ضياء
شكل ضي تباوع بعصبيه
ضي: اشو من سألتك ماعرفتها
ضيا: ههههه هذه مروه ولا ادري بيها لان مامنتبه عليها
ريسان: شكو تعاركت ويه حارث غير لان حضرت الحفله
رهف: يعني مروه مو زينه
ضياء: ريسان شنو هل موضوع كدام اخواتك
ضي: اكيد يشاقه لان شلون هيج تسوي كدام زلم وهي مريضه طلبت نساعد اخوها وتبجي عليه
ريسان: ااخ ضي شكد ماخذه الدنيا بفطاره
حجيت بيني وبينها بهدوء
ضياء: سد الموضوع مااحب نسولف بي كدام البنات
ضي: خوش عذر
ضياء: ضي لا زعليني منج
سكتت والزعل بعيونها شوي كامت لغرفتها
رهف: سناري اصعدي لغرفتج نريد نحجي ويه بابا
صعدت سناري
رهف: بابا النا حق نعرف سالفة مروه شنو
ضياء: ماالكم حق
رهف: احنه اولادك والنا حق شنو بنت لليل وشنو نساعدها معقوله بابا تساعد وحده مو زينه
ريسان: لاتحكمين عليها الزمن وصلها لهذا الحال
روز: لا نكول الزمن كافي ننطي اعذار لاخطائنا وماتستحق نساعدها
ضياء: كملتوا كلامكم يله كل واحد لغرفته
رهف: بابا مو زعطوطه اني اريد اعرف قصتها
روز : حتى اني
ضياء: بعدين اصعدوا ناموا خلاص خلص الكلام بهذا الموضوع
روز: بابا اهواي صاير تضم علينا
ضياء: لا ماتغيرت بس اسراري دتنكشف هل ايام يمكم مااعرف شنو السالفه
ريسان: يله بنات اصعدوا
دخلت لضي نايمه وتبجي
ااااخ ياضي شلون هسه اراضيج
ماتحمل زعلج
نمت يمها حضنتها
ضياء: ليش تبجين
ضي: عوفني اريد انام
ضياء: بوسيني واعوفج
ضي: ضياء عوفني رجاؤ
عفتها براحتها خليتها تهدء
مرت ايام اني ساكت مااحجي بموضوع مروه
هي ساكته لاتناقشني ولاتحجي وياي بارده
سناري و ريسان علاقتهم تحسنت
فرح ريسان بخبر حمل زوجته سناري
يحبها ويعتني بيها مدللها
ابتعد عن اهلها مجرد يوصلها الباب وياخذها من الباب
افضل اله والها يتجنب المشاكل
ضي دخلت بالثامن متغيره وياي
بارده تصرفاتها هادئه وماتناقش ولا تدلع
خايف من تصرفاتها احس اكو شي تريد تسوي
اخاف اخسرها
كاعدين على الغده موبايل ضي يدك
روز: هذا موبايل منو
ضي: بالغرفه موباياي
ضياء: عوفي كملي غداج
ضي: لا ضروري ارد
ضياء: منو عندج ضروري تگومين من غداج
كامت ضي للغرفه
سناري تباوعلها باستهزاء
رهف: شبيج سناري
سناري: متعجبه على ضي تريد ترد بسرعه
رهف: يمكن صديقه او شغله تخص جامعه
روز: هي شعدها المسكينه غير صديقاتها واحنه
سناري: اي اي ماعدها غيرنا
ريسان: سناري 😡
ضياء: انتي شنو تقصدين لا انتي ولا احد من اولادي تسيئون لضي ولا تستهزئين بضي مامسموحلج هل نظرات فاهمه لو لا
ريسان: سناري ماتقصد
ضياء: تقصد ماتقصد ماتصرف هل تصرفات بهذا البيت احنه عائله محترمه ومااحب هل سوالف يابنتي تعلمي الادب واذا اهلج مامعلميج اني اعلمج
سناري: مااسمحلك هيج تحجي وياي اني ونعمه الادب والاخلاق يكفي محافظه على شرف بيتكم وشرف ابنك
ريسان: اكيد تخبلتي
