© ကျွန်တော့်မိန်းမကကျွန်တော်သူ့ကိုမချစ်ဘူးလို့ပဲထင်နေတယ် [ဘာသာပြန်]

Chapter 46

[Unicode]

H မြို့၏လေဆိပ်နားနေတန်းထဲတွင် ဝမ်ဟောင်အမေက သူမ၏သားလေးကိုတင်းတင်းကျပ်ကျပ်ဖတ်ထားရင်းဖြင့် သူမ၏မျက်လုံးတွေကလည်းနီရဲနေလျှက် သူမသားလေးကိုတတွတ်တွတ်မှာနေသည်။ ဝမ်ဟောင်၏ငယ်သူငယ်ချင်းတစ်ယောက်အနေဖြင့် ကျိုးတုသည်လည်း လေဆိပ်တွင်ရှိနေခဲ့၏။ သူက ရှယောင်ကိုတောင်အတန်းဖော်ကိုနှုတ်ဆက်ရမည်ဟူသော အကြောင်းပြချက်ဖြင့်ခေါ်လာခဲ့သည်။ တကယ်တမ်းတော့ ကျိုးတုကရှယောင်နှင့်ပိုပြီးအတူရှိနေချင်သောကြောင့်ဖြစ်လေ၏။

သူ့အမေကပိုပိုပြီး ငိုလာသည်ကိုမြင်ရသောဝမ်ဟောင်က အလျင်အမြန်ပဲဆွဲဆောင်ပြောကြားလိုက်သည် " မားက ကျွန်တော့ကိုမသွားစေချင်ဘူးဆိုရင်လည်း ကျွန်တော် US ကိုမသွားတော့ဘူး "

" အဓိပ္ပါယ်မရှိတာတွေ " ဝမ်ဟောင်အဖေကဟောက်လိုက်ရင်း သူ့မိန်းမကိုတစ်ဖက်ပြန်ဆွဲလိုက်၍ စိတ်မရှည်စွာဖြင့်ပြောလိုက်သည် " သူ့အသက်က ၁၈ နှစ်ရှိနေပြီ။ ဘာကိစ္စငိုနေရတာလဲ။ ငါတို့ကသူ့ကို US သွားဖို့လိုက်ပို့ပေးနေတာလေ အာဖရိကကိုသွားမှာမဟုတ်ဘူးကွ။ မင်းကဘာတွေအရမ်းစိုးရိမ်နေရတာလဲ။ ဒီနေရာမှာနေရင် သူ့အတွက်အတွေ့အကြုံရနိုင်မယ်ထင်နေလို့လား။ ငါ့အမြင်မှာတော့ သူ့ဘဝကအရမ်းကိုလွယ်ကူလွန်းနေတယ်။ သူအဝေးမှာနေပြီး ခက်ခဲ့တဲ့အတွေ့အကြုံလေးတွေကိုသင်ယူသင့်နေပြီကွ "

ဝမ်ဟောင်အမေက သူ့ယောကျ်ားကိုထုရိုက်လိုက်သည်။ သူ့မျက်နှာတွင်လည်း မျက်ရည်တို့ကဖုံးအုပ်နေ၏။ " ရှင်ကဘာလို့သားလေးကို US ပို့ရတာလဲ။ တရုတ်ပြည်မှာ တက္ကသိုလ်တွေဒီလောက်အများကြီးရှိတာ အဲ့ထဲကတစ်ခုခုတော့သူတက်လို့ရတယ်လေ။ ကျွန်မတို့ကလည်းသူ့ရဲ့တောက်ပတဲ့အနာဂတ်လေးကိုလိုချင်နေတာမှမဟုတ်တာ။ ကျွန်မတို့သားလေးကို ကျွန်မတို့ဘာသာထောက်ပံ့ပေးထားနိုင်တယ်လေ ကျွန်မတို့ကမထောက်ပံ့နိုင်လို့လား "

" မင်း! " ဝမ်ဟောင်အဖေ၏မျက်လုံးထဲ ဒေါသအရိပ်တို့ကပေါ်လာခဲ့၏ " မင်းရဲ့ဒီလိုဆက်ဆံပုံတွေကြောင့် ဝမ်ဟောင်ကလည်းဒီလိုပုံမျိုးဖြစ်နေတာ " သူကလက်ညှိုးဖြင့် ကျိုးတုကိုထိုးပြရင်း ဆက်ပြောပြန်၏ " ​ကျိုးတုကိုကြည့်စမ်း ပြီးရင်မင်းရဲ့သားကိုပြန်ကြည့် သူတို့နှစ်ယောက်က အရမ်းကိုကွာခြားလွန်းနေတာတွေ့လား "