بنُت المّدينةة🕊💫

بارت 38 🦋🙈

صباح الورد حبايبي

مِن اجيبك عَ السلف تسوة السلف كُله
والمفارگ عِيونك بـ السلف شله؟
انه الما تَيهت تيهني وجهك ذاك💙🔥

ديمة :من طلع علي من الغرفه شكو ضحك رب العالمين ذبه عليه
كمت اضحك من كل كلبي
والافكار الشيطانيه اجمعت كلها بعقلي
خلي يستاهل
لعد حلال عليه يوجعلي كلبي ويضوجني
والله الا اخبله واخلي يمشي ويحجي ويا نفسه
اذا مااخليت تكسر كبريائك وكرامتك مااطلع ديمه
من كثر مامرتاحه نمت بعمق

علي : خبلتني تصرفات ديمه
تكلي اطلع من الغرفه من بعد مجانت تتوسل بيه ابقه وياها
شنو الي غيرها
كله من ورى جدي
شوف شحاجي بعقلها
رحت على جدي بالديوان لكيتهم كلهم كاعدين
مااكدرت احجي وياا
انتظرت لحد ميروحون
واني كاعد على اعصابي
ساعه وهما كاعدين
بالاخير فرجت وطلعوا بقيت اني ويا
وهو اصلا ميباوعلي
جدي ليش هيج سويت
الشيخ رسن : وضح كلامك مكاعد افهمك
علي : جدي ديمه مرتي
الشيخ رسن : قبل متدخل بالموضوع
لاتاكل راسي بهاي السالفه
افتهم ترى ديمه مرتك بس هي حفيدتي الغاليه
علي : واني ممقصر وياها بشي علمود تحجي هيج كدام الكل
الشيخ رسن : لاااا مقصر
علي : بشنوو جدي اني مقصر
الشيخ رسن : اني صارلي مده منتبه عليها
تعبانه وضعفانه
وتستفرغ بااستمرار ومكاعده تاكل
ماااحبيت ادخل كلت مره ورجال معليه بيهم
ردتك تحس على روحك وتكللها امشي اخذج للطبيب
بس طلعت مطي مااتحس ولا تنتبه
عااد انا اخذتها
والطبيب كلي تعبانه حفيدتك
شتريدني انتظر لحد متموتها ياالله ادخل
علي : بس اني ممانعها من الاكل والشرب
الشيخ رسن : وهي مو حيوانه علمود تقدملها بس اكل وشرب
هي انسانه تحس ويحتاجلها اهتمام وكلمه حلوة ومعامله حسنه
لوو على الاكل روح جيبلك صخله وخليها بغرفتك
والصراحه ياريت تتوالمون انت مطي وجيبلك صخله
والاكل والشرب عليه
علي : جدي مو كل الحجي ينحجي
تبقى اسرار داخل الغرفه
الشيخ رسن : خلاصه الكلام يابن نصير
ديمه مالك شغل بيها
اني متكفل بكل شي
واذا ضاجت وكالت اريد اطلك راح اطلكها
علي : جدي شسالفه مرتي ديمه واحبها
الشيخ رسن : كون تحبك هاايشه
كوووم من يمي لابارك الله بيك
علي : كاعد احجي
ودخل عزالدين
عزالدين :جدي العشا جاهز
الشيخ رسن : يااا كايم

ديمه : كعدت من نومي جوعانه
كمت على كيفي غسلت وجهي
ولبست دشداشه وشال
وكفت كدام المرايا
لزمت بطني
اوي حبيبي شوكت تجي يارب اشوفك
واحضنك ومحد يحرمني منك
نزلت على كيف
للمطبخ
لكيت اكو اكل يعني مااكلين
اخذت من الثلاجه
تفاحه وسويت لفه جبن
كاعده اصعد سمعت صوتهم بالاستقبال
كملت طريقي وصعدت فوك
تمددت على الجربايه
وضليت اكل واباوع بالتلفون
اخذني الوقت
دخل علي للغرفه ساعه 12 ونص
اني باوعت على الساعه ورجعت خليت وجهي بالتلفون
صح راسي بالتلفون بس عقلي ويا
يروح ويرجع
بالاخير حجه
علي : كومي حظريلي الحمام
ديمه : عفواً ويايه
علي : لاااا ويا امي
طبعاً وياج
ديمه : ييي شتريد
علي :كومي حظريلي الحمام
ديمه : متحظره الروحك
علي : لااا اريدج انتي تحظري
ديمه : والله اني تعبانه
ومااتحرك من مكاني
علي : شبيج تعبانه مو كاعده تاكلين
كوومي
ديمه : لاتعيط عليه ترى والقرآن اكول الجدي عليك
وكومه مااااكوم
والله ربي هم نزل وهم يدبج على السطح
علي : منوووو النززل
ديمه :شنوو خايفه منك
انت النزل
و وخر من يمي ترى بديت اضوج
علي : اضوجين مني
ديمه :حسيت بي ضاج ونصدم من كلمتي
بس يستااهل
يي اضوج منك
روح يالله
علي : اشوو اليوم لو اني لوو انتي
يالله كومي حظري الحمام
ديمه : يي تدلل
كمت من الجربايه
وعدلت نفسي
اباوع عليه عبالك انتصر عليه
بس يحلم عشم بليس بالجنه
تدلل استاذ علي
عندك غير اوامر اسويها
علي : تحظريلي الحمام
وجهزين ملابسي مال باجرللدوام
واطلعيلي من الثلاجه فاكهه
وشعليلي التلفزيون علمود اطلع واسهر على التلفزيون
وياريت اشوفيلي فلم حلو
ديمه : ييي موو تدلل
طلعت من الغرفه
وهو يحجي ويايه
من نزلت للدرجه
نزل يركض
يريد يلزمني
واني مثل الزيبك ركض الغرفه جددي
دكيت الباب ودخلت
خطيه جدي اختررع
الشيخ رسن : بسم الله الرحمن الرحيم
خيرج جدي
ديمه : كاعده احجي ودخل جدي
زهرة : لك عليوي شمسوي للفرخه ومخليها تشرد
علي : كوووومي راح احرك الدنيا
ديمه : جدي عليك الله صيح بي
اكله تعبانه ميقبل
كمت حظرت الحمام والملابس مال دوامه
وحتى الاكل حظرته
بس لان كلتله. تعبانه مابيه اكوم اشغل التلفزيون كام يعيط عليه
من حجيت هيج علي تخبل
علي :لااااا عبالج تختليييين ورى جدي يعني رااااح يحميج
والله اكسرج كدامه
ديمه : جدو عليك الله خلصني من عنده اني خايفه
الشيخ رسن : امشي اطلع برى لابارك الله بيك
البنيه تنخض مثل السعفه من الخووف
اطلع
علي : مااا اطلع اذا متطلع هي ويايه
ديمه : جدي عليك الله لاتخلي ياخذني ويا للغرفه
يكتلني
كمت ابجي بكذب
وعلي يعرف اني ابجي كذب
صارت عيونه حمرة
وجدي صدك كاعده ابجي وتخبل على علي
كام من الجربايه
الشيخ رسن : لككك عليووي تكتل ديمه
تستقووي عليها
اليوم ابووك احركه
ابن الكلب
علي : جدي والله ماكتلتها
ديمه : على عياط جدي دخل عمو نصير
نصير : شكوو يابه خوفتني
الشيخ رسن : تاخذ ابنك وتولي منااا
ديمه تبات يمنا اليوم
علي : الله اكبر مررتي وتخليهااا تنام يمك شكووو
الشيخ رسن : الاااا اطلكها منك علمود لا كل ساع وكايل مررتي
انعل ابوك لابو مرتك
نصير : امشي ياابني انوب جدك يصير بجدك شي ويرتفع الضغط
ديمه : عمو نصير اخذ علي
كاعد يطلعه من الباب
علي :اني اعلمج اذا ماااحاسبج على هاي الدكه ميكون اسمي علي
ديمه : جدي باع شلون يهددني
الشيخ رسن : امشييي اطلع لابارك الله بيك
يهدد ابن بيداء
ديمه : من كال جدي ابن بيداء
خربت ضحك
وجدي من شافني اضحك
ارتاح وبتسم
الشيخ رسن : يالله بنيتي كومي جريلج فراش منا ونامي
ديمه : اخذت فراش وفرشته بالكاع وغطيت نفسي واني احس بالانتصار
عباله ينتصر عليه ابن بيداء
_______
لا شلون ينتصر عليج ام الديم 🙄
لاتنسون النجمة والتعليقات الحلوه ❤️