صباح الخير حبايبي
تتعبني الخلگ بس راحتي عيونك ♥️.
ديمة :حقارة زينب وكرهه الي مالى ايي حدود
وماكو اي سبب يخليها هيج تنتقم غير روحها الملوثه
وغيرتها
مافكرت ولو الدقايق هاي الانسانه الي راح احركها تكون بنت عمي
مافكرت ممكن تموت نتيجه الحرك
لاتفكر بيه بس خلي تفكر باطفال اخوها
حقدها وكرهه عموها عن الحقيقه
ولحد الان اني ماادري شنو سبب حقد وكرهه زينب اليه
بيومها من ذبت المي عليه
جان كل خوفي على بطني لاتتأذه
وربي راد يحميلي اطفالي
خلاني بسرعه اخلي الكاسه الي بيها التمن المنكوع على بطني
علمود ميلوحها ميي حار
وماصحت غير باسم علي
بيداء : يبووووو البنيه احترركت
زينب :الحكي يوم يمكن الجهال ماتوا
زهرة :فال الله ولا فاالج لج ارررركضي صيحي واحد من الوليدات يجون يااخذووهااا للمستشفى
ديمة : اخخخخخخخخ ربيييي ارحمنييي
علييييييي صيحوليييي علييييي
حمووووت
زهرة :تحملي بنيتي هسه يجوون يااخذوج للمستشفى
ديمه :جهاااال جهاااال خااف يصير بيهم شيييي
هدى : شلووون وكع عليج المييي
زهرة : الصووج مني اني السبب ردت منها اسويلي تمن
ديمه : صيحووووا عليييي
ربييي حموووت
علي : جنت بالدوام وخابر عليه جدي علمود سالفه بالبستان
اخذت زمنيه ورجعت للبيت
لان كلش تعبان اريد ارتاح واروح للبستان اشوف جدي شيريد
دخلت للبيت مااسمع بس صوت اعياط ديمه
تكلول راح اموت
حسيت واحد ضربني برجلي ورجليه بطلت تتحرك
جمدت بمكاني
خوفي عليها خلاني مثل الي اجمدت كل اعضائه ومكادر يتحرك ولو خطوه وحده
اريد اتحرك بس مااكادر
بس من سمعتها مرة ثانيه تعيط بوجع
لكيت روحي اركض عليهاا
مثل المخبل اريد اوصللها
دخلت للمطبخ وياريتني ماادخلت
كاعده بالكاع وكلهن داير مدايرها
ورجليها عباره عن قطعه دم
ماكدرت انطق غير كلمه شبيهااا ديمه
ديمه : علييي علييي حمووت احتركت
علي : ركضت عليها اريد اشوف بس رجليها لو اكو بعد
شكيت الدشداشه علمود اوخر حراره المي
باوعت ايديها اليسرة هم متأذايه
وبطنها لايحتها شويه
هدى اركضي صيحي عزالدين
هدى :حاظر
ديمه : عليي حموت
كاعده اتوجع جسمي كاعد يحركني
علي: لالا مابيج شي بس تحملي حبيبتي
يمهه جيبي عباتج بسرعه خلي اغطيها
بيداء : ييي يمه
علي : اخذت عبايه امي ولبستها بالكوه وهي بس تعيط من الوجع
دخل عز الدين مثل المخروع
عزالدين : شكوو
علي : بسرعه روح شغل السياره
عزالدين : يييي
علي:كومتها على كيفي
مكدرت تمشي لان رجليها اصلاً ماتنشاف مصلوخه
شلتها وهي تناااشغ من البجي والوجع
دخلتها للسيارة ماعرف شلون
واصلاً ماعرف شلون كدرت اشيلها وهي بهاي الحاله
الطريق كله تبجي وتعيط
واني بس الله الي يدري شيصير بيه من تعيط وتبجي من الوجع
احس روحي وياها تعيط وتتوجع
بطلوع الروح يالله وصلنا للمستشفى
نزلتها وركضوا عليه الممرضات والدكاتره
واخذوها مني
واني اخذوا روحي مني
مااكتفيت بالوجع من تعيط بالبيت وبالسيارة حسيت وجع قليل
من كامت تعيط بالمستشفى وهما كاعدين يداون الحرك
والله ومو مبالغه دموعي كامت تنزل ويا كل عيطه تعيطها
بعد ماتحملت
نزلت للكاع سجدت واطلب من ربي يهدي وجعها
ربي ارحمني وارحمها
تعبت والله كلبي راح يوكف
ربي اني مسني الضر وانت ارحم الراحمين
عزالدين: كوم اخويه الله يصبرها ويصبرك
علي : عز لك رجليها رايحه عباره عن قطعه دم
وايديها هم
عزالدين: استغفرالله ياربي
هاي البنيه مااشافت راحه من يوم الي اجتي هنا
علي : الله لاينطيهم الي جانوا السبب وعساهم بحركه كلبي وكلبها
لك اسمعع عياااطها
عزالدين : لازم يااخوي غير هي محروكها الله يساعد كلبها
علي : ضلينا قرابه الساعتين بين عياط ديمه وبين وجع كلبي
ماصدكت هدئت وبطلت تعيط
شويه وطلع الدكتور
بشر دكتور
الدكتور: سوينه الي علينا رجليها متأذايه كلش
واايديها هم متأذايه بس نكدر نكول الحمدلله بطنها درجه الحرك بيها خفيفه والاطفال مابيهم شي
الله يساعدكم
علي : شكراً دكتور ربي يوفقك
عزالدين : الله يشافيها اخويه
علي : امين يارب
ديمة : مااكدر احجيلكم على الالم والوجع الي تعرضتله
خصوصاً من كام الدكتور يعالجني
جانت روحي توصل للسما وتنزل للكاع
ماعرف شلون اهدي وجعي لوشسوي
اللحظه فكرت رب العالمين عاقبني لان جنت السبب بحرك زينب
بس اني مجنت متقصده ولا زينب هيج احتركت
مجرد حروق بسيطه
انما اني رجليه اشوهت اكيد
كمت ابجي واني اتخيل رجليه اشوهت
ضليت بالمستشفى اسبوع وطلعت للبيت
من رجعت للبيت الكل استقبلني
بس الحيه الصفره زينب جانت تباوعلي بشماته وكرهه
ووداد من بعيد اكتفت بكلمه الحمدلله علىً سلامتج
واني متأكده هنا ورى هذا الشي اكيد متفقات
اول مدخلت الغرفتي
اخذت قراري
بعد خلص صحتي وراحت ونفسيتي وتعبت
وكرامتي ونهانت
ودراستي وعفتها
جمالي وراح
وكل هذا خلال سنه وكم شهر
اذا اضل اكثر شيصير بيه مثلاً
ضليت ساكته على قراري وماحجيت بي
وعلي رغم كل الاشياء الي شفتها من عنده بس يبقى الرجال الحنين عليه الي ينسى نفسه ورجولته كدامي
شكد مااوصف علي بفتره نقاهتي من الحرك اكون ضالمته
داراني مثل المثل الي يكول
داراني مثل المي بالصينيه
بس اصيح اخخ يركض عليه
حتى سبح يسبحني على كيف علمود ميوصل مي الاماكن الحرك
علاجي هو الي ينطيني ياا
حتى تغير الضماد هم هو يغيرلي ضمادي
جنت اكول الحاجز الي بنيته بيني وبينه مستحيل ينكسر
بس هذا الحاجز صار رماد والعاصفه طيرت رماده
رجعت احبه واعشق كل تفاصيله
رجعت اصفن عليه من هو نايم يمي ولازم ايدي
رجعت احب نظره عينه الي مليانه حب وخوف عليه
وبيوم جنت كاعده على الجربايه وقررت احجي ويا علي على قراري
علي
علي : ها بنتي بيج شي
ديمه : اريد احجي وياك
علي : يي احجي
ديمه : اتمنى ماتعصب
علي : احجي خوفتيني
ديمه: احلف بداعت جهالك متعصب
علي : وداعت جهالي مااعصب
ديمه : _____
__________
شنو قرار ديمة ؟
ولاتنسون النجمة والتعليقات الحلوة ❤️⭐️
أنت تقرأ
بنُت المّدينةة🕊💫
Mistero / Thrillerبين اختلاف الثقافات وبعد المسافات وعدم التنازل من الطرفين كيف ستصبح الحياة.🕊💫
