- 19ឆ្នាំក្រោយមក -
@Jeon Group&Casino
< ងុឺត!! >
_ រថយន្ត Hyundai ពណ៌ខ្មៅរលើបរលោងស៊េរីចុងក្រោយបង្អស់បានមកឈប់ដំណើរទល់មុខនឹងកាសុីណូរបស់ក្រុមគ្រួសារត្រកូល Jeon ដ៏មាន អំណាចបំផុតក្នុងសង្គម ។ ទ្វារឡានបើកឡើងដោយ ស្នាដៃមនុស្សជំនិតបង្ហាញឲ្យឃើញនូវអ្នកកម្លោះវ័យ25ឆ្នាំដ៏សែនសង្ហារ ទឹកមុខនិងឬកពារបង្កប់ទៅ ដោយឥទ្ធិពលកំពុងបោះជំហានជើងចេញពីរថយន្តដើម្បីឡើងទៅអូហ្វីសរបស់ខ្លួនដែលនៅជាន់ខាង លើបង្អស់របស់កាសុីណូហើយម្នាក់នេះគ្មានជា នរណាឆ្ងាយទេក្រៅតែពីជីវិតកាលពីមុនជាក្មេង កំព្រាទន់ខ្សោយត្រូវបានបង្វឹកដោយលោកតាឲ្យក្លាយជាមនុស្សម្នាក់រឹងមាំចិត្តដាច់ដូចបំណងរបស់គាត់ហើយនោះគឺជាគេ " Jeon Jungkook "
« ចៅហ្វាយបាទ! មានអាម្សៀម្នាក់វាលេងជំពាក់លុយពេលនេះកំពុងចង់រត់គេចហើយ » Que ជាកូន ចៅរហ័សមករាយការណ៏តាមតួនាទីឯរាងក្រាសលឺហើយក៏មិនមានការភ្ញាក់ផ្អើលអ្វីដែរទើបឈានជើងដើរចូលទៅក្នុងបរិវេណកាសុីណូដោយមានកូនចៅដើរតាមពីក្រោយ ។
« ឯងឲ្យគេត្រៀមកាំបិតទុកឲ្យយើងឲ្យហើយទៅ យើងចង់ដឹងណាស់ថាម្រាមដៃរបស់វាធន់នឹងមុខកាំបិតដល់កម្រិតណា » Jungkook និយាយស្របពេលដៃចុចទូរស័ព្ទមើលតម្លៃភាគហ៊ុនរបស់ក្រុមហ៊ុនរកសុីគ្រឿងអាវុធរបស់ខ្លួនមួយទៀត ។
« បាទចៅហ្វាយ » Que ក៏ចុចទូរស័ព្ទផ្ញើរសារទៅគ្នីគ្នានៅខាងលើដើម្បីត្រៀមទុកឲ្យបានរួចរាល់មុនចៅហ្វាយទៅដល់ព្រោះគេជាកូនប្រុសរបស់ Win ដែលជាជំនិតរបស់លោកម្ចាស់ធំហើយគេក៏តាមបម្រើ Jungkook យូរឆ្នាំល្មមនឹងដឹងថាចៅហ្វាយតូចម្នាក់នេះជាមនុស្សដៃឆៅ ចង់សម្លាប់ពេលណាក៏បានមិនគិតយូរនាំឲ្យស្មុគស្មាញឡើយ គេត្រូវបានបង្រៀនមកបែបនេះតាំងតែពីក្មេងអ្វីដែលគេស្គាល់ច្បាស់ជាងគេនោះគឺឈាមត្រជាក់ បេះដូងថ្ម ដៃឆៅជាគោលការណ៍សំខាន់បំផុត ។
< ទឹង! >
_ ទ្វារជណ្ដើរយន្តបើកឡើងទើបពួកគេបណ្ដើរគ្នាចេញមកហើយក៏បានឃើញអ្នកដែលហ៊ានចង់គេចពីបំណុលរបស់កន្លែងគេ មើលទៅប្រហែលជាអ្នក ទើបមកលេងលើកទីមួយហើយទើបមិនដឹងច្បាប់ ទម្លាប់អីបែបនេះ ។ Jungkook ដើរមកឈរស៊កដៃ ចូលហោប៉ៅមើលទៅបុរសនោះដែលត្រូវគេចង ខ្សែជាប់នឹងដៃហើយជើងទាំងគូមិនឲ្យរត់គេចបាន ។
YOU ARE READING
Give me your heart ♥️💫 (Completed)
Romanceទំនាក់ទំនងមួយដែលមានភាពជិតស្និទ្ធតាំងតែពីនៅតូចរបស់មនុស្សពីរនាក់នៅក្នុងមណ្ឌលកុមារកំព្រាមួយត្រូវបានឃ្លាតចេញពីគ្នាភ្លាមៗធ្វើឲ្យក្មេងប្រុសដែលធ្លាប់តែទន់ខ្សោយម្នាក់ក្លាយទៅជាមនុស្សប្រុសពេញវ័យម្នាក់ដែលរឹងមាំនិងមានឥទ្ធិពលបំផុតនៅក្នុងសង្គម ។.... គ្រប់យ៉ាងបានផ...
