ضي
تفاجاة ماتوقعت بهل سرعه القاضي يطلعه
معقوله هيج انسان خلوق
مصدومه
قليل مثل قاضي ضياء ينعدون بالاصابع
ضياء ثبتلي الدنيا بعدها بخير
نزلنا
منال حضنت بابا وتبجي
رغم خبيثه ولئيمه بس قهرتني
خطيه تحب بابا وتخاف عليه تبوسه وتسلم عليه
بيبي هم حضنته تبجي وتبوسه
مسكينه زعلها مو من كليها نست الزعل والحزن والجرح
بهذه المشكله
اما اني واكفه بعيد
گلبي مايحن عليه ولا اريد سلم عليه
فجأه منال تبوسني وتشكرني
ماتوقعتها
هذه مو منال ام وجه نص فلس
عمي سامر واكف مثلي يباوعلي
بابا يبجي وساكت
مايعلق ولا كلمه
اباوع على عمو سامر دايخ
سامر: ليش بسرعه طلعه ها ضي
ساكته ومدنكه
تقدم عليه سحبني
تفاحه : ولك عوفها مخبل عوف البنيه
سامر: يما ماسوي شي اريد احجي وياها
تفاحه: شتحجي بهذلتها
اخذني دخلني للهول قفل الباب
سامر: تعاي اكعدي خلي نحجي
ضي: بشنو
كعدنا اني وياه
سامر: شيريد القاضي منا هيج يساعدنا
ضي: مااعرف اني مثلك
سامر: اااااخ ااااخ ضي شوفي عمو مهما تكون مشاكل حياتج صعبه لاتفرطين بشرفج اله الشرف عمي مايتصلح
ضي: اعرف عمو ليش هيج تحجي وياي
سامر: خايف من القاضي واخاف عليج
ضي: لا اطمان ولاتخاف عليه
سامر: اعرفج سباعيه بس القاضي قصته قصه
ضي: ليش مانگول يساعدنا لوجه الله
سامر: المشكله بهذا زمنا ماكو الي يخاف الله كلها مصالح
يفرك بوجه ودايخ
بيبي ادك بالباب خبصتنا خبص
سامر: ههههه گومي افتحيلها الباب شيخلصنا منها
ضي: ماشي
سامر: لاتسولفين لبيبيتج كلامنا
ضي: اعرف
گمت فتحت الباب
تفاحه : يل معزه شسويت للبنيه
سامر: علكتها بالبنكه وفريتها شويه ونزلتها .. ااااخ اخ اگوم انطمر ابنج صعد فوك
تفاحه : اي مايحجي شو ساكت وصعد
سامر: ههههههههه مبين محصل جم جلاق ومرجعي
تفاحه : يا اكو واحد يضحك على اخو
سامر: دحمدي ربج طلع بالسلامه وطلعنا كلنا منها بسلامه
تفاحه: هذا القاضي أدمي وابن ناس
سامر: أي ااااااي اي
تفاحه : شبيك تتحسر وشتريد من ضي
سامر : اعتذرتلها استحي كدامج اكلها اسف كرامتي ماتسمحلي
ضي : هههههههه
سامر: نسيت اعتذر منج ياعمي اسف من ضربتج بس من خوفي عليج
ضي: عمو انت ابوي ومن حقك كل شي تسويلي
تفاحه : ضي اصعدي سلمي على ابوج
ضي: مااصعد
تفاحه : ماسلمتي عليه وتحمدتي بسلامته
ضي: مااسلم عليه أريد اكوم انام باجر يدزلنا السايق القاضي نروح للمستشفى
بيبي: يا شوف المعزايه البطرانه يابيبي انسي يساعدنا ويدزلنا سايق
ضي: بس هوه گال
سامر: شوكت هيج كال
ضي: من خابرته اتفق وياي يدز السايق الصبح ونروح للمستشفى
سامر: باجر اروح وياكم
