بنُت المّدينةة🕊💫

بارت 15

مرحباا حبايب كلبي🥺❤

.
.
.
ذبــُي شـالچ .
حلي شعرچ .
خل اشوفه بروح ابوچ !!
شنهـي انتي
شلون صرتي
فلك طر الخلفوچ ،

علي :نصيييي صوتتتتتج لا اكتمه الج
ديمه : تكتملي صوووتي
علي : ييييي اكتمه ولسااانج اكصه
ديمه : من كاال هيج علي وصار ضدي اباوع عليهن كلهن يتمضحكن من جوة ليجوة
نهضمت وكمت احجي بحركه قلب
اسمعني زيييين انييي لو غلطاااانه بذرره وحده
راح اخليك مووو بس تكصلي لساااني
لاااا اخليك تدفني بالحديقه
واذا مغلطانه ارريدك اجيبلي حقي
علمود اعررررف اني مززززوجه رجال او لا
علي : السانج لطولي
ديمه : حاااضر مراح اطوله بس اذا ماااخذتلي حقي
اقسم بربك الكون
وهااااي كدام الكل
اكولها ومااااخاف من اكبر شخص موووجود
اطلع بوووجهي للمحكمه واطلك
وانشاالله عمري لا رجعت للبصرة
ولا شفت اهلي
لزززمت ايد علي قوووي
وجريته اصعده فوووك
صعدت على الدرج وصحت على عمو نصير
عموو نصير وانت هم تعال وعزالدين هم تعال
ضليت لازمه ايد علي
وصعدته للطابق الثاني
شووووف بعينك
الطابق شصاير مزززبله
باااع رماد وكطوف الجكاير باع اكشور الحب
هذا كله فاااطمه ذبته
كل يوووم هي اذب واني امسح وماااحجي وشي
واذا مصدكوني
تعال شوف الحمام شلون نضيف
وحتى وصله المسح غاسلتها
والمعطر بعده بيها
نصير : ليش فاطمه هيج اسوي
ديمه : اسألها عموو
والله من لزمت الشغل لحد اليوم اني على هذا الشي
اذب بالزباله واني ارجع امسح
بس تعبت والله
ضهري مكاعده احس بي
ايدياتي شووفهن
عمووو باع ايدي
شوووفها انت الي جنت تتغزل بيها شوفها
اني ديمه ام المنكير والمرطبات والصبغ الاضافر
وايدي الف وحده تحسدها هيج يصير بيه
كعدت بالكاع ابجي واشهك
لميت رجليه الحضني وكعدت ابجي
والله تعبت
اني مو حمل مكرهن
والله عمو اشتغل ومااحجي شي والله مرات يعوفون البيت كله عليه
وهنا يتأمرن واني اسكت
انت تعرف اني بصباحيه عرسي غسلت كل المناسف
علي : انتي شكاعده تحجين
ديمه : والله اني غسلتهن كلهن علمود هيج تمرضت
واسأل عزالدين اذا جنت اجذب
والله ايديه وكفت لحد مخلصتهن
علي : عز صدك حجيها
عزالدين : ييي ياخوي واني ساعدتها بالغسل لان انقهرت كلش عليها
علي : ليش متحجين فهميني مزوجه رجال لو مطي
ديمه : والله جنت اكول الشغل ميتعب وميموت احد
بس موو هيج والله مو هيج
كلت كلامي وماسمعت غير عيطه علي
وينزل يركض
اني من خوفتي ضليت واكفه اباوع من فوك
علي : فااااطمه
فاطمه : ه ه ها اخويه
ديمه : كفخه راشدي وكعها بالكاع
علي : لج فهميني شمسووويتلج ديمه
ليش تخبثين عليها
فاطمه : والله اني معليه
ديمه : لزمها من شعرها وكام يكفخ بيها
كلش خفت من عنده
علي : لعد منووو عليه فهميييني
فاطمه : والله امي
علي : عفتها وباوعت على امي
بيداء : شنو راح تكتلني علمود مرتك
علي : ليش شسوت علمود هيج اسوين وياها
اذتج
مسمعت كلامج
ضرتج بشي
اخذت فلوسج
اخذت بيتج
شنو الشي السوته علمود هيج تأذيها
بيداء : اخذت ابني وزوجي مني
علي : اخذت ابنج وينه ابنج طلع بيت وحد سافر عافج
بيداء : مكافي امشيتك مثل الطلي وراها
علي : وين فهميني وين
صارلها 4 اشهر مزوجين طلعتها
اشتريتلها
لبستها
دلعتها كدامج
جبتلها علاليك وصعدتلهيا
وين
شو حتى مااتوصيني على شي كله لو توصي عز لو ابويه
بيداء : فلوس ابوك كله عليها
نصير : الله اكبر فلوسي وتحاسبيني بيهن
وهي شكاعده تصرف الفين لو الف
هاي عادتها فلوس
علي : عوفها يابه
اني طول عممري ماادخل بسوالف النسوان وطلايبهن
وانتي اعرفين
بس ديمه مرتي
ومن اليوم تنضيف طابق الثاني عليها فقط
وهذا عندج 3 نسوان هنا يشتغلن
بيداء : منو ال 3 نسوان
علي : زينب وهاي الشحطه و مرت قاسم
بيداء : بناتي ميشتغلن
علي : لا يشتغلن عسى البيت يصير جاايف
ديمه بس الطابق الثاني عليها
واذا وحده خبثت وعلي بن ابي طالب اشوف مني الويل
ديمه : علي عافهم وطلع
واني رجعت مسحت الممر
ودخلت للحمام مال غرفتي
وضليت ابجي
شدعي عليك يا جدي لو ابوي لو امي لو اخواني
ادعي على منو ومنو
طلعت من الحمام بعد ماتعبت ونهد حيلي من البجي والشهكات
بدلت ملابسي
وندك باب الغرفه
منو
نصير : اني
ديمه : ادخل عمو
نصير : بدلي خلي نطلع اني وياج نغير جو
كلش مخنوك
ديمه : اوك ادلل
طلع عمو واني بدلت للست بنطرون اسود
وقميص وردي فاتح
وشال
وطلعت
رحنا اني وعمو نفتر ونغني بالسيارة اذكرت من جان يجيني للبصرة
عمو وديني المحل مال انشائيه
نصير : شسوين بيهن
ديمه : بعدين اكلك
رحنا المحل مال انشائيه واشتريت صبغ جدار
واغراضه
وشتريت اطارات
ورحت المحل ديكور
اشتريت ميز شلون الارفف
وشتريت كرسيين صغار حلوات وياهن طبله
واخذت تيبلان عامودي
كل هاي الفلوس من عندي مااخليت عمو يصيرف ربع
لان علي جان يخليلي فلوس بالمجر كل يوم بس اني مااصرف من عدهن
من رجعت للبيت وشافوا هاي الاغراض تخبلوا بالزايد
وكل ضنهم عمو نصير هو الي مشتريهن
وعمه بيداء ضلت تدعي وتحجي
اني مااهتميت
صعدت للغرفه الي علي سوالي ياها
فتحتها
جانت فارغه مابيها ايي شي
غيرت ملابسي
لبست شورت وبدي
ولفيت شعري وبديت اصبغ بيها
خلصت اول ضلع من الحايط جان لون وردي فاتح
هستوني بديت بالضلع الثاني
وحسيت واحد وكف وراي
انداريت شفت علي
اجيت
علي : ي
شكاعده اسوين
ديمه : اسوي غرفتي
عدل هذا الضلع
علي : هاي انتي صبغتي
ديمه : يب حلو
علي : اساعدج
ديمه : ياريت
بدل وتعال اصبغ ويايه هذا الضلع
راح وشويه رجع ضليت صافنه عليه
جان لابس كيمونه سوده وشورت رصاصي
ولاف على راسه شماغ
وخرت من صفنتي واني اكول لا ديمه لاتحبي
كعدنا نصبغ
علي : منيلج الفلوس
ديمه : احم منك انت الي جنت تنطيني ياهن
علي : عبالي عمج انطاج
ديمه : لا مقبلت لان اعرفك انت متقبل
ضلينا نسولف ونشتغل
لحد مدمرت ايدناتي ثنيناتها
وشعري كم خصله ضوجتني
حاولت اوخرهن ماكدرت
علي تعال وخرلي شعري
رحت علي
شو هذه وخر الشال من على راسي
وفتح القراصه
وكع شعري كله
هاي ليش هيج سويت
علي : عجبني اشوف شعرج
ديمه : ضليت اباوع عليه
حجه بصوت ناصي كلش
علي : شعرج عذاب
ولونه يسحر الف شاب
ديمه :اممم
علي : انتي بيضه وشعرج اسود
سبحان الخلقج
ديمه : كلامه جان حلو كلش
خلاني بس اباوع حتى الاحرف متقبل تطلع من اللساني
قرب ابهامه من ركبتي وضل يمشي على طول وريدي
يتحسس نبضات كلبي من الوريد
علي : حتى بشرتج ناعمه
مثل بشره الاطفال
اخاف حتى اطخج
لا تتأذين
ديمه : حسيت عليه فقد
وكام يقرب راسه من ركبتي
بس اني استغليت الموقف
من تقرب كلش
يريد يبوسني خليت ايدي على صدره ودفعته على كيف
لا لسويها
حجه بصوت مال واحد ضايع ماينعرف علومه
علي : ليش
ديمه : لان انت متحبني
رجعت قرب
علي : لا بس خليني ابوسج
ديمه : دفعته على كيف لاا
علي: مااسوي شي شبيج
زين خليني اشمج
ديمه : هم لا
ضل يباووع عليه
وعيونه صارت حمرة
مثل الي عصب
عافني وركع الباب قوي
واحجي ويا روحي لا ديمه لاتضعفين
لان هو ميحبج يحب غيرج
هو بنفسه اعترفلج على حبيبته
دخلت للغرفه غسلت وغيرت ملابسي وهو ماكو
عاد بسرعه نمت من التعب
____
لاتنسون النجمة والتعليقات الحلوة❤