بنُت المّدينةة🕊💫

بارت21

مرحباا حبيبااتيي🍒❤
.
.
.

رُوح شمَا تِريد تروَح تاليّتك تِجي بباليّ ،

ديمة : جنت كاعده بالبستان
وشكلي كلش حلو
كاعده جوة الشجرة
وعلي كاعد يمي ولازم يدي
وكل شويه وحاضني الصدره
واني فرحانه بهتمام علي وحبه اليه
وفجئه اجتي سما اجر بعلي تريد تبعده من عندي
واني مجلبه بي وهو مجلب بيه
وهي اجر بي قووي بس اني مكاعده اكدر اجلب بي
واكللها عوفي شتريدين من عنده
سما : الا اخذه منج هذا حبيبي
ديمه :هو حبيبي اني وزوجي عوفي
ضلت اجر بي قوي لحد ما ايدي فكت من ايده
هو من شاف ايدي فكت عن ايده وكمت ابجي
فك ايد سما عنه و حضني بيديناته ثنيناتهن قووي الصدره
مااخلاني ابعد عنه
فزيت على ايد على وجهي
فتحت عيني بخوفه
شفت علي كبالي بسرعه حضنته وكمت ابجي
علي : شبيج ابويه لاتخافين هذا حلم
ديمه : يخوف يخوف
علي : هاي اني يمج بنيتي لاتخافين
ديمه : تريد تاخذه خوفتني
علي :تاخذ منو شحلمتي
ديمه : كمت ابجي بحضن علي
علي : كومي البسي عباتج خلي نطلع
يالله بنيتي
ديمه : كمت بدلت ونزلنا اني وعلي
بيداء : خير ياطير وين طالعين
علي :ماخذها للدكتور
بيداء : على شنو ماخذها شو صارلها 7 اشهر مزوجه وماحبلت
علي : امشي ديمه امشي
ديمه : من صعدنا بالسيارة
علي كاموا يحجون على الاطفال
علي : معليج المهم انتي
ديمه : خايفه منهم
علي : لاتخافين على شنو شوكت متريدين اتقربلج
كولي غير هيج لاتهتمين
ديمه : ضلينه نفتر وشترالي اكل وموطه
وضلينا نضحك
تصرفاته وكلامه كلش حلوات
ومتفهم
الي درجه
رجعنا للبيت ونفسيتي كلش مرتاحه
بس من افكر بالحلم شويه اضوج
سارت الايام
واني بديت اتعلق بعلي واحبه
وهو ينحب
بس عيبه شغله وحده
يتأخر بالسهر ومرات يرجع سكران
بس مو مثل هذيج المره لا
يكون صاحي
ومن حجيت ويا
علي انت ليش تروح تسهر
علي : ويا جماعتي اروح اتونس
ديمه : وين تروحون يعني
احجي ويايه بصراحه
علي : للملهه
ديمه : اريد اشوف اللملهه
علي : شلون اشوفلج يا يعني
ديمه : يعني ممصور
علي : مصور
ديمه :اريد اشوف
علي :وليش تريدين اشوفين
ديمه : هيج فضول
علي :جيبي التلفون وتعاي
ديمه : ركضت جبت تلفونه
وانطيته يا
فتحه وضل شويه يكلب بي
ديمه : وليش ضليت تكلب
علي : اكو اشياء ميصير اشوفيها
ديمه :شنو هاي الاشياء
علي :ميصيربنتي
بس هذا الفديو شوفي غيره لا
ولا تكلبين
ديمه :اوك
شفت الفديو بس اغاني عاليه واضويه خافته ولون الاحمر طاغي بالاضاءه
وميز بي مكسرات وبعض المقبلات فقط
مابي شي الفديو
بس هذا بالملهه
علي :يي بس هاي
ديمه :مثل المطعم بس الملهه بي شرب
علي :شنو هذا الموضوع الي فاتحته سدي بنتي
ديمه :اوك راح اسده
من هذا اليوم علي ماابطل سهر
بالعكس كام يتأخر للفجر
مرات يدخل ساعه 5 الصبح ينام ساعه ويطلع للشغل
ولان اني حبيته وتعودت عليه
كام يضوجني هذا الوضع
لحد ما يوم جانت الدنيا مغرب
علي جدي راده بالديوان
واني جنت انضف الله لاينطيها بيداء
خلتني اغسل البطانيات كلهن انكسر ضهري
دخلت اسبح وافك جسمي بالمي الحار
ضليت بالحمام يمكن ساعه من الاسترخاء
مجايبه ملابسي
وحتى خاولي مجايبه
واعرف علي يم جدي
لفيت نفسي بالدشداشه مالتي جانت بالحمام
من لفيتها صارت كلش قصيره
يعني جسمي كله طالع الا شويه
طلعت من الحمام وشفت علي موجود
من شفته شلون الي اتجمدت
وصارت عندي نوع من الخباثه
اجه بالي كلامه من جان سكران
وضليت واكفه
هو تغير كل علومه
وكام يتقرب عليه
صاركلش قريب عليه
اني لزمت الدشداشه قوي عمود متوكع
هو حجه بصوت ناصي
علي :ترى والله اني مو كافر كدامج
ديمه : وخر علي
علي :واذا ماوخرت
ديمه : كام يبوس بيه من جتفي
حسيت روحي راح افقد
وهو هم فقد
دفعته شويه من يم صدره بس هو مااتحرك
علي وخر
علي : انتي مرتي وهذا حقي
ديمه : بس انت كلتلي
علي:واني ارجع بكلامي
ديمه : يبوس بيه ويحجي
لحد ماكام يقسي شويه بوساته
حجيت يم اذنه
هذا الشي كاعد يصير غصب عليه
ومو برضاتي
من كلت هيج هو بسرعه وخر عني
وضل يباوع عليه
وعيونه تجدح نار
ضل يباوع عليه وطلع من الغرفه
وركع الباب
بيومها اني مارفضته لان مرايدته
بس ردت يعترفلي بحبه ياالله يتقرب مني
يمكن الي سويته غلط
لا مو يمكن اني السويته غلط
وهذا الغلط الي سويته
راح اتعاقب عليه
كل انسان من يغلط لازم يتعاقب
واني الي سويته غلطت وراح اتعاقب من علي
وعلي مااتخر بمعاقبتي ابداً
بنفس اليوم عاقبني
ضل الليل كله هو ماكو
واني ضليت انتظره هو مااجه
اذن الفجر وهو ماكو
صليت وهو مااجه
ادك عليه ميجاوبني ابداً
حتى ماايرفضني
تخلص الدكه ويفصل من كيفه
تعبت من الانتظار ونعست وهو تأخر
نمت حسيت على طبكه باب الحمام
فتحت عيني بتعب
لكيته واكف يمشط شعره
ولابس بس شورت
اندار كاعد يروح للكنتور ونصدمت من المنظر الي شفته
فزيت من مكاني
كلت اخاف كاعده اتخيل
بس الي كاعده اشوفه مو مو تخيل
مثل المصدومه الي تريد تتأكد
كمت من الجربايه ورحت باتجاه
هو من شافني عقد حاجبه وضل يباوع عليه شكاعد اسوي
وكفت مقابيله
وخليت ايدي على ركبته وصدره امسح بي
عقلي مكاعد يستوعب الي كاعد يصير
اريد اطرد هذا الشك الي بعقلي
اريد اكذب عيوني
كمت امسح بركبته وصدره قوي
اريد اشكك روحي واكول الشي الي كاعده اشوفه اوهام
بس بالمقابل توجعت كلبي وجعني
لان احبه واموت عليه وهو يحبني ويموت عليه
بس واحد يريد من الثاني تقرب
واحد يريد من الثاني خطوه
واحد يريد من الثاني يكسر غروره وكبريائه
هو رجولته وكبريائه يمنعه يعترف بحبه اليه
واني انوثتي وغروري وكرامتي تمنعني اعترف بحبه
كمت ابجي واني ايدي تتحرك قوي على صدره
كول الي كاعده اشوفه غلط
كول انتي كاعده تتوهمين
احجي ايي شي يجذب الي كاعده اشوفه
علي :شتتوقعين من ترفضيني شيصير
ديمه : كمت اضرب بي
لك مووو هيج موووو هيج
انت كااعد تخوووني ويا حثاااله
لييشششش
علي : لان اني رجال واحتاج
وانتي تحرررركيني
ديمه : وانت هسه حركتني
كلت كلمه بلحضات عصبيه
ولحد هاي اللحضه مامتندمه عليها
انت مو رجال لو رجال جان ممشيت ورى رغباتك
اني كلت هيج
وهو تولاني راشديات
بس والله مااتأذيت من الراشديات
كثر ماكلبي جان يوجعني
ووجع كلبي اضعاف وجع الراشديات
يضرب ويعيط
علي : لج تعبببت
لج ادمرررت من وراج
مرتيييي وماااا اكدرر اتقربلج
لج الله بلانيييييييي بيج
شنووووو ذنبييييييييي
ديمه : يحجي ويضرب
واني بعد مااحسيت على شي
اغمى عليه صارت الدنيا كلها سوده بعيني
ومااحسيت بشي
_______
هلاو حبيباتي
لاتنسون النجمه والتعليقات الحلوه
احبكم كومه