صباحو حبايبي
- جانت أمنيتي أبوسن بابهم
أتحدى واحد مثلي هلگد حابهم ،
ديمة : طلعت نتيجه التحاليل وجان احلى صدمه ومفاجئه بحياتي
الشيخ رسن : هاا بشر دكتور
الدكتور : مبروك شيخ حفيدتك حامل
الشيخ رسن : اللهم صل على محمد وال محمد
الله يبشرك بالخير
عزالدين : واخيراً راح اصير عم
الشيخ رسن : ياافرحتي شكبرهااا
ربي بحق نبيك الاعظم تمملها على خير
ديمة : هم يحجون واني مصدومه من الفرحه
واتمنى اشوف شكل علي من يعرف
عزالدين : جدي شو ديمه ساكته شنو الصدمه وصلت الراسها وخبلتها لو شنو
الشيخ رسن : انجب هيلك
عزالدين : ماااسمحلك تكلي هيلك واني راح اصير عم
الشيخ رسن : انجب ووخر من خلقتي
ديمه: جدو اني حامل مو
الشيخ رسن : ييي ياجدي
ديمه : يعني اني مكاعده اتخيل ولا كاعده احلم
الشيخ رسن : هههههه لا حفيدتي الحلوه انشاالله اصير ام
بس لازم ناخذج الدكتوره زينه ماارجعج هسه للبيت
عزالدين : ومنين نلكيلك هسه دكتوره شيخ رسن
الشيخ رسن : جا انت شنو شغلك هسه تفتر بالمستشفى وتسأل على دكتوره زينه نودي ديمه عليهه
عزالدين : واني شمفهمني بهيج سوالف
الشيخ رسن: تولي مناا لا اكسر العصا عليك
ومترجع لحد مجيبلي دكتوره زينه
ديمه : فرحه جدي جانت مبينه عليه
راح عزالدين يدور على دكتوره وجدي كعد يمي
ولزم ايدي
الشيخ رسن : هاا جدي فرحانه لو لا
ديمة : متصور ياجدو شكد فرحانه
بس خايفه
الشيخ رسن : من شنو
ديمه : خايفه هم يروح مثل القبله
الشيخ رسن: لا بعون الله واهل بيته مراح اخلي يروح
ديمه : جدو علي اكيد راح يفرح ويسامحني مو
الشيخ رسن : اذبحه اذا مااسامحج
غير انتي راح اصيرين ام ابنه
ديمه : يارب يفرح ومايكسر فرحتي
الشيخ رسن : انشاالله
ديمه: شويه وعزالدين اجه يركض
عزالدين : لكيتها لكيتها
الشيخ رسن : هي شنوو
عزالدين : الفختيه هاي شبيك جدي غير لكيت الدكتوره
الشيخ رسن : شوكت تعقل
عزالدين : زوجني واعقل
الشيخ رسن : لا والله فلا تعقل تخبل بنت العالم
عزالدين : شعرفك منو غششك
ديمه : راد يكوم جدو يكتله واني حجيت
كافي جدو خلي يولي
كوللنا وين الدكتوره
عزالدين : كالوا بالمجمع الطبي
وتكعد بس العصر
يكولون عليها خوش دكتوره ومضبوطه
الشيخ رسن : امشينا عليها نروح
عزالدين : شسالفه شيخ غير هسه ساعه 2 الظهر
تفتح بال4
الشيخ رسن : ييي ننتظرها لحد متكعد
امشينااا
ديمه : وصدك جدي اخذني للمجمع الطبي
وضلينا كاعدين بالسياره ننتظر الدكتوره
ساعه3ونص خابر علي على عزالدين
وعزالدين فتح سبيكر
عزالدين : الو
علي : هااي وينكم ليش تأخرتوا وشبيها ديمه
عزالدين : والله ياخوي ماعرف شكلك بس احنا هسه كاعدين ننتظر الدكتوره
علي :ليييش شبيها ديمه
عزالدين : مريضه انت وين جنت عنها
مااكتلي وين جنت عنها
علي : وينن انتوو هسه
عزالدين : مو كاعد اكلك ننتظر الدكتوره
علي : ييي وين تنتظروها اريد اجيكم
ديمه : عزالدين راد يكول العلي مكانه وجدي مااقبل
كام يأشرله علمود ميكله
عزالدين : روح علي هسه الدكتوره اجتي
علي : لك تكلي شبيك
عزالدين : باااي باااي
ديمه : شكل عزالدين يخرب ضحك
خصوصاً الخوف بين عليه من علي
عزالدين :ليش مااقبلت اكول العلي على مكانها
الشيخ رسن: بعدين تعرف
وتلفونك اغلقه
عزالدين :علمود يتخبل
الشيخ رسن :ومااايتخبل اغلق تلفونك
وانتي ديمه هم اغلقي تلفونج اخاف يخابر عليج
وانت هسه انزل شوف الدكتوره
ديمه : نزل عزالدين واني حجيت ويا جدي
جدو ليش مااقبلت
الشيخ رسن : خاف عباله انتي ماوراج احد وكاعد يحرك كلبج
ويعااقبج ورافع خشمه عليج
الا احركله كلبه واكسرله خشمه
ديمه : جدو بس اني الي غلطت
ولازم اتحمل نتيجه اغلاطي
الشيخ رسن : باعي بنيتي
اني مااعرف شنو الغلط الي غلطتي
بس الي يحب يسامح ويعفي ويتغاضه على الاغلاط
ورب العالمين يسامح ويغفر
يجي العبد الضعيف ميسامح ليش يعني
ديمه : ديمه نزلت دمعتي على كلام جدي
جدو غلطي جان جبير
الشيخ رسن :شنوغلطت زنيتي لو قتلتي لو بكتي
شنو الغلط الي سويتي
ديمه : كاعده احجي واجه عزالدين
الشيخ رسن : انزل عزالدين عندي حجي ويا ديمه
عزالدين : واني اضل بالشمس
الشيخ رسن : هذاك مطعم اكعد بي واني ادفع الحساب
عزالدين : بس انت الي تتخلى على الراس
ديمه : راح عزالدين مكيف على المطعم عبالك طفل وودوا للالعاب
الشيخ رسن : ياالله احجي شنو الغلط الي سويتي
ديمه : جدو اني الي خليت قاسم يطرد وداد
واني الي خليت مناف يكتل زهراء
واني الي خليت عمو نصير يحرك زينب
بس والله مووقصدي يحركها ولا جان ابالي هيج شي
الشيخ رسن : وشنو السبب الي خلاج هيج اسوين
ديمه : راح اكلك كل شي
ابني ممات من كيفه
ابني وداد هي الي كتلته
الشيخ رسن :انتي شكاعده تحجين
ديمه : والله جدومكاعده اكذب وغلات علي وغلات ابني الي مااشفته
وداد هي الي جانت تخبط كلور وتيزاب وذبه بالحمام علمود اني اجي استنشق الريحه
والطفل يموت والله جدو اني سمعتها بأذاني
الشيخ رسن : شلون سمعتيها
ديمه : من اسقطت وراها بايام
نزلت بالليل اشرب مي وسمعت صوت بجي بغرفه زهراء
والله جدو ردت اروح اشوف شبيها علمود اطيب من خاطرها
بس من رحت سمعت صوت وداد تحجي ويا زهراء
وداد: راح تفضحينه شبيج بس تعوين
زهراء :لج حنا كتلنا طفل وهذا الطفل ابن اخويه
وداد : ييي ولا تنسين هذا الطفل ابن المسمومه الحيه ام السحوره
زهراء : والله اذا علي عرف يذبحنا ومو بس علي حتى جدي وابويه
وداد : محد راح يعرف بس انتي لا تعوين وتكشفينه
وقابل هما شعرفهم
احنا جنه نخبط الكلور والتيزاب علمود اشمه هي غبيه
احنا شعلينه
زهراء : لج اخاف تكول العلي على الريحه وهذا ماايسكت راح يحقق ويانه اخويه واعرفه
وداد : ييي وجع وسم قابل شكوو هاي فاتت ايام وهي مااحجت بعد شكووو
زهراء : الله يستر علينا والله اذا عرفوا يذبحونه
ديمه : جدو سمعت شلون جانن يتفقن على كتل ابني
سمعتهن بأذاني جدو
واني من حركه كلبي هيج سويت بيهن
بس من احتركت زينب صحيت
والله مجنت اقصد هيج يصير بيها
ردت بس يعيط عليها عمو نصير لو يضربها مااا جنت اعرف راح يذب الكلاص عليها
الشيخ رسن : استغفر الله
زين زينب شعليها زهراء ووداد هنا الي دبرن موضوع الطفل
زينب شدخلها
ديمه : زينب هم حقيره و مسمومه جنت كاعده كاعده اكل بالمطبخ وسمعتها
تحجي ويا عمه بيداء
زينب : شبيج يوم كل يوميه كاعده تبجين على ابن الاميره
بيداء : لج هذا ابن اخووج
زينب : ييي ابن اخويه الي راد يجي من هاي المسمومه
وهمزين مات
بيداء : انجبي واسكتي هذا ابن اخوج واخوج القهر راح يطلع من عيونه
والهم وصل الراسه من ورى القهر
زينب : لو هذا الطفل جااي للدنيا جان المسمومه اشيخت علينا اكثر ماهي مشيخه
مكافي معيشيها مثل الاميره ابويه يدافع الها واخويه يضرب علمودها
وجدي تنازل على عاداته من وراها
يطبها مرض هي وابنها انشاالله مشوف الاطفال بعمرها
ديمه : هذا الكلام الي سمعته من زينب جدو
هذا الي خلاني اريدها تنضرب
بس والله جدو من سمعت اعياطها من احتركت اجيت اتخبل
اني مو قاسيه ولا ماعندي انسانيه
بس هذا البيت مو مكاني ولا بيئتي
وماااستبعد من راح يعرفون اني حامل
يمكن هم يموتون ابني ويحركون كلبي عليه
الشيخ رسن : وعلي يدري بهذا الكلام
ديمه : لا علي يدري بس بالي اني سويته بيهن
الشيخ رسن : وهو شلون ماسألج انتي شلون عرفتي
هما الي كتلوا ابنج
ديمه : جدو لان جان متأكد منهن
والله جدو هو جان يحذرني من وداد واني جنت اكله
ممعقوله تكتل طفل بعدة مجاي للدنيا
مجنت متوقعه خبثهن وغلهن وغيرتهن هيج اسوي
الشيخ رسن : ______
_________
توضحت الاحداث
والي خلى ديمه تسوي هيج بيهن
لاتنسون النجمة والتعليقات الحلوه حبايبي ⭐️
أنت تقرأ
بنُت المّدينةة🕊💫
غموض / إثارةبين اختلاف الثقافات وبعد المسافات وعدم التنازل من الطرفين كيف ستصبح الحياة.🕊💫
