بنُت المّدينةة🕊💫

بارت17

مرحبااا حبيباتي🍒🍒

.
.
.
شايف من تحط راسك على ذراعي ،
احس الناس كلهم مالهم داعي

علي : ليش متحتاج سيتات النوم والفلوس ست وداد
وداد :اخوي اني مو قصدي
علي : لا قصدج كوليلي ليش متحتاجهن
ناقصها شي علمود متريدهن
وداد : لا
علي : باعي عليه لاتنزلين عينج
اذا ديمه ناقصها شي كوليلي علمود افهم هي ليش متحتاجهن
وداد : اسفه اخوي
علي : اني بامكاني اضربج واصحيج على زمانج
بس مالي حق امد يدي عليج عندج رجال هو الي يصرف
وداد : عفيه اخوي لا تكله
علي :من توصل السالفه تبوكين فلوس لا اكله
ديمه : نزل علي وركضت ورى وداد
واني حرف ماحجيت
شويه وسمعت اصياح علي
نزلت اشوف شكو
لكيت علي يعيط على قاسم وقاسم ساكت
علي :من مرتك تلبسلك ملابس قنادر جديده متسألها هاي منين
متكوللها منين جبتيهن وانتي متطلعين
قاسم :ياخوي شلون تسألها هيج سؤال
علي : طبعاً متسألها لان مطي حاير بس بالقنادر
مرتك كاعده تدخل تاخذ ملابس ديمه كلهن وبقى بس هذا
هااااك يااااا
ديمه : علي شمر سيت النوم عليه
قاسم : ياااخوي هذا مال ديمه
علي : لاااا موو مالتها مو طررن اني واشملك ملابس نوم مرتي لابستها
وياااريت تكتفي على هيج
نكول انت مطي مااتفهم وماتركز بالملابس
زين الفلوس هم متسألها
قاسم : يااااا فلووس
علي : لك يااااااثول حتى الفلوس الي اخليها الديمه هي تأخذهن
وهاااي شوفها بايديها
قاسم :لج شنووو تبوكين
وداد : لالا ماابوك هي ديمه انطتني ياها
علي :الله اكبر عليج
لج ديمه صارنا شهرر. مسامعين صوتها
شلون تنطيج ياااهن
واني باذني سمعتج تكولين الديمه انتي متحتاجيهن وانتي خرسه
الله اكبر عليكم كلكم
منين اتلكاها من اهلي الماراحميها لوو من مرت اخوي الي جذب وتلفق عليها
لوو من عدها الي صايره مااتحجي ولا دافع على حقها
بيداء : ياابني هسه واذا اخذت فلوس
لعد مو ديمه اشترت اثاث الغرفتها من افلوس ابوك
علي : منيييييي الفلوووس منيييي اني انطيتهااا
ولا وداد طااالبه مني فلوس هم انطيهااااا موووو تبوووك
ديمه : قاسم من سمع كلام على وخصوصاً كلمه تبوك
لزم وداد موتها كتل
ومن يكتلها عبالك يصارع ويا رجال خلص عليها
كثر مانقهرت عليها
رحت ادفع قاسم عنها
واكومها
من كومتها دفعتني
وداد :كله منج وجهه النحس الخرسه
ديمه : اني ضليت صافنه وراد يرجع قاسم يكتلها بس هي شردت صعدت الغرفتها
واني عود ردت انقذها من عنده طلعت النحس
ليش تكرهني ماادري
زهرة : فلك طرها واخذها موش بنيه تكول حيه
علي : شووو تعاااي انتي
ديمه : جرررني علي من ايدي قوووي وصعدني
طبك الباب قوووي وكام يحجي بعصبيه عيونه صارت حمر
علي : فهمييييييني شبيج
لج احجييييي
انطقي ايييي كلمه
ليششش يكولون عليج الخرسه وانتي سااكته
ليشش يااخذون غراضج وانتي سااكته
لج ليشش يضلموج وانتييي ساكته
احجيييي اييي شييي عييطي
لج راح تمووووتين وانتي ساااكته
ديمه : جان علي يحجي بااعصاب وحركه
من كلامه كامت عيوني تبجي
وكلبي يوجعني
طكيت بجي
نزلت للكاع وحضنت روحي
واشهك
هو كعد مقابيلي ورفع راسي
علي : احجي اترجاج ايي شي احجي
والله الي تريدي اسويلج ياا بس احجي
ديمه : ابجي وامسح بدموعي
علي : باعيلي
شو ليش هاي العيون الحلوه تبجي
ديمه : كام يمسح دموعي بيده
علي : احجي ديمه احجي والله مشتاق الصوتج
بداعت نصير احجي
اني اعرفج تحبين عمج نصير
احجي
ديمه : ش ش شحجي
علي : ييي ييي ايي شي احجي
المهم صوتج يرجع
المهم ارجع اسمعه
ارجعي اضحكي
شوو احجي زين كوولي علي
ديمه :ابتسمت من سمعته هيج كال
علي : مو خليتج تبتسمين
كولي علي يالله
ديمه : ع ع علي
لان صارلي فتره مااحجي جانت الكلمات تطلع بالكوه
علي : شكد حلو اسمي بالسانج شوو تعالي
متريدين دفو
ديمه : ضحكت على كلامه
لا
علي : هل مرة الخاطر علي ارضي بالدفو
ريمه : خلي اكوم عوفني
علي : يعني متريدين دفو
ريمه : لا انطي الحبيبتك
عفته ودخلت للغرفه
كمت اضبط بيها
كملت صبغها وخليت الاثاث بقت بس لمسات خفيفه
وجيب لوحات فارغه علمود ارجع ارسم
واذب طاقتي السلبيه بالرسم
اخذني الوقت واني اضبط بالغرفه
خلصت نزلت للمطبخ
الوجوه كلها مكلوبه عليه
ويذبن بسامير وكلام كلش سخيف
عاد طلعت رحت للاستقبال
لكيت بس جدي
الشيخ رسن : اعرفج عنيده وصلبه مثل المهره الاصيله
ماايكدر يتحكم بيها ويروضها غير خيالها
وكونج مهره اصيله لازم ياخذج الخيال علمود يروضج
وماكو غير علي يكدر يروضج
ديمه : منو كلك اني اريد واحد يروضني جنت عايشه حياتي باحلى مايكون ومن اجيت اهنا انكلبت كل حياتي
الشيخ رسن : بنيتي هسه لان مااكو دكه بدلالج اتجاهه علي راح تحجين هيج بس من اصير هاي الدكه الحلوه يتغير كل شي
حتى هذا المكان الي مو طايقته ولا طايقه اهلى دكومين تحبي
ديمه : مراح احبه ولا راح يجي اليوم الي راح احبه
الشيخ رسن : ماشي انطيني سبب عدم حبج افتحيلي كلبج
واني اوعدج و ها وعد رجال وهاي شاربي لزمته
اوكف وياج
تراني حبيت وتعلعلت واكيد جديتج زهرة كالتلج
ديمه : ييي كالتلي
الشيخ رسن : انا تعاركت ويا اخوي الله يرحمه علمودها
حبيتها وهويتها وردت منها بس وليد
والله رزقني بمحمد ابوج
ولحد هاي الدقيقه اني اهواها
افتحيلي كلبج بنيتي
تعاي شو نامي على رجلي واحجيلي
ديمه : ماادري شنو جان احساسي
لكيت روحي نايمه على رجل جدي الظلمني والي اذاني
جنت ملخبطه وعقلي مو صاافي ولا كلبي صافي

جدي علي ميحبني
الشيخ رسن : هو الي يشوف هيج عيون وهيج شعر حلو شلون ميحبج
ديمه : كلبه مو خالي
يحب وحده غيري
ويحجيلي عليها واني اسمعه حتى اكثر من مرة سمعته يخابرها
اني مو سالفتي علي لان هو هم انظلم بهذا الزواج
اني سالفتي مااكدر اعيش وياكم
حياتي تختلف عنكم
حتى ثقافتي ودراستي تختلف عنكم
وانت بعينك كاعد اشوف شلون كاعدين يأذوني
وماادري شنو السبب
الشيخ رسن : سالفه علي ميحبج هاي مداخله عقلي
لان على اليوم اعياطه وحركه كلبه اكلج وليدي داخل بصراع
ويا نفسه ومراضي يعترف
واليوم على العشا اثبتلج هذا الشي
اما حياتج ومكادره تتاقلمين ويانه
راح انطيج مثل واريدج اجاوبيني
افرضي لزمتي عصفور حبيتي وعشقتي
وين توددي
ديمه : اجيبله قفص علمود اضل اشوفه كل يوم
الشيخ رسن : اول متخلين العصفور بالقفص شراح يسوي
ديمه : راح يحاول يطلع
الشيخ رسن : ورى ايام من المحاولات شراح اشوفين العصفور يسوي
ديمه : يتعود على المكان مالته واذا داريته يكوم يحبني
الشيخ رسن : عفيه عليج
انتي هم اتخيلي روحج عصفور وغيروا مكان اقامته
من مكان يحبه الى مكان شويه تعبان
وحاولي تبنين وجملين هذا المكان مثل ماانتي تحبي
عرفت مسويه غرفه خاصه بيج
معناها كاعده تتأقلمين ويا المكان
ترى روح الانسان هي الي اجمل كل مكان يروحله
نبينا ابراهيم عليه السلام عاش بصحراء حتى مي مابيها
بنا الكعبه المشرفه ورب العالمين رزقه بماء زمزم
وسنين عاش بيها
لحد مااهسه الاف المسلمين يتمنون يروحون للكعبة المشرفه
ديمه : كلامك كلش حلو جدي
الشيخ رسن : وانتي احلى بهواي من كلامي
ديمه : هههههه الهل درجه اني حلوه
الشيخ رسن : مثل جمال زهرة خلت الاخوان يتعاركون
والله بيومها سحلني سحل اخوي جاسم الله يرحمه
ديمه : هههههههه يعني تذكر الكتله الي صارلها اكثر من 50 سنه
الشيخ رسن :لعد ليش يكولون كتل الحبيب مثل اكل الزبيب
هذا كتل الحبيب
مسح بيه الكاع الله يرحمه
ديمه : هههههههه جدي والله ضحكتني
الشيخ رسن :هو يكلي اني اخذها واني اكله اني اخذها
وتالي متالي زهرة انطتي خنجر بنص كلبي
وقبلت بجاسم
ديمه :اذاك حبها
الشيخ رسن : يووو جنت مااحبن البيت لان اشوف عيونها الحلوه تاكل اخوي
بس يشهد ربي ماا دنت نفسي عليها وهي مو حلالي
علي : سلام عليكم
وعليكم السلام
علي : شو اشوفك منيم مريتي على رجلك
الشيخ رسن : عبن هاي الراحه واهلها
وحبيت اباوع على طول شعرها
الاسود جنى سواد الليل
ديمه : حلو غزلك بشعري
الشيخ رسن : مو بس شعرج لعد خلي اتغزل بعيونج
علي : جدي شسالفه
الشيخ رسن : معليك لك
شو خلي اباوع بعيونج
ديمه : كمزت كدام جدي
وضليت اباوع عليه
الشيخ رسن : هههه صلاوات على النبي يخبلن
يشبهن البحر والسما
ديمه :ههههههه جدي
الشيخ رسن :يابعد جدج ضحكتج جنها العافيه شو تعاي بحضني
علي: جدي شسالفه
الشيخ رسن : اسكت لك
ديمه : حضنت جدي قوي
وحجيت يم اذانه بصوت ناصي
راح استمد قوتي منك واريدك تسندني
الشيخ رسن : حجه بصوت علي
راح افديج بعمري
ديمه : الله يخليك
علي : مكااافي يالله كوموا خلي ناكل
الشيخ رسن :كومي بنيتي شكله زوجج غار عليج
ديمه :هههههههه حلوه هاي
____
لاتنسون النجمه والتعليقات الحلوه🍒❤