بنُت المّدينةة🕊💫

بارت24

مرحبااا حبيباتي🥺❤
.
.
.
.
ديمه :جان الفديو بالنسبه اليه صدمه
والحب يوجع بشكل مو طبيعي
جان محتوى الفديو
علي كاعد بالملهه وكدامه بنات يركصن
وعلى رجله كاعده بنيه وهو يضحك وياها
والي مصور الفديو شخص ويا
يمكن اكول غفرت العلي سالفه ركبته وصدره
بس اذا غفرت هاي السالفه
معناها راح اقلل من كياني
والمرأة اهم شي كيانها وكرامتها
لو اني مسويه هذا الشي جان ماانتظر دقيقه يطلكني ويذبحني
حفظت الفديو
وكمت سبحت بجيت وانهضمت
بس فكرت والتالي شنوو
شنو الي راح يصير اذا بجيت
شنو الي راح يتغير
راح يبطلون يضوجوني
لو سما تبطل تاخذ علي
لو يبطلون يجيبون سيره الاطفال
لو علي يبطل يروح الهيج اماكن
لو يبطل يتقرب من هيج بنات
كومه لو اجتي بعقلي
طلعت مو الحمام وغيرت ملابسي
وخليت مكياج بسيط علمود ماابين اني باجيه
ساعه 6 دخل علي تفاجئ بيه
استغرب من شافني كاعده
بس يانوم يجي العيني واني شفت حبيبي وزوجي بهيج منظر
علي :شو كاعده
ديمه: الكلام وياك راح يكون من تدخل تسبح وتنضف نفسك
من المكان الجاي من عنده
وعقلك يكون واعي مو سكران
علي :انتي شكاعده تحجين شكلج تعودتي على الدك
ديمه : ادخل اسبح ونتفاهم
ماردت اجاوب ويا واترادد
لان هو بوضع مايسمحله
ويمكن يمد ايده عليه
واني مو حيوانه علمود يضربني ويهيني
دخل سبح وطلع ينشف بشعره ويباوع بالمرايا
علي :احجي الي عندج
ديمه : كونك محامي وانسان مثقف
المفروض تكعد وتحجي ويايه
ويكون اسلوب الحوار الي بيناتنه مو هيج
علي : ماشي ست ديمه
هاي كعدت
ديمه :راح احجي وانت راح تسمعني
وابد متقاطعني رجاءاً
علي : خوفتيني احجي شبيج بويه
ديمه : اني حبيتك وحبيت شخصيتك واسلوبك
وانت الله شاهد ماقصرت ويايه بذره
بس لان حبيتك راح احجي هيج
علي : انتي تحبيني
ديمه : خلي اكمل
علي : جاوبيني ديمه
ديمه : خلي اكمل كلامي
علي : اي كملي
ديمه : اول مرة سامحت وكلت حقه اجيت وانت خايني
واقنع روحي واكول مجان معترفلج بحبه ديمه
صديتي ديمه وهو جان بحاجتج
لمت روحي وغلطت نفسي
وانت ماقصرت ويايه موتتني كتل
واني بعمري مامكتوله
وسامحتك وغفرتلك
ثاني مرة جدي يحجي وياك ويكلك لا تسهر وضربت كلام جدي بعرض الحايط وطلعت كدامي
واني سكتت وجاوزت هذا الموقف وخابرتك
بس من يجيني فديو علمود يقهروني
وانت بوضع مقزز
هناك اكلك اعذرني
اني انسانه كرامتي فوق كل شي
مو اني الي تتحمل وتسكت
واذا على حبك
اركع كلبي بالفين حايط واسكته
عن حبك
المهم كرامتي وكياني وشخصيتي الي نسيتها من اجيت هنا
علي : يافديو
ديمه : رفعت ايدي كدامه
دقيقه ممكمله كلامي
الي عندي يبن الناس راح احجي
تزوج الله ومحمد وعلي وياك بيوم عرسك اباركلك واكلك منك المال ومنها العيال
تكطع عني المصرف محد مات من الجوع
عندي اب واخوان ملزمين بيه
انت بطريق يبن الناس واني بطريق
راد يحجي
وسكته
لاتحجي اعرف ميقبلون نطلك
واني ماطلبت الطلاك
انت بغرفه واني بغرفه
واذا ردت تزوج جيبها بهاي الغرفه
واني اعزل نفسي واحاول ارجع ديمه القديمه
الي فقدتها من اجتكم
كمت اريد اخذ المخده واللحاف
وكفت وانداريت باوعت عليه
وحجيت
شكراً علي. لان خليت كلبي يتأذه
ولان خليتني اتأكد الحب مو دنيا ورديه
واحلام ورومانسيه وغيره
مرات الحب يكون غدر وخيانه
وشهكات وبجي وفراق
دخلت الغرفتي وسديت الباب
_________
موقف ديمه بنظركم صح لو غلط ؟
اني بالنسبه اليه اشوف قرارها صحيح
لان اكرهه المرأة الضعيفه التتحمل كل شي
تتحمل الخيانه والضرب والقهر والتعنيف
تحت مسمى الحب والزواج والجهال
المرأة كيان وشخصية وقوى واراده
مثل المرايا تلمع وتشوفك نفسك
وتحبك بكل اوضاعك
بس اذا كسرتها راح تجرحك ومستحيل تكدر ترجعها مثل مكانت  😍
وهذا البارت مفاجئه مااحبيت اخليكم بقلق
وضوجون
احبكم ❤️