بنُت المّدينةة🕊💫

بارت23

مرحبااا حبيباتي❤🥺
.
.
.
يگول ؛ من جابو اسمها گبالي حتى الكطف دخنَته🖤

ديمة: ضليت افكر بكلام علي
وعصبيته وحركه گلبة
ومن اذكر كلامه اريد اروح عليه
واحضنه واكله اني هم احبك واموت عليك
بس من اذكر ركبته وصدره
بسرعه اصير عصبيه واريد اروح اتعارك ويا
صار عندي تناقض كلش قوي
بين حبي وبين خيانته
كمت نضفت الغرفه
وسبحت وبدلت
ونزلت لكيت وجهه البومه سما
صايره هي ام البيت ليل نهار يمنه
واني كل مااشوفها اذكر الحلم
رحت كعدت يم جدي
هو باسني من راسي
الشيخ رسن : شو اليوم مانزلتي من وكت
ديمه : جدي شويه تعبانه اليوم
الشيخ رسن : ليش شبلاج
ديمه : ضليت سهرانه البارحه للفجرياالله نمت
نصير : يابه علي صاير يرجع ويا الفجر
الشيخ رسن : منتبه عليه خلي اشوف تاليها ويا
ديمه : شويه ودخل علي
اباوع على سما عيونها تريد تاكله
نصير : هاا ابن الحلال بذكره
علي : السلام عليكم
الكل : وعليكم السلام
الشيخ رسن : علي شو صاير ترجع ويا الفجر للبيت شنو سالفتك
علي : ويا جماعتي جدي
الشيخ رسن : انت مو اعزب علمود اضل للصبح
تراك متزوج
ديمه :باوع عليه علي وحجه ويا جدي
علي :هي ديمه موافقه
ديمه : بسرعه جاوبت
جدي والله كذاب اني كل يوم اضل للفجر كاعده
ادك عليه وميجاوبني ولا حتى يرفضني يخلي بالي عليه
الشيخ رسن :ها يعليوي ليش تخلي بالها عليك
علي : جدي كذابه دخلت لكيتها نايمه
ديمه : جدي والنبي محمد كومه دكيت عليه
انتظر
كمت على علي
انطيني تلفونك
علي :ماانطي
ديمه :جدي كله خلي ينطيني تلفونه
الشيخ رسن :علي انطيها التلفون
علي : هاااج فضيني
ديمه : اخذته وفتحته ورحت على جدي
شوف جدي كم مكالمه داكه 50 مكالمه
شوف منو الكذاب
الشيخ رسن : هاا عليوي شو التلفون مليان مكالماتها
علي : مجنت اسمع
الشيخ رسن : بعد اذا تعذب حفيدتي العب بيك طوبه
من المغرب انت هناا
واذا تأخرت اقفل الباب واخليك تبات برى البيت
ديمه : جدي يحجي ويا علي واني اعيبله
اطلعله الساني
وهو يباوع عليه ويبتسم
شويه واجتي وجهه البومه سما
سما : علي اسويلك غده
علي :يي والله ياريت
سما :تدلل من عيوني
بيداء : ليش اصخر بنت عمك
ماعندك مرتك تخدمك
ديمه :جاوبتها واني الدخان يطلع من راسي
شكو بيها عمه غير سما مثل اخته الصغيره
بيداء :لا مو اخته اذا مااخلفتي وليد العلي اني ازوجه سما
ديمه : تخبلت من كلمتها
ازوجي وحده بكد القندره شنو
بيداء : احترمي نفسج هاي بيت عمها وتغلطين عليها
وهذا الموجود لعد انتظر يشيب وماعنده بزر
ديمه : باوعت على علي لكيته يكلب بالتلفون
جان اعيط عليه
عليييي اسمعنييي زيين هااي كدام الكل
اذا تزوج عليه والله احرركك تفهم لو لا
مخبله اني واسويها
ادير عليك نفط واحركك
هو يباوع عليه وعيونه شلون المصدومه
عطت مره ثانيه
لااااتباوع هيج
والله احركك
اريد اكمل كلامي ودخلت البومه
وانتي اسمعيني
بعدج بكد النعال وخاله عينج على واحد بكد ابووج
ولا تتوقعين يحبج
اذا تكعدين تتمسكنين
ترى يحبني اليه ويموت عليه
واحركج واحركه اذا فكر يزوجج
سما : اني شحجيت ترضاها علي تحجي هيج ويايه
ديمه : هييي عووفي علي واحجي ويايه اني
معليج بي
ترة علي زوجي واني احجي بالنيابه عنه
سما : الله يساامحج
ديمه : بعد الحيه شلون اصير
عافتني وراحت وعلي يباوع مثل المصدوم بالساني
ومو بس علي مصدوم الكل مصدوم على لساني
صارلي يمهم 7 اشهر واني مااحجي شي
بس اليوم مادري ليش هيج حجيت
يمكن حب علي قواني
ماادري الغيره والخوف على علي يزوج عليه
ماادري كلام عمتي جرح مشاعري
مااجنت ادري شنوو السبب
بس كلام جدي لفت انتباهي
الشيخ رسن : يي هي هاي حفيده الشيخ رسن
والمهرة التنتظر يروضها خيالها
وشكله خيالها بدء يروضها
اخذي حقج بيدج بنيتي
من هذا اليوم قررت اللساني يطلع عليهم
واجيب حقي
ومااسكت ابد على الي يأذيني
من خلصت الدراما مالتي صعدت للغرفه
العب بالتلفون
شويه ودخل علي
وكف كدام الجربايه
علي : باالله هذا اللسان منين جبتي
ديمه : الي يدوسلي على طرف راح اطلعه عليهم
علي : شكل الراشديات مال الصبح مأثره على عقلج
ديمه : كمت من مكاني ورحت يمه
عليك الله اضربني بعد راشديات
علمود بالكي يأثراً على عقلي
وتكوم ايدي تشتغل
هااك اضرب
قدمتله خدي
علي : والله مو صاحيه اليوم
ديمه : قدمت اصبعي بحاله تهديد وحجيت
ييي مو صاحيه اني
اذا تزوج عليه اطلع خبالي بيك
علي : ازوجت والا مزوجت انتي شنو الي يخصج
ديمه : والله محد كلك تحبني وتموت عليه
علي : منو كلج اني احبج انتي كمتي تتخيلين
ديمه : ديمه حركتيني والله حركتيني
طلعتله الساني عيبت عليه
حركتك اني
علي : منو كلج اقصدج اني اقصد حبيبتي
ديمه : انييي حبيبتك عيني
انت اعترفتلي
حتى من ضربتني راشديات اليوم الصبح
كلتلي احبج واموت عليج بس انتي متحسين
علي : خلي اطلع احسن
لان يمج اذا ابقى دقيقه اتخبل
ديمه : دخل سبح وبدل وكشخ واني اباوع عليه
اخذ مفتاح سيارته والمحفظه والتلفون
قبل ميطلع
علي : راح اطلع بس مااوصيح عود احركي التلفون بالدك
ديمه : ليش تتأخر
علي : مادري
ديمه : عافني وراح
اني نزلت جوه وياهم اسوي العشا
هما من المغرب يكومون يسون العشا
كمت ساعدتهم
وضليت احجي ويا جده
واشاقه ويا عزالدين
لان يحشش علىً بيبي
ضليت اضحك على سوالفها
كعدت يمي سما
احسها تلوب
ماادري شبيها تروح وتجي بكعدتها
وكل شويه وتريد تحجي
وتسكت
بالاخير قدمت جسمهاعليه
وخلت حلكها يم اذاني بحجه اشاورني
سما : افرحي هسه واضحكي
بس بالليل راح اخليج تبجين
ديمه : انداريت عليها وحجيت بصوت ناصي
مااعاش الي يبجيني واني زوجه علي
سما : ههههه انشوف
ديمه : كومي من يمي زعطوطه
سما : اشوفج اليوم بالليل شسوي الزعطوطه
ديمه : عافتني وكامت
واني مثل الخلوني على نار هادئه
افور فور
والقلق اخذني
صعدت الغرفتي حتى عشا متعشيت
اخذت راحتي واستقراري بهذا اليوم
ضليت افتر بالغرفه والهي روحي بااي شي
بس القلق مراح
خابرت على علي
شويه وفتح الخط
الو
علي : الو ها ابويه
ديمه : وين انت
علي : طالع اكو شي
ديمه : شوكت ترجع
علي : اتأخر انتي نامي
ديمه: والله الا اكول الجدي عليك
علي: ليش تريديني اجي
ديمه : ضايجه اريد اتعارك وياك
علي : اخاف اعصب واضربج وانوب عقلج يتأثر
ديمه : متكيف عقلي يتأثر وايدي تكوم تشتغل
علي :ههههههه خبله والله ابد مو صاحيه انتي
ديمه : يعني مااتجي
علي : لا مااكدر نامي انتي ابويه
ديمه : اوك
راح علي واني ضليت اكلب بالتلفون
شويه ودك عليه رقم غريب
مجاوبته
بعدين اجتني رساله على الفايبر
مكتوب بيها اني سما
جاوبتها " شتريدين ومنين جبتي رقمي "
كتبتلي " ضل بالي عليج كلت ليش متعشت "
كتبتلها " انتظر علي واتعشى ويا "
كتبتلي " تنتظرين علي ليش هو علي فارغلج "
كتبتلها " فارغلي والا مو فارغلي شغله متخصج "
كتبتلي " ههههههه انتظري چا "
ديمه : ضليت اباوع على الكلام واني الف فكره اجتي بالي
والنوم مااخذ عيني
ضليت كاعده للفجر
صليت وقريت قرآن
وضليت اكلب بالتلفون
ساعه 4 و 37 دقيقه لحد الان تذكر الوقت
دزتلي سما رساله
فتحتها
لكيتها فديو ضل يحمل الفديو
بطلوع الروح يالله تحمل الفديو
ونصدمت بالمحتوى مال الفديو
دموعي كامت تنزل واني اشوف المحتوى
صدك كدرت سما بهذا اليوم تبجيني
كدرت تأذيني وتسحب راحتي
وتأكدت بهذا اليوم سما مو قليله شر
_______
انطوني رئيكم شنو الفديو ؟
وطبعاً النشر ماعرف شبي اكتب ويمسح
احبكم كومه بس لاتنسون النجمة