ضياء
ساعه ب ١١ بالليل شهر ١٢
جو بارد حلو
بحضني حضن دافي مدفيني
بهذا الوقت متمتع مع أجمل امرأه
جسم طول رشاقه جمال صفاء
الله خالقها حوريه مو انسانه
مااريد اكوم اباوعلها شابه بعمر ال30
اجتني هديه من صديقي حارث
هدالي ليله ولا بالاحلام
بهل اثناء دك موبايلي مايسكت
طبعي مهما يكون مااغلق اجهزتي
عندي بنات اثنين اغلى من روحي اجمل ماخلق ربي بحياتي
مروه: اغلق جهازك ضياء
ضياء: ههههه حلو اسم ضياء بشفايفج العسل
مروه: هههه مااريد شي يشغلك عني هذا الوقت بس الي
ضياء: ماكو شي يشغلني عن بناتي
نزعجت من كلامها كمت رديت على المكالمه
ضياء: الو
روز : هلاو بابا وين صرت منتظريك ولحد الان مامتعشين اني و رهف
ضياء: ليش بابا ... لاتنتظروني اتأخر
روز: مانتعشه اله تجي
رهف: انطينياه اوووي شكد لزكه .
رهف: الو ها بابا اگلك تره منتظريك وعدتني اليوم بموبايل جديد اشتريته بعدك
روز: لج منتظرينه على عشا مو موبايلج
ضياء: هههه اي بابا اشتريته موجود
روز: بابا معليك بيها
رهف: بابا موتنساه حباب انتحر انام بلا موبايل جديد
ضياء: اطمأني وياي ... اخوج رجع لو بعده
رهف: المخبل فوك من 8 موجود ومطنكر علينا
ضياء: رهف اكيد موجود ريسان
رهف: والله موجود فوك يقره ...هاي شبيك بابا
روز: موجود وهم ويانا منتظرك على العشا
رهف: بابا تعرف ليش خبصتك روز على العشا هيه مسويه بورك العجينه جاهزه والجبن جاهز بس لفته وخبصتنا تريد اضوكك اكل الشركه قصدي اكلها
روز: انجبي
ضياء: بنات لا تتعاركون ... ماشي ساعه واجي مااتاخر عليكم
روز: ننتظرك بابا
رهف: وياك علاج خاف نتخربط من اكل روز
ضياء: ههههه رهف لا زعلين اختج وانتي الجبيره
رهف: ماشي بابا ولا تنسى موبايل
ضياء: ماشي افتهمت والله افتهمت
رهف: يله باي بابا
ضياء: الله وياج باباتي
غلقت الخط
مروه كامت تبوسني
مروه: اهلك الي متصلين
ضياء: اي
مروه: زوجتك
ضياء: لا بناتي
مروه: ها عندك بنات كبار ... بس مامبين عليك
ضياء: هههههه وهذه شيباتي شنو ... مااحب تجامليني
مروه: لاوالله صح شيبات عندك بس مبين صغير واذا تصبغهن تصغر اكثر ويصير عمرك ب30
ضياء: هههه اضحك الناس عليه اصبغ شيباتي وشواربي
سحبتني لفراشها
ضياء: لا اعذريني راح اطلع مااكدر
مروه: ليش
ضياء: منتظريني مااكدر اتأخر عليهم والصبح اجيج
مروه: يعني هم اجي الصبح تريدني
ضياء: انتي حاليا زوجتي ماكو طلعه من البيت ...اكو حارس بالباب اي شي تحتاجين تصيحي هو امين ابو اسعد لاتخافين منا
مروه: بس مااتفق وياي حارث ابقى بالبيت
ضياء: اني ابلغه
