ديمة : سارت الايام واني مااحجي ويا علي
ولا انام يمه
وعازله روحي الى درجه جبيرة
ومن يحجي كلبي اسكته بافعال علي السلبيه
خصوصا بالليل كلبي يضل يلوب عليه
بس الهي نفسي
بالرسم والتنضيف
وهو كام ميطلع بالليل ولا يشرب
ويحاول دائما يحجي ويايه
بس اني ماانطي مجال
لان كرامتي اهتزت
لحد مافكرت بمستقبلي الي راح يروح مني
دراستي
اني مااوصلت الهاي المرحله علمود
اوكف
بقالي بس سنه وحده واتخرج
شسوي علمود اداوم واني مااريد احجي ويا علي
ماعندي بس جدي
نضفت غرفتي
وسبحت وبدلت وخليت مكياج خفيف
ونزلت
ومثل كل مره مااكو ايي تغير
من يشوفني يكعدن يتبسبسن
ويضحكن
اني عفتهن ودخلت للاستقبال جان جدي كاعد
ويا عمو نصير
سلام عليكم
وعليكم السلام
ديمه : عندي موضوع مهم وياكم
الشيخ رسن : كولي بنيتي
ديمه : جدي انتو زوجتوني علي واني وافقت
وانت تقدر الحب ومجرب لوعه القلب
واني حبيت حفيدك
وحفيدك يحبني
وسولفتله كل شي
حتى على سما
والفديو شوفتلهيا
وكلتله صارلي مده مااحجي ويا
كلشي حجيتله حتى على سهر الليل واني انتظره
بس من ذكرت تعب البعد عنه
واضل الليل كله اتمنى اروح واحجي ويا
كمت ابجي
الشيخ رسن : وعلى شنو هذا البجي يالمهره
ديمه : لان احبه ومااعرف اختار
عقلي يكلي كرامتج وكلبي يكلي هذا حبيبج
الشيخ رسن : امسحي دمعتج وخليها غاليه
وعلي يجي يوم ويتندم
ديمه : مااريده يتندم اريد بس منك طلب واحد
الشيخ رسن : كولي
ديمه : ارجع الدراستي هاي اخر سنه واتخرج
بغلاتي عنك خليني اداوم
الشيخ رسن : ماطلبتي بس حقج
نصير تروح للبصرة اجيب اوراق ديمه وتنقلها هنا
نصير : الله يطول بعمرك
ديمه : حضنت جدو وكمت ابوس بي
عبالك ملكني الدنيا من راح يرجعني للدوام
يومين واوراق نقلي كملت
كملهن عمو نصير
وعلي ميدري
هذا شرط من جدو يريد يأدبه
كلي مثل مابجاج الا اطيحلج حظه
اسبوع ولازم اداوم
وهذا الاسبوع اني كل يوم طالعه ويا عمو نصير اشتري ملابس للدوام
وعلي عيونه اصير براسه ميعرف سبب هاي الطلعات شنو
وليش كاعده اشتري هلكد اغراض
ومثل الي يريد يصالحني
يخليلي فلوس على الميز من يطلع
واني ربع دينار مااخذ من عنده
وهم هذا شرط من جدي
وعلي من يشوف الغراض والفلوس على حطتهن ونفس مكانهن يتخبل
واكثر من مره يسألني
واني مااجاوب ادخل للغرفه واسد الباب
لحد مصار يوم الدوام
كعدت ساعه ٧ الصبح
علي تفاجئ وفرح عباله راح احظرله غراضه مثل مجنت
بس الي سويته خليته مصدوم بي
كمت من الفراش ودخلت للحمام
وطبكت الباب حتى صباح الخير مكلتله
سبحت وطلعت لكيته ماكو
اني بدلت
لبست تنوره طويله لون رصاصي وبدي ابيض
وشال وردي ورصاصي
والجنطه وردي
نزلت الكل التفاجئ
علي عيونه انصدمت
وضل مفتحهن
صباح الخير
الكل صباح النور عده علي
الشيخ رسن : شلون المعنويات
ديمه : شويه خايفه
الشيخ رسن : عيب على حفيده الشيخ رسن تخاف
نصير : اكلي علمود نطلع
علي : وين ماخذيها
الشيخ رسن : للكليه
علي : شنووو
الشيخ رسن : مثل مسمعت
نصير نقل ديمه هنا
وانا قبلت على رجعتها للكليه
علي : واني شنوو رجل كرسي هنااا
ترى انيييي زوووجهااا
وهييي مررتي
الشيخ رسن : صوتك لاتعلي عليه
انا موو اصغر جهالك
واذا هي زووجتك
فا هي حفيدتي واريد افتخر بيها
علي : مداوووم اني مووو مكرن اخلي مررتي تفترر كدام الولد بهذا اللبس
الشيخ رسن : مالك غرض بديمه
وانت اذا تريد رووح ازووج من المله الي تناسبك
جنت متووقع انت خيال وترهم الحفيدتي
بس طلعت غلطان
راح اخليها تكمل دراستها
واطلكها منك
واززوجها واحد دلالها يهوووى
علي : ههههههههه كلتلي دلالها يهووى
ترى بس اني بدلال ديمه
الشيخ رسن : غلطان يالشيخ
ديمه راح تدخل للجامعه والف واحد راح يتمناها
وراح اشوف الزلمه الي يناسبها
والي تهووى
علي : شكلك نسيت هي مزوجه وعلى ذمتي
الشيخ رسن : ديمه
ديمه : حاظر جدي
الشيخ رسن : ذبي الحلقه من ايدج
وانطيني ياها
ديمه : كاعده انزعها وجفلني صوت علي
علي : اذااااااااا نزعتيهاااااااا ادفنجججججج
الشيخ رسن : هييي انت لاتاخذنا بصوتك العالي
ديمه شأنها بيدي
واني ولي امرها
علي : واني زوووجهااا
الشيخ رسن : يي فهمت
نصير اخذها للكليه راح تتأخر
علي : متطلع هيج
تلبس عبايه
ديمه : جدي مااعرف اللبس عبايه
الشيخ رسن : روحي بنيتي لبسج ماابي شي
ديمه : كاعده اطلع وصوته وكفني
علي : يابه اني اوديها
نصير : ماشي ابني
ديمه : يمكن تصرف علي فرحني
اعصابه وتصرفه ومجادله كلامه ويا جدي
ومنع جدي من عدم نزعي للحلقه خلوا وكلبي
يرجع النقطه الصفر
والحاجز الي بنيته طول هذيج الفتره بدء يتفلش
طلعت شفته كاعد بالسياره
صعدت ويا ليكدام
وماحجيت شي
هو جر الجكاره وكعد يدخن
من طلع السياره من البيت
حجه ويايه
علي : علي ليش مكلتيلي
ديمه : مو مهم
علي : شنو الي مو مهم
ديمه : اني مو مهمه وشكو شي يخصني مو مهم بالنسبه الك
علي : انتي هيج كاعده تفكرين
ديمه : مااافكر هذا الي كاعده اشوفه
علي : غلطانه
وكلش غلطانه اني احبج واكثر من مره اعترفتلج
ديمه : الي يحب ميجرح ميخون ميطعن
ميخلي الشماته تلزم زله على الحبيب
انت حبك غير مفهوم
علي : مااجرحتج اني
ديمه : من تهين انوثتي معناها جرحتني
من تتجاهلني معناها جرحتني
من تهين كياني وشخصيتي وتضربني
معناها جرحتني
انت كلتلي قبل لا نزوج
وجنت فاهمني
وتعرف اني اختلف عنكم اختلاف الارض عن السماء
وبالمقابل انت اسويت
عاملتني مثل البنات الي عايشات وياكم
علي : انتي ماتفهمين
اني من ابعد عنج واسهر الليل برى البيت
مو قصدي اجرحج بس كل همي ابعد عنج علمود مااجبرج على شي انتي مرايته
ديمه : عذر اقبح من فعل
تكدر بالف طريقه تتجنب البعد عني
مو بالخيانه
علي: وشلون اسامحيني
ديمه : عوفها للايام
ضل ساكت واني سكتت
وصلنه للكليه
ودخل ويايه
جنت مثل الطفل الي هستوى داخل مدرسه الخوفه بكلبي
وجسمي يرجف
وعلي مثل الي يريد يثبت للكل اني مزوجه
لزم ايدي
ويمشي عبالك راح اطير
وهو مبين يندل الاقسام
اكذب اذا كلت مااحبيت لزمه ايده
واهتمامه
اول مره جانت ايديناتنه تلزم بعض
يمكن فعل بسيط
بس كلبي الارعن يشوفه شي جبير
دلاني على قسمي وشعبتي
واوقات المحاظرات
علي : واذا تريدين عود خابريني
وقبل متخلصين محاظراتج خابريني اجي ارجعج
ديمه : اوك شكرا
دخلت للقاعه وعلي راح
__________________
هلاو حبيباتي
اليوم البارت متأخر بس بسبب الواتباد
مراضي ينشر
مااعرف شبي
لاتنسون النجمة والتعليقات الحلوة ❤
أنت تقرأ
بنُت المّدينةة🕊💫
Mystery / Thrillerبين اختلاف الثقافات وبعد المسافات وعدم التنازل من الطرفين كيف ستصبح الحياة.🕊💫
