بنُت المّدينةة🕊💫

بارت الرابع🥺❤

سلاام عليكم حبايب🥺❤

.
.
.
.
.
.
انا انثى قويه كالحديد رقيقه كجناح آلفرآش ومـحبوبهہ كالابتسامه وقاسيهہ كالحياة👄💄

،،،،،،،،،،،،،،،،،
ديمه : اني ديمه
معنى اسمي الحبات المطر المتساقطه على الارض دون رعد وعاصفه
بابا سماني هذا الاسم
اني ديمه بنت محمد حفيده الشيخ رسن والشيخه زهرة
بابا كمل دراسته بالبصرة وحب ماما جانت ويا بالكلية وازوجها
عاشوا بالبصرة
اني البنت الوسطانيه
عندي خوات 3 مها وندى ورؤى
واخوان 2 مرتضى ومصطفى
بابا من يروح للعمارة مرات يروح وحيده ومرات ياخذ اخواني واخواتي
واني مااحب اروح وياهم اضل يم خالتي بالبيت
دراستي هندسه معماريه مرحله ثالثه وبنفس الوقت داخله معهد فنون الرسم
احب الرسم بشكل مو طبيعي
حياتي جداً هادئه
اني اشبه جدة زهرة بالشكل الوحيده من خواتي طالعه عليها
عيوني زرك على جده
مرات اضوج منهن لان لونهن طوخ
وتجذب النضر
دائماً جدو رسن يكول البابا خلي تجي بنتك نشوفها
واني مااقبل
لان حياتهم متعجبني
كله ريف وماعدهم بنات يكملن دراسه
البنيه بس تبلغ لازم يزوجوها
وكلامهم ومنطقهم ابد مااحبه
احب من عائله ابويه جدو رسن وجده زهرة
وعمو نصير
عمو نصير الوحيد الي شايفني
لان دائماً يجي علينه للبيت
واني احبه كلش لان مثقف ويحب يشاقه ويضحك
كل ما يجي للبصرة اخذة ونطلع اني ويا
لان هو محافظ على لياقته وشخصيته الي يباوع عليه ميكول جبير بالعمر
واني احب اكشخ بي
وهو يكلي اني من اطلع وياج اتفاخر بيج
دائماً جدة وجدو يريدوني اجي لان مشايفيني
واني ارفض
لحد ماا بابا جبرني اروح وياهم
ورحت وياهم
اباوع على ندى ورؤى متونسات وفرحانات
واني ضايجه كلش
الطريق كله اني روحي طالعه اريد بس ارجع
وكفت السيارة يم بيت كلش جبير وداير مدايره كلها بساتين وبيوت
نزلت وضليت اباوع على المكان
اخواتي واخواني دخلوا يركضون
واني صافنه بس اباوع شهل مكان
يارب خلص هاي اليومين على خير
محمد : بابا ديمه ياالله جدج وجديتج ينتظروج
ديمه : حاظر بابا
دخلت امشي ورى بابا
البيت كلش حلو
دخلنا للاستقبال لكيت خواتي حاضنات جده ويبوسن بيها
واخواني كاعدين يم جدو
سلمت عليهم
السلام عليكم
الشيخ رسن : وعليكم السلام تعاي اشوفج
ديمه : تقربت من جدي شو هذا ضحك وجرني عليه
حضني
الشيخ رسن : ههههههه احسن شي سويته يمحمد ضميتها
محمد : هههههه بشنو اذكرك ديمه
الشيخ رسن : بشطب الريحان
يزهرة دحجي بنت محمد
زهرة : اللهم صل على محمد وال محمد
هااي بنيتك محمد
محمد : يي يمه هاي ديمة بنتي الوسطانيه
زهرة : صلاوات على النبي
هااي تشبهني
الشيخ رسن : هههههه هاي زهرة بنت ال14 الخذت دلالي
خلي نشوف ياجدي راح تاخذين دلال منو
ديمه : عمو نصير وين
زهرة :شو تسأل على نصير
محمد : لان تحب نصير ودائماً تحجي ويا
الشيخ رسن : ايا منعول الصفحه يا نصير اثاريك تروح للبصرة علمودها
ديمه : يي دائماً يجي علمودي
نصير : السلام عليكم
الكل : وعليكم السلام
ديمه : رحت اركض على عمو نصير
عمووو حبيبي كمزت حضنته
نصير : ياا بعد عمج مشتاااقلج بكد الدنيا واهلها
ديمه : انت بذات مااتسال عليه ومااتجي
نصير :شسويلج غير انتي مشوفيلي صديقتج
ديمه : اسكت يالشايب
نصير : افاا طلعت شايب دشوفيني مو عبالك اصغر من ابوج
ديمه : الحقيقه تقال الي يشوفك يكول ابن العشيرين
صدقه للشايب
زهرة : دهر صابج انا عبالي خرسه شوطلع كل البلى بيج من صفتي نصير
نصير : ههههههه حجيه هاي بس ويايه هيج تحجي
بس بروح جدي عاهد مو تشبهج من جنتي جمبده
زهرة : انا احلى
الكل : هههههههههههههه
نصير : هههههه حجيه انتي الشجرة والبقيه فروعج
زهرة : يابعد عمري وكل طوايفي تعال احبنك
نصير : ديمه تغار مااقبل احد يحبني
ديمه : همست العمو
شنو يعني يحبني
نصير : يعني تبوسني
زهرة : لاتتهامسون لا اجي اطركم
الشيخ رسن : وين وليداتك نصير
نصير : علي بالدوام
وقاسم ومناف بالشغل
وعز الدين هذا مكضيها بالشارع وبالطلايب
الشيخ رسن : يكبر وليدي ويصير معدل
جنت اركض ورى  اخوانك يعقوب ويوسف من طلايبهم
على يوم كلت راح اموتن
وكاهم مزوجين ومستورين
نصير : محد مريح كلبي غير علي
محمد : علي الي راح يلزم ضهرك
معدل وشهم
الشيخ رسن : شوكت ازوجه انت بعمره عندك 3 وليدات
نصير : مايقبل ابويه يكلي مااريد ازوج خليني هيج مرتاح واني عايفه على راحته
الشيخ رسن : شهم وينشد بي الضهر بس يابويه خاف عليه يدخل بطريق الحرام 
نصير : والله ياابويه علي الوحيد الي ماكدر اغصبه لان يعاند بس قاسم راح يزوج لان يحب وحده
محمد : بالكي من يشوف قاسم يزوج هو هم يزوج
نصير : ييي والله شكد متمني اشوف وليد علي
ديمه : حجيت بصوت ناصي عمو اذا متريده
انطيني ياا
نصير : ماريد منو
ديمه : ابنك علي اذا متريده انطيني ياا العب بي شويه
نصير : ههههههههههه هو انتي اذا اشوفي تخترعين
ديمه :ليش مو حلو يخوف
نصير : هههههههههه ييي يخووف مو حلو
ديمه : خطيه
كضيناها سوالف وضحك واني بديت امل من الكعده
وجده زهرة كل شويه وتباوع عليه
تغدينه وشربنه جاي وهم بعدهم يحجون
وجده بس تباوع حسيت بيه شي
زهرة : تعااي جده ديمه ويايه للغرفه
ديمه :اوك جده
نصير : ههههههههههه كولي حاضر من نروح للبصرة كولي اوك
ديمه :تغار مني
دخلت ورى جده للغرفه
وضلت تباوع عليه ً
زهرة : اعرفج مليتي من الكعده
ديمه : الصراحه يي
زهرة : زين شنو رئيج اسولفلج قصتي
ديمه : بس ياريت مو ممله
زهرة : لا مو ممله
ديمه : ضليت اسمع قصه جده وتفاجئت شلون جده مخافت من اعترفت بحبها كدام جدو جاسم الله يرحمه
وجدو رسن شلون حب جده ويبجي عليها
بكلبي اكول معقوله يجي يوم وشخص يكوم يبجي عليه
من خلصت قصتها كمت اكمز واقلد على كلامها
وهي شمرت عليه السبحه واني ركضت فتحت الباب ونضربت بصدر واحد
رفعت راسي وبسرعه رجعت ليوره يمه كلبي منو هذا
جان رجال طويل كلش واسمراني بس سماره حلو
ولحيته خفيفه
وعيونه نفس لون عيوني بس هو لون عيونه ينطن على رصاصيات
علي : احم السلام عليكم
زهرة : وعليكم السلام يابعد كلبي
علي : شلونج جده
زهرة : انا زينه اذا انت زين يابعد العيون
ديمه : اباوع عليه وهو كاعد على جربايه جده ويبوس براسها
دار راسه عليه واني خفت رجعت ليوره
علي : جده منوهاي
زهرة : هاي الفرخه بنت محمد
علي : اول مره اشوفها
زهرة : يي هاي الي جان ميجيبها تبقه يم خالتها
علي : اهاا على كلن مو مهم
الاهم كوليلها لاتعلي صوتها وتضحك
اخواني وولد عمي برة كاعدين عيب
ديمه : ترى تكدر توجهلي الكلام واني راح افهم
علي : هسه عرفتي الي اقصده
ديمه : يي عرفت بس مراح انفذ كلامك
علي : يي براحتج
ديمه : عافني وراح شكد مستفز وحقير عابتله
زهرة : ليش عصبتي
ديمه : مستفز وحقير وواطي
اكره هيج شخص
اباوع على جده تأشر بحواجبها
شكووو جده شبيهن حوواجبج
علي : كاعده تأشرلج اني وراج
ديمه : يمه فزززتني شبيك
علي : استغفر الله
مابقى عليه بس المخابيل
ديمه : طلع وسد الباب
انت مخبل مووو اني ياا مخبل
زهرة : الله يشافيج
بس اذا سمعج تحجين هيج مرة ثانيه يذبحج
ديمه : شحده مخايفه منه
زهرة : نشووف
ديمه : اني اعلمه الهذا المتعجرف
_______
لاتنسون النجمة والتعليقات الحلوة 😍❤️