بنُت المّدينةة🕊💫

بارت 33💔😭

صباح الحُب حبايبي 😍،
.
.
.
.
.
.
لقد أحببتكِ فأسرفت في ذلك. والآن أدرك أنه ما كان علي أن أبقى، وأن ابتعادي صامتاً أحفظ لكرامتي أنا، وأخف وطأة على جروحكِ أنتِ. ولكنني سأرحل، ولن أعود بعدئذ أبداً. إننا نفترق إلى الأبد.... لقد سئمت من أكون شاهداً على تمزقاتك النفسية..... أحسب أنني لا أحسن التعبير الآن عما يعتلج في قلبي ويدور في خُلدي. لقد تكلمت كثيراً.... فوداعاً. وليس من حقك أن تؤاخذيني وأن تحقدي علي، لأن العقاب الذي أناله أنا أقسى كثيراً من العقاب الذي تناليه أنت،
حسبي عقاباً أنني لن أراك بعد اليوم أبداً. وداعاً! لا تمدي إلى يدك. لقد آلمتني إيلاماً فيه من الوعي والعمد ما يجعلني لا أستطيع أن أغفر لك.

ديمة : بعده مناف يعيط ويصيح
على زهراء
واني صعدت الغرفتي
واردد بكلبي عسى نارهم تاكل حطبهم
وبعد مااشفتوا شي مني الا اطيحلجن حضجن ياالله ارتاح
روح الانتقام جانت ملازمتني
اريد بس احرك عندي قوى اكلب هذا البيت جحيم
من حركه كلبي واعصابي الي صارت عباره عن كتله من الجحيم
دخلت اسبح علمود اهدئ نفسي
المي يدير عليه واني كلبي محروك
جان هسه اني حامل بشهري الخامس
ليش اذوني بقطعه من كلبي
ليش دمروا ثمره حبنه
جنت متخيله بهذيج الفتره اني بعد مااحبل ومااصير ام
ووكفت حياتي خلص
ومن اتخيل هيج تخيلات
الكرهه والحقد كله يسلطن بكلبي وبروحي
طلعت من الحمام تفاجئت بعلي
واكف يم الشباك ويدخن
ضليت اباوع عليه
صارلي شهر مشايفته هيج واكف
لكيت روحي مشتاقتله
رحت على كيف وحضنته
هو ندار عليه وحضني
علي :نعيمن حياتي
ديمه : الله ينعم عليك
علي : شلونج اليوم
ديمه : نوعاً ما زينه
علي : اهاا
ديمه : علي اسألك سؤال
علي : كولي
ديمه : هم فد يوم تكرهني
علي : شهل سؤال الغريب
ديمه :هيج بس جاوب
علي : لا مراح اكرهج لان الي بحب بعمره ميكرهه
حتى اذا كال كلمه اكرهه بس باول فرصه تجي كلبه يسامح
ودكات كلبه تنبض من جديد بالحب
بس هسه عوفينا
من هذا السؤال اني مشتاااقلج بكد الدنيا
ديمه : واني هم
علي : جا تعاي انجرب الاشتياق
ديمه : اخذني علي العالم الحب
وكل لمسه من عنده يزداد حبي وعشقي العلي
روحي ويا نظيفه وطاهره
ويا كلام الحب والاشتياق واللهفه
واحد يريد يثبت حبه للثاني
علي : شوكت ترجعين مثل قبل
ديمه :ليش هسه شبيه
علي : مابيج حبيبتي بس اريد اشوف ضحكتج وكلامج
ديمه : من يرجع ابني ترجع ضحكتي
علي : مايرجع بس يجي غيره
ديمه :لعد اريد حق ابني
علي : حقه من منو
ديمه : من شفت علي شويه عصب
مااحبيت احجيله
واكله على الي كاعده اسوي لان اكيد راح يمنعني
ويمكن بسبب حالتي ميصدكني
اكتفيت بكلمه
هيج ماكو شي
علي : ديمه احجي كلامج ماادري شبي
ديمه: مابي شي بس لان كاعده افكر باابني هواي
علي : يجي غيره حياتي
ديمه : انشااالله
سارت الايام واني اكدر اكول رجعت اضحك واسولف
وهذا الشي بسبب تواصلي الدائم ويا علي
وتقربي من عنده
وهو دائما عينه عليه
بس ماانسيت زينب
الي كل مااشوفها اريد اكتلها
بس صبرت عليها
والي يريحني مشاكل وداد وقاسم
وخوف زهراء من يدخل مناف
من احسهن ممرتاحات اني ارتاح مثل مجانن ميخلني ارتاح
خليتهن ميرتاحن
بس زينب اويلي عليج
ناافشه ريشهاا وتمشي بحيل صدر
ومن اشوفني تبتسم بشماته لحد مطكت خبالاتي
عليها
بيوم عمو نصير متعارك ويا قاسم
علمود وداد
لان قاسم رافض يرجعها واهل وداد كل يوم جاايين على عمي وجدي
لان ماعدهم بنيه اضل زعلانه بيت اهلها
وعمو نصير صاير بارود من الاعصاب
فست زينب صارت لوكيه
زينب : يابه اهدء لا يرتفع ضغطك راح اسويلك عصير نومي بصره كاعد
علمود ضغطك
ديمه :واني عيد صار عندي
كمت وراها
شفتها كاعده اسوي العصير تخلي على الطباخ علمود تفور النومي بصره
ومن حسن حضي وسوء حضها
جده زهرة صاحتها وطلعت من المطبخ
واني دخلت للمطبخ
خليت ملح ابدال الشكر للعصير وخليت هواي هم
ورحت للاستقبال اسمع النقاش
واني قمه بالراحه
حتى من كعدت احس مسويه انجاز
دقيقه ودخلت الحيه الصفره اللوكيه
زينب :هااك بابا اشرب سويتلك العصير
لاضوج روحك تنحل السالفه
ديمه : عمو نصير اخذ الكوب من زينب واني انتظر شوكت يشربه
ايده تتحرك واني عيني ويا حركه ايده
شرب عمو العصير
والي صار مجنت ابداً متوقعته
بهذاك الوقت كرهت روحي
عمو نصير شرب العصير ومن ضاكه
شمر الكوب على زينب
والعصير حاار فحرك جسم زينب
صدرها وبطنها وشويه من رجليه
وهي كامت تكمز من الحراره والحرك
وتعيط عيطان مصاير روحها تحترك
كلهم كمزوا عليها علمود ينقذوها
علي شالها وركض بيها للسيارة
وعمو نصير يعيط ويصيح لكم البنيه راحت من ورايه
ومناف اخذ مفتاح السيارة وراح ويا علي
وعمه بيداء كامت تلطم اخذها عزالدين وعمو نصير وراحوا ورى مناف وعلي للمستشفى
_______
حبايبي لهنا ومااكدر اكمل البارت عود باجر اخلصه
لان والله تعبت اعصابي
اني مااحب كلش اكتب المواقف الحزينه ومواقف الانتقام
وديمه صارلي يومين مااحجي وياها لان اعصابي تلفانه من عدها
بس هي ادزلي الاحداث
لاتنسون حبايبي النجمة والتعليقات الحلوه ❤️