بنُت المّدينةة🕊💫

بارت19

مرحباا حبيباتي🍒❤
.
.
.
.
إنطي بيَّچ وگلبي مَا ينطيني
تموت عيني وما تموت بعيني ،

ديمه : سارت الايام واني مكانك راوح
ماكو ايي جديد بحياتي
غير اني مشيت ورى كلام جدي
اجمل المكان الي نسجنت بي
من اعصب واتوتر التجأ للرسم
وعلي الكلام الي بيناتنا فقط الرسميه
سلام عليكم
عليكم السلام
صباح الخير
صباح النور
محتاجه شي
لا ممحتاجه
هذني الكلمات الي جانت بيناتنه
بس الي جان يلفت انتباهي بعلي
هو شكد مااتأخر بالغرفه مال الرسم
واضل سهرانه هو مينام
لحد ماا اطلع من الغرفه
وانام هو يجي ينام
بس كل هذا مجنت مخليته بعقلي
جنت شايله فكره علي يحبني ومستبعدتها
لان بعقلي علي يحب غيري
رغم مرات كلبي يجي رجفات حلوه ودكات جميله
اتجاهه بس ابعد هذني الرجفات والدكات
واطلعهن بالرسم
ماا الي بالبيت ماكفوا عندي ابداً
بعدهم يخبثون وخصوصاً صار تحالف بين سما بنت عمو
ومرت قاسم
وسما كامت كل يوم تجينه بحكم بيتهم يم بيتنه
كاعده بالبيت وتتأمر عليه
واني مااهتم مرات اجيبلها الي تريده لان محد بالبيت واخاف منهم
ومرات لا اطنشها لان واحد بالبيت من الولد وميكدرن يسون شي ويايه
اليوم  كعدت من الفجر قبل طلوع الشمس
علي جان نايم
غسلت وجهي
ولبست عبايتي وخليت شالي واخذت كامرتني ونزلت
البيت هدوء كلهم نايمين
اني فتحت الباب وطلعت
افتر بالبستان واخذ صور علمود ارسمها
لحضات الشروق كلش حلوه
كعدت جوه شجرة واباوع على العصافير والشمس شلون تطلع
والنسمات الهوه الحلوه
مااحسيت ابداً بالوقت من كثر الاسترخاء
وبدوا الفلاحين يجون
وياهم نسوانهم
واجني نسوانهم كعدوا يمي نسولف
بنيه : انتي مرت الشيخ علي
ديمه : ييي اني
بنيه ثانيه : ياحلوج كالوا عليج حليوه
ديمه : هاي عيونكم الحلوه
بنيه : اكيد الشيخ علي يهواج عمنج حليوه
ديمه : ييي زين شلونه الشيخ علي وياكم
بنيه : والله بنات السلف كلهن حاسداتج
ديمه : ليش
بنيه : هو غير الشيخ علي الكل تحبه هنا عمنا شهم ورجولي
ديمه : الله يحفظه يارب
الاول مرة افتخر اني زوجته على كميه الحب
والمدح اتجاه علي
وكلهم يتفدوا
حتى الفلاحين واحد من الفلاحين
طلب من النسوان اتريك وياهم
واني من كثر مامرتاحه وياهم وفرحانه بطيبه كلبهم
ضليت اتريك وياهم واضحك
حسيت روحي رجعت ديمه القديمه ويا هذولي الناس البسيطه
ماحسيت بالوقت
من كاعده ارجع اكو فلاح انطاني سله بيها فواكه واخذتها ورجعت
وياريتني ماارجعت
لكيت الكل واكفين بالباب
وعلي عيونه حمر ويخابر
والنسوان واكفات اباب المطبخ
واني دخلت اتمشى عبالي اكو شي
من شافوني اجوي يركضون
علي : وين جنتييييي
ديمه : فزيت من صوته
شبيك
علي : كلتلج ويننننننن جنتييييي
ديمه : اني من الخوفه الساني انربط
وجسمي كله كام يررجف
الشيخ رسن :اعليوي لاتخوف الفرخه اهم شي ردت
نصير : تعاي حبيبتي
ديمه : عمو كاعد يجرني وعلي لزمني قوووي
من ايديه وكام يعيط
علي : متدخلين لحدددد مااااااعرف ويييين جنتييي
ديمه : ترى مو طرشه علمود تعيط
جنت بالبستان
علي :شسوووين بالبستان كل هذا الوقت
ديمه :ضليت ويا الفلاحين نسولف
مجنت بعقلي من كلت ويا الفلاحين المفروض اكول ويا نسوان الفلاحين
اني بكلامي هذا علي تغير وصار اعصاب اكثر
كبل بدون مقدمات ضربني راشدي
من وكعدت رجع سحبني قوي
من ايديه وسحبني للغرفه
وكلهم يركضون ورى كانما يعرفون راح يكتلني
علي: يعني شافوج الفلاحين
ديمه : يي شافوني وكعدت وياهم وسولفت ويا نسوانهم
وتريكت وياهم
علي : انتي شطلعج بس فهميني
شنووو يعقلج ليشش طلعتي
ديمه : اني موو بسجن
علمود مااطلع
حبيت اغير شويه جوو وطلعت
علي : يييي وليييييش ماااكتيلي
ديمه : لان جنت نااايم
علي : انتييييي عقلج بييييي شيي والله
خليتيهممم يحجووون علييج ليشش
ديمه :يحجوون والا ميحجون شي ميهمني
من اجيت لحد الان هم يحجون شنو الي تغيرر
علي : لج ليش مكعدتيني اروووح وياااج
ليششش يكوولون عليج شااارده
ديمه : شارده وين اشرد
علي :انتي مكاعده تفتهمين ولا راح تفتهمين
ديمه : وانت على شنو هيج معصب
واذا شردت راح تخلص مني وتزوج حبيبتك
علي : انتي الحجي وياج ضاايع
ديمه :ليش ضاايع
كلامي صحيح اذا طلعت من حياتك تكدر تزوج
حبيبتك
علي : وشنو الي يمنعني هسه ماازوجها
تكدرين تكوليلي
ديمه : جدي ميقبل واني مااقبل حتى واذا كان زواجنا شكلي
علي : انتي بس لو تفتحين عيونج عدل جان ماا حجيتي هيج
ديمه :دك على راسي باصبعه وحجه
ومن خلص كلامه
اخذ اغراضه وطلع من الغرفه
اني بدلت ونزلت يمهم
اول مدخلت للمطبخ حجت سما
سماا : اكلج زينب اليوم الصبح ويا منو شردتي
زينب : ويا الفلاحين
سما : عزه بعينج يعني مو فلاح واحد ويا الكل
زينب : يي يادوب يكفوني
سما : لج عيني ولا تكعدين راحه بس ليش رجعتي
زينب : خلصت ونسى ويا الفلاحين ورجعت
سما : بس خوش راشدي اخذتي من بعد عمري علي
زينب : لو كاتلني بعد جان ارتاحيت
سما : الجايات اكثر حبيبتي
اذا مااخلي يجنزج
زينب : ييي علمود يرتاح كلبي
ديمه : كل هذا كلامهم واني كاعده على الميز
واكل تفاحه
واباوع عليهم
يمكن صغر سنهن يخليني اتعاطف وياهن
وماادري اني الي صار عندي نوع من العدم المبالا
مااعرف ليش سكتلهن
ومااعرف ليش ماااحجيت وياهن
لو ضجت ماادري شنو السبب
بس اتفاجئ لان هنا صغار وهيج يحجن لعد لو يكبرن شيسون
صعدت الغرفتي خابرت لما
وضلينه النسولف
لما : انتي راح اضلين هيج
صارلج 7 اشهر مزوجه
وانتي مثل ماانتي
ديمه : لعد شسوي
لما : طلاك انتي ماتطلكين
ومال تغيرين من حياتهم مراح تكدرين
وماراح تكدرين حتى تخليهن يحبنج
اكسبي علي الصفج
وهو ماناقصه شي
ديمه: كاعده اكلج يحب وحده
لما : اعرف يحب نعال بس كومه مزوجين من يزوجون
يكومون يحبون زوجاتهم
وانتي مناقصج شي
ولا تستبعدين يجون ويكلولج انريد انزوج علي لان انتي ماتخلفين
وهو يكيف يجيب حبيبته وتكوم تغار منج
وتريده بس الها
ديمه : لا علي مايزوج
لما : ليش ست قنادر
ديمه : لان ميقبل انظلم
لما : لعد يضل طول عمره بدون جهال والله علمود ست ديمه متنظلم
متنجبين
ديمه : لعد شسوي
لما : اكسبي وخلي زوجج
ديمه : جان كلام لما الا تأثير عليه
وتأثير واضح
كمت افكر صدك ليش مااكسبه واخلي زوجي
هو شناقصه
شو جمال ورجوله وشخصيه
والف بنيه تتمنى
وهذا الكلام نسوان الفلاحين وبناتهم
كمت افكر شلون اكسب علي
ومن كثر التفكير سار الوقت
ولكيت روحي صارت الساعه 1 ونص بالليل
بس الي تفاجئته شو علي لحد الان مااكو
مو من عوايده يتأخر
وهو طلع من الظهر
ضليت انتضر وهو ماكو صارت ساعه
2ونص وماكو
ادك عليه ميجاوب يرفضني
ادزله مسجات ميجاوب
ضليت بقلق وخوف
يي ليش يرفض خلي يجاووب
ماكو
لحد مصارت ساعه 4 الصبح
سمعت صوت سيارته
وكفت كدام الشباك
شفته دخل السياره
وتأخر ياالله نزل منها
ومن نزل من السيارة عبالك بي شي
ضليت انتظره يصعد للغرفه
قرابه 10 دقايق
فتح باب الغرفه
عيونه حمر
وشعره مخربط
و وكفته مو متوازنه
عرفته سكران
وكع يم باب العرفه
ركضت عليه ساعدته يكوم
بس طك ضهري لحد ماتحرك شويه الان اسم الله عليه
ثكيل كلش
علي صحصح شبيك
علي : عو عووفيني
ديمه : شنو اعوفك شو تعال
كعدته على الجربايه ونزعته البدي مالته وهو كل شويه وناتر بيه لو جار ايده
اريد اعرف انت مو كد الشرب شكو تشرب
نزعته حذائه
كاعده انزله على الجربايه
هوسحبني عليه
علي : _____
_______
هلاو حبيبات عمري
شكراً لان قدرتوا وضعي
بس والله الكتابه اذا مو مزاج وصحه زينه ونفسيه عاليه مااكدر اكتب
واذا اكتب مااقبل على البارت
ارجع اشكركم ياعمري على التعليقات الحلوة
لاتنسون النجمة والتعليقات