ضياء
بعد ماسمعت من سامر
اكو حلقه مفقوده بهذه الحادثه ماافهمها
كلامه صح مقنع بس اكو جزء مفقود
بلغته بوفاة اخوه انهار ماتحمل وفاة اخوه
دموعه نزلت تأثر
هوه ضاع بسبب وفاة اخوه
ضياء: سامر خليك قوي لخاطر ضي وامك أني ح احاول اساعدك اخليلك محامي شاطر وذكي لاتوكل باسل
سامر: امي لاتخلوها تعرف واتمنى التقي بضي بأقرب فرص اترجاك
ضياء: الله كريم بس بقى سؤال
سامر: شنو
ضياء: ليش محد يم ضي عايفيها والكل يم امك والمرحوم
سامر: ضي من يومها مظلومه وبس اني وامي نحبها خابروا امها تجيها خطيه وحدها
ضياء: تعرف رقم امها
سامر: موجود بموبايلي سحبوا مني بالمركز
ضياء: ماشي وسامر لاتحجي شي اني ح اوصي عليك وعمري مااوصي ولا اساعد احد بس انت انسان شهم وبرئ ماتستحق الأذيه
مسكين ساكت دموعه على اخوه
قهرني
طلعت ووصيتهم عليه خابرت ناسي يوصون على سامر
طلعت من المركز مختنك
ذكرني بأمي ضاعت مثل سامر
.........................................
ذكريات زمن الماضي
.........................................
ضياء
بالليلة الي ابوي ضرب امي
اني وظافر مانعرف السبب
كل اعتقادنا حقد وكره
مر اسبوعين من الحادثه فجأه امي قررت نشيل من الغرفه
نغير المكان
ماقبلنا اني وظافر ... عاندت
لمت غراضنا وجبرتنا نشيل
كعدنا بمكان ثاني
بطلتنا من شغلنا وبطلت من شغلها
كامت بالمنطقه تشتغل تخيط عبي وتخبز
طلعنا ندور شغل ماكو
بعدها قررنا نتعلم اني وظافر نخبز ونساعد امنا
بوكتها حصار
صعب الشغل كمنا نبيع نخاله خبز يابس
نبيع خبز لامنا والعصر نساعدها بالخبز
ظافر اشطر مني
اشتغل بفرن خباز صارت مهنته
اني بقيت ابيع لامي خبز
ادرس واقره اكثر من ظافر كبرنا وصرت بلاعداديه
ظافر طالب جامعي
فجأه امي صبح تبدل وتريد تطلع
ضياء: يما وين طالعه
سعديه : عندي مشوار
ضياء: وين يعني
سعديه : شنو تحاسب امك
ضياء: يما وين طالعه اني اروح ابدالج
سعديه: ليش صاير تخاف مني اطمأن اني رفعة راسكم
ضياء: يما مو هذا قصدي بس صايره اطلعين اهواي ومانعرف وين من اسالج ماتجاوبيني ومن حقي اخاف عليج
سعديه : ولدي كبروا ويحاسبون امهم
ضياء: مااحاسبج ولا تحولين السالفه عليه
سعديه : بس احجيلك حجايتين اني طالعه اخذ حقي وحقكم من هل دنيا
ضياء: شلون يعني
سعديه : اولادي كبروا وصاروا سندي احتمي بيهم واريد اخذ حقهم حتى اسلم امانتي واني مطمأنه عليكم
ضياء: شلون يعني
سعديه : الله وياك وسويتلك ريوك وجايك على الصوبه
