عرفتي روز هي المريضه
ضي: عرفت
ضياء: فهمت قصدج .. روز تحبج واهواي تسولف بيج
ضي: عمو اسألك سؤال وماتزعل
ضياء: اسألي
ضي: انتوا بشر مثلنا لو ملائكه .... لو انتوا البشر واحنه الشياطين
ضياء: ههههههه احنه بشر مثلكم بس انتي ملاك شفافه وبعدج ماتعرفين الدنيا زين
ضي: يمكن
ضياء: روحج الملائكه ابد لاتغيريها اكثر شي حبيته بيج روحج وشفافيتج
