بنُت المّدينةة🕊💫

بارت السادس🥺🔥

سلاااامي🥺🔥

.
.
.
لا تخسر قيمتك بكلمة و لا تفقد احترامك بزلة ولا تجعل همك في الدنيا هو حب الناس لك فالناس قلوبهم متقلبه تحبك اليوم وتكرهك غداً!..

ديمة :بعد سالفتي ويا علي
بعد مااقربت من عنده كمت اخاف
اذا اسوي سالفه بي انوب يحجي كدام الكل واهلي يلوموني
وبعدت من عنده من عرفت
ضارب عزالدين
ومرزله
رجعت الوضعي الهادئ واكتفيت بس اباوع
واقرى شخصيات الموجودين بالبيت
واكتشفت علي كلمته مسموعه بالبيت حتى جدي ميحجي ويا
اما بيداء مرت عمي نصير
حلوه بس وجهه اما اخلاق وتصرفات بشعه
وبنات عمي زينب وفاطمه طالعين عليها
ماخذين خباثه امهم
رغم صغر سنهن
زينب 14 سنه
وفاطمه 13 سنه
بس خباثتهن ماتنوصف
حتى على اخوانهن يخبثن
بس علي ميكدرن يوصلن يمه
مناف كلش هادئ حياته مبنيه على شغل وطلعه ويا جماعته ونادرن مايكعد ياكل او يحجي ويا اهله
اما قاسم هذا ماعرف شلون اوصفه بس الوصف الي خطر على بالي بالوجهه مرايا وبالكفه سلايا
عنده خباثه واحس تصرفاته بيها من تصرفات النسوان
والمدلل مال امه
وخاطب بنيه اكبر مني بسنه
اما عز الدين هذا كركتر كلش ينحب رغم طلايبه وعركاته وكل يوم داكين باب بيت جدي بسببه بس ينحب يمشي ويغني ويحب يداهر الكل وماايسمي عمي نصير بابا كله ابو النصور
اما المتعجرف علي هذا قليل الكلام ويطلع الصبح يرجع الضهر يصعد الغرفته مينزل للعصر يطلع يرجع تالي الليل وكل مره انتبه عليه يوكف باب المطبخ يدخن ويصفن
والكل يخاف من عنده مادري على شنو
وعمو نصير عنده المتعجرف ونكسر القالب
بس والله عليه صوت اذا صاح على زينب لو فاطمه الا يطرشنا
حياتهم ابد ماعجبتني
عدهم مبدأ البنيه لازم تكون عدها نوع من الكيد والخباثه علمود تعيش وياهم
اذا فطيره مااتعيش
ومن ينجمعن النسوان ويحجن كله اني كتلت هااي واني ملخت هاي واني طرحت هاي
احسهن مجرمات
وبنفس الوقت الزلم عدهم عدم احترام للمرأة يعتبروها خدامه
اخبزي واعجني وركبي ونضفي وحشي الزرع واحلبي البقرات
وكل هذا بجفه وانو لازم اصير جهاز تفريخ
اقل وحده عدها 5 جهال وهاي ام ال5 جهال اكثر من مره طارحه
غير من احجي وياهن يعوجن حلكهن ويكعدن يضحكن عليه
لو يتبسبسن بيناتهن
حياتهم تختلف جذرياً على حياتنا
الشيخ رسن : ها وليدي راح ترجع
محمد : يي يابه لازم ارجع البنات عدهن دوام والولد عدهم شغل
الشيخ رسن :الله ميهديك وتجي يمنا تكعد
محمد : يابه اني استقريت هناك وجهالي حياتهم صارت هناك
بيداء : هسه على اساس شلون حياه
الشيخ رسن : لاتخليني اخلي نصير يطكنج سدي حلكج
بيداء : حاظر حجي
زهرة :يمه محمد لا تتاخر بالجيه كل فتره وجيب بنياتك وتعال
محمد : حاظر يمه
زهرة : جيب وياك بعد هاي الفرخه التشبهني
من اشوفهاا اذكر صبايه بيها
محمد : ههههههه ديمه بعد كل مااجي اجيبها ادللي
نصير : بعد اسبوع زواج قاسم جيب عائلتك وتعال
محمد : يعني حددتوا اليوم
نصير :يي حددنا وهو مستعجل يريد بس يزوج
محمد : چاا اسبوع الجاي احنا جااين
نصير : ديمه مومتجين ازعل عليج
ديمه :كل ولا زعلك يكلبي
طلعنا من بيت جدي واني مشفت المتعجرف
رجعنا. للبصرة
اول مدخلنالها صحت افيييش ياريحه هلي
هنااا اماني
رجعت حياتي هادئه بين دوامي والمعهد
وطلعاتي ويا صديقاتي
والنادي الرياضي
حياتي جانت تتمناها الف بنيه
وصار موعد روحتنا للعمارة علمود عرس قاسم
اول مدخلنا لكينه كووومه زلم موجودين بالحديقه مال البيت
نزلنا ودخلنا البيت جدي
بس يمه كله نسوان وجهاال كووومه كلهم اصغار
وهوووسه وكلهن يحجن
اختنكت
سلمت على جده وكتلها راح اصعد للغرفه
شلت جنطتي وصعدت واني ادردم
يمه يعني هذني ليش هيج
ميتعبن ميختنكن ميسكتن
انووب بس يخلفون عبالك همج الجهال بكل مكان
والله يابابا انت ماعرف شبيك
خليتنا نجي هنااا
هفف
علي : كل هاي علينا
ديمه : يمه سلام القول من رب الرحيم
شبيك فززتني
علي : وخري من الطريق اريد افوت
ديمه : متفوت احد لازمك
علي : ترى صارلي ساعه واكف اباوع عليج وعلى كلامج المابي ايي معنى وانتي ساده الطريق بجنطتج وبوكفتج
ديمه : اسفين استاذ ازعجنا حضرتك
علي : مطيرين من وجهي مبقى عليه بس المخابيل
ديمه : دفعني وفاات
ردت اعيط عليه
بس خفت يشمرني من فوك الدرج يسويها المتعجرف الهمجي
دخلت للغرفه وسديت الباب
ياااربي اني شلون راح اخلص هذا الاسبوع ويا هيج ناااس
اني ماااتحمل والله مااتحمل
ضليت كاعده بالغرفه لحد مصار وقت الحنه
بدلت وخليت ميكياج فاتح بس رسمت عيوني
وسويت ضفيره صفح فرنسيه
ولبست فستان تركوازي ميدي
وكعب اسود ونزلت
وياريتني مانزلت
كلهن لابسات لمااعي ترتر والاحمر بكل مكان كرهوني بالاحمر
قابل المكياج يبوو اخضر مخليه وهي لابسه احمر
ضليت صافنه
اني كعدت يم جده زهرة ومااتحركت ابداً بس اباوع
لحد مجابوا الاكل
اني ماتقبلت اكل لان وحدتهن تاكل مادري شلون هاي من غير الجهال
كمت من يم جده ورحت للباب الخلفيه الي اطل على الحديقه الخلفيه للبيت مابيها احد
فتحت الباب وطلعت
لكيت كرسي حديد بس قديم
كعدت عليه وضليت اباوع على الحديقه والنجوم واصوات الديجي والاغاني
محسيت بالوقت غير عز الدين يحجي ويايه
عزالدين : ليش كاعده هنا
ديمه : اختنكت جوه
عزالدين : اكلتي لو لا
ديمه : الصراحه مااحبيت الاكل ماادري شلون ياكلون ولعبت روحي
عزالدين : ابقي هنا مااتاخر
ديمه : وين رايح
عزالدين : مااتاخر لاتدخلين
ديمه : راح عزالدين واني ضليت بمكاني
10 دقايق ورجع
جايب بلم كزاز بي تمن وشعريه وفوكا لحم
وكاسه لبن وكاسه صلصه
وقوطيتين ببسي وخاشوكتين
هاي شنو
عزالدين : ناكل اني وياج
ديمه : كعدنا نااكل
لك عزوز هذا طيب الاكل
منيلك
عزالدين : هو هذا الاكل نفسه الطبخوا
بس اني صبيتلج من الجدوره الكبار
ديمه : شكد طيب الاكل
عزالدين : بالعافيه اشبعي
ديمه : صدك كعدت على الاكل مثل المشايفه كثر ماطيب
وضلينه نسولف اني ويا ونضحك
يسولفلي على طلايبه واني اضحك
وعرفت هو يحب بنيه بس اهلها ماينطوها
لان هو معروف بالسلف بالطلايب والمشاكل
ماادري شلون خلص اليوم ونمت
وثاني يوم من 6 الصبح كعدت على الهوسه
لان اليوم العرس
والكل تركض واني ضليت كالعاده بالغرفه
لحد ماصار موعد الزفه
اني بدلت لبست بنطرون وسترابلس وفوكا صايه كلها شغل
جانت لون اوفوايت
وخليت مكياج وفتحت شعري
نزلت وهم ضليت كاعده يم جده زهرة
امي وخواتي راحوا بالزفه واني بقيت
ضليت كاعده اباوع على النسوان وكل شويه ووحده ساأله جده عليه
وجده تكللهم هاي بنت محمد
لحد مااجتي الزفه وصار الرمي والهوسه والهلاهل
والكل يركص حتى الجهال يركصون
وصارت هوسه والبنات كلهن يتراكضن شكو
الشباب راح تلعب جوبي
اني اخذت كامرتي ورحت اشوف واخذ صور  علمود اصور وارجع ارسم
ضليت اباوع واصور
شفت عمو نصير لازم ايد بابا وبابا لازم ايد عمو يعقوب وعمو يوسف وبعد كومه زلم ويجوبون
عمو نصير جان طالع يخبل
صدك يشبه جدو جاسم بالشخصيه والضخامه رغم هو اكبر اخوته بس الي يشوفه يكول اصغرهم
وبابا حبيبي يشبه جدو جاسم بس بالشكل يعني وجهه يشبه جدو جاسم
بس الضخامه والشخصيه لا عمو نصير
الجوبي الثاني جان شبابي
وعلي جان لازم راس الدبجه
ورى مناف وحيدر وقاسم وولد عمه ريحانه
حتى عزالدين جان وياهم
والبنات كلهن يتكامزن كل وحده مختاره واحد
حتى اختي ندى
تفاجئت من كالت البنت عمه ريحانه على حيدر
والي صدمني
كلام بنت عمو يعقوب سما
_______
لاتنسون النجمة والتعليقات الحلوة