بنُت المّدينةة🕊💫

بارت الثااني🕊💫

سلاام عليكم حبايبي🕊💫
.
.
.
.
رچيچهہ الروح يمعود
،،،،،،،،،،،،،،،،،،،،

زهرة : جاسم انا احبنك
جاسم : شبلا عكلج يزهرة كل ماتناظريني تحجيلي احبنك
يابوية انا چبير عليج
زهرة : راح اضلاً كل فجر اكعدلك باب البيت واناديك واكللك احبنك
جاسم : بعدج جاهل على الحب وانا اكبر منج بچثير
زهرة :لون طك عمرك ال 100 سنه احبنك
جاسم :استغفر الله
نااقص عكلي مهبوشين
زهرة : الله يسامحك عمن تكلي انتي مهبوشه
دخلت للدار وانا ابجي
مااراضي يحس بيه وبدلالي
يتمصخر عليِ
بس يجاسم ماااهدنك الا وانا متوسده على سدرك
يوم من الايام تعنينا البيت جدي
وناظرت جاسم يم جدي جالس
الشيخ عاهد : تعاي احبنج يا شطب الريحان
زهرة : تحبك العافيه يابعد عيوني
الشيخ عاهد : شبلاج هيج ذبلانه
زهرة : ناظرت جاسم وتكلمت
جدي دلالي تعبان
الشيخ عاهد : سلامه دلالج يابعد الطوايف
اسمعيني ياجدي حبوبتج هواها دلالي عمنها كويه
وصلبه ومانطتني دلالها بلمح النظر
عشگتها عشگ الشروگي
وانا قفلت عليها ومعروف عن عشگ الشروگي
للممات يضل
وهااي انا عاايش على ذكراها
زهرة : ياجدي ياريت اليهوى دلالي يحبني بچثر حبك الحبوبتي
الشيخ عاهد : يحبنج يحبنج لاتخافين
وريحي دلالج اريدنج تردين شطب الريحان
زهرة : من بعد كلام جدي حسيت عرفني شنو اقصد
وانا مشيت ورى كلامه بعد ماشوفت وجهي الجاسم
حتى من يتعنون هلي الدار جدي انا ما اروح
شهر مر وانا جاسم اريداً بس اناظرة
لكن كلام جدي يمنعني
لحد ما امي كعدتني
ام زهرة : كومي يومة اويلي على حظج الاغبر
تكاتلوا وليدات عمج عليج
زهرة : منو من وليدات عمي
ام زهرة : جاسم ورسن
زهرة : يمه انا شلون بيه راحن يرمون الصوج بيه
عمن انا خليت الاخوان يتكاتلون

ام زهرة : هاااي المصايب  وين چانتناا يمصخماا
سيرتج راح تنجااب بالديره كلها
مرت عمج مراح تسكت اعرفنها انا

زهرة : ابوي راح يوكف بجنبي ما يخليهم يطروني

ام زهرة : ابوج سوده بوجهي صار هلكداته كدام عمومتج
زهرة :امي عافتني وتعنت الدار  جدي عمن العركه بدار جدي
وانا متت خوف لون جاسم ماايرضه بيه اكون مريته
نزلت للحديقه الدار واروحن واردن اريدن بس خبر
ماكو
فات النهار وماكو خبر
لحد الاذان المغرب
دخلت امي تكلي جدج يريدنج
خليت الشيله على راسي وتعنيت الدار جدي
لاكيت ابوي وعمامي وجدي وجاسم ورسن كلياتهم جاالسين
الشيخ عاهد : تعاي ياشطب الريحان
زهرة : امي كالت انت تناديني
الشيخ عاهد : يي تعاي يبعد عيون جدج كبرتي وصاروا يتذابحون عليج
اسمعيني جدي
وليدات عمج تكاتلوا عليج
زهرة : منو من وليدات عمي
ردت اتأكد معقوله جاسم يريدني مريته
الشيخ عاهد : الاخوان جاسمورسن
وهم احفادي ومعزتهم بدلالي يا كبرها
ورايديج بالحلال وثنيناتهم يريدونج
ومن ردنا نفهم جاسم كالالي صيحها هي تختار بيني وبينا اخوي عمن لا تضلمها
وهسه يابعد عيون جدج انتي اختاري جاسم لو ر..
زهرة : قبل لا يكمل كلامه جدي
جاسم اريداً
الشيخ عاهد : ههههه خلاص من اليوم انتي مريه جاسم
وانت يارسن ياوليدي تحرمت عليك زهرة مثل متحرمن عليك اخياتك
عمن زهرة صارت مريه اخوك
رسن : يتهنون
زهرة : نطق رسن هاي الجلمه وراح
الشيخ عاهد : نادوا الشيخ يعقدلهم
زهرة : طلعوا عمامي ينادون الشيخ
وبقيت انا وجدي وجاسم وابوي
الشيخ عاهد :كليلي ياشطب الريحان
شكلي عرفت الهوى دلالج
زهرة : يي يجدي هو الي هوى دلالي
الشيخ عاهد : جبير عليج يابعد عيون جدج
زهرة : لون طك ال 100 سنه ماهمني
دلالي يريده يجدي
الشيخ عاهد : هاا يجاسم اشوفنك جنت تتكلم بحيل صدر وتطلب هي تختار
اثاريك تعرف بدلالها
جاسم : موش بيدي يجدي وكعت دلالي
الشيخ عاهد : قبلك يجاسم حبوبتك وكعتني وهذا يومي انا هاويها
زهرة : عقدولنا انا وجاسم وانا ياچبر فرحتي
وراها بااسبوع ازوجت
ديمة : جدة مو اسبوع قليل شلحكتي اجهزين
زهرة : انجعني نسوان قبل موش مثلجن يالمايعات
ديمة : كملي جدة
زهرة : يي نزفيت الجاسم واني انخض مثل السعفه من هيبته
جاسم : يابعد الطوايف صرتي الي
زهرة : يي
جاسم : صرتي مريتي وام بيتي
زهرة : : يي
جاسم : وين السانج المثل البرنو انا هويتج علمود السانج
زهرة : وانا هويتك من اول مناظرتك يابعد طوايفي
جاسم : ريت ماحد ينطق غيرج
زهرة : من هاي الليله صرت مريته الجاسم
ديمه : شلون صرتي مريته
زهرة : يعني اخذني
ديمه : وين اخذج
زهرة : الشيب الخلفج
انا اعرفج انتي تعرفين فنجعمي
ديمه :ههههههههه كملي
زهرة : ييي عشت احلى ايام ويا جاسم
معيشني خاتون
وماكو احد يحجي وياي
لا خواته ولا امه ولا احد
رسن جان يخطف النظر اليه وانا اخافن اكول الجاسم
عمن اصير دم للرچاب
من حبلت قرر رسن يزوج
وانا بيوم عرس رسن الله لاينطيها المرت عمي خلتني اشيلاً الكدورة الكبار
وخلتني بنفس اليوم اسكط
بس الهون عليِ حب جاسم
ماجان يناديني غير ببنيتي
وانا صار الي الدنيا ابوي وامي
حب جاسم اليه خلى مرت عمي وبنيات عمي يكرهني
عمن يكولن انا خليت الاخوة يتعاركون
لزمت عهود اخت جاسم
وحاجي لميعه مريه رسن عن حب رسن اليه
ولميعه من عرفت شدت ويايه
وانا جنت جاهل موش بعقلي ولميعه اكبر مني
وعدها كيد النسوان
لعبت باحوالي لعب
وانا اسكت مااحجي الخاطر جاسم
هي حبلت وانا لا
شغل البيت كله عليه
حتى اكلها انا اوديلهيا
وانا اغسل ملابسها
من عرف جاسم راد يحرك البيت
وخلاهم مايحجون ويايه
جابت لميعه وليد وسمته ناصر
وانا كاموا يكولولي العاكر
ويقهروني ويخلوني ابجي بالكبه مالتي
لحد ما طكوني  وطلعوني بنص الشمس الحاره
وانا تعنيت الدار جدي ابجي ماتعنيت الدار  ابوي
عمن يستحي من عمي جبر واكيد ماياخذ حكي
جدي ترضاها هاي حالتي
الشيخ عاهد : تكربي يبعد جدج شبلاج منهي طاكج
زهرة : جدي طكوني ويكولولي العاكر
انا موش حملت وسكطت من ورى مرت عمي
اذا انا عاكر شلون حبلت
الشيخ عاهد : لاتبجين يا شطب ريحان
هذا كله من كهرهن منج
انا راح اخبر ابن عمج يروح ينده على جاسم
زهرة : جدي انا احبنه ومتحمله الخاطر جاسم
الشيخ عاهد: وهو جويسم هم يهواج
زهرة : دخل جاسم متلهف
وجديد حجاله كل الي صار
وهو جاسم اخذني وراح الدار عمي
طك اخواته وتعارك ويا مرت عمي
وحاجه رسن
رسن طك مرته طكه معدله
هاي الطكه خلتها. تكرهني بالزايد
انا ضليت كل صلاة ادعي احبل
ورب العالمين استجاب دعائي وحبلت
بس خبث لميعه خلتها تكيدلي وتدفعني من الدرج واسكطني مرة ثانيه
وانا الجان جدي يسميني شطب ريحان صرت عود خيزران
الي جنت كمرة عائله الشيخ عاهد صرت ماانشاف
من القهر والهم والاذيه
وجاسم يهون عليه وانا اريد بس احبل اريدن طفل
والزاد قهري وهمي لميعه حبلت
ردت اسكطها مثل مسكطتني بس سلمتها بيد رب العالمين
وايام تروح وايام تجي وانا الهم كتلني وسااكته مااحجي
وجابت لميعه توم ولد  يعقوب و يوسف
وانا على جيتهم حبلت حبيت يعقوب ويوسف عمن اعتبرهم وجهه الخير
بس مايوصلون الحب ناصر بدلالي
عمن ناصر جان اذا يشوفني ابجي يكعد يبجي ويايه
ودائماً جاسم ياخذه وياا
وانا جبت بنيتي ونور عيني سميتها ريحانه
ملكت الدنيا من جبتها
وجاسم طار بيها ينيمها على كلبه
اول ماديخل للكبه يشمها ويبوسها
صار عمر ريحانه سنه وشهرين
وجاني الخبر الهز حياتي
ودخلتي للجحيم
_____
النجمة ⭐️