بنُت المّدينةة🕊💫

بارت18

مررحبااا حبيباتي🥺💗
.
.
.
.
وشما اشوف وجوه حَلوه ..
يبقى وجهك ديرتي الماكو احلى منها.

************
ليان : طلعنا من الاستقبال اني وجدي نضحك
وعلي ورانا
من شافني عمو نصير اضحك
كانما متلك العالم
اجه عليه حضني وباسني من راسي
نصير :واخيراً ضحكتج الحلوة رجعت
ديمه : ييي كله بفضل جدي
ضحكني
زهرة : جا رسن ماضحكني اليا
الشيخ رسن :يابعد العيون تدللين
عزالدين :نحن هنااا ياااقوم
اني طاكني الجفاف
نصير : صير ادمي علمود ازوجك
عزالدين : لا زوجني علمود اصير ادمي
نصير :واظلم بنات الناس ويايه
مااصرت ادمي شلون
عزالدين :اخلي مرتي ويايه اصير مو ادميه
نصير : وخررر من وجهيييي خفت هاااي الخلقه الجايفه
عزالدين : اني خلقتي جااايفه
دمدوم اني حلوه لو لا.
ديمه : تخبل احلى واحد بالعشيره كلها
علي : ولي من وجهي
ديمه : لا عوفه متونسه عليه
كعدنا ناكل وجدي كعدني يمه
وعمو نصير هم كعد يمي
الاول مره احس اني عندي سند بهذا البيت
رغم علي مساكت
بس حسيت محد راح يكدر يأذيني
وجان احساسي لاول مرة يغلط
الشيخ رسن : علي وليدي انا حجيت ويا ديمه
وكتلها انا ظلمتج خصوصاً من قررت زواجها غصب عنها
واذا رادت تطلك اني اخليها تطلك منك
كونك انت مالك نفس بيها
علي : جدي شهل حجي شنو هو لعبه اليوم ازوجها وباجر طلكها
الشيخ رسن : انت مو ماتريدها ومالك نفس بيها
انا اذا هي هسه طلبت تطلك منك اطلكها
علي : وعمي محمد راح يسكت
وبنته ترجعله بعد 6 اشهر زواج
الشيخ رسن : مراح ارجعها لمحمد
اشتريلها بيت بالعاصمه واخليها تكمل دراستها
والي تريده يجرالها
علي : جدي سد الموضوع
مابقت علينه غير تكعد وحدها بالعاصمه
الشيخ رسن : اذا انت الك نفس بيها كول علمود اجبرها تبقى
علي : وانا شلون تقبل نفسي اتقبل وحده مجبوره بيه
جدي اخاف متعرف انا كومات بنات يذبن نفسهن عليه بس مااتقبل الي التتقبلني
ديمه :اعصاب علي وكلامه وعيونه
ورجفه ايده
خلولي الف استفهام مو استفهام واحد
حبيت ردت فعله واعصابه
بالاخير ماانطى ايي نتيجه انو يعوفني او يقبل يطلكني
عاف الاكل وكام
زهرة : شنهي يرسن تريد اطلك مره من رجلها
الشيخ رسن : اذا ديمه رادت تطلك انا موافق
زهرة : بس علي مموافق
الشيخ رسن : هووكلج مموافق لاا جا لاتحددين
بيداء : خلي يطلكها واني ازوجه احلى منها
نصير: ييي جيبيله وحده احلى منه بس متلكين بثقافتها واخلاقها وتربيتها
وعززت نفسها
ديمه : هاي الكلمات جان يقصد بيها عمو نصير وداد مرت قاسم
الي الكل عرف هي جانت تبوك مني ملابس وفلوس
من حجه هيج عمو قاسم كام من السفره
بس الي استغربته
وداد ولا كان الموضوع خصها
ولا اهتمت القاسم من كام
ضلت تاكل ومامهتمه
تاكدت هي انسانه ماعدها ذره احساس
خلصنا اكل
وكمنا ننكل بالمواعين وعمتي جبرتني اغسلهن
رغم المواعين مو عليه على زينب
ماحجيت ولا كلمه ووكفت اغسلهن وحيدي
طبت زينب
زينب : والله حضوض صدك حض الجايف نايف
وداد : ليش هسه ياالله دريتي
زينب : جنت اعرف بس اليوم تأكدت
ديمه : ضليت ساكته اني ماحسيت غير جرتني قوي من ايدي وضلت تحجي
زينب : شنووو الشي الي سوويتي وخليتي جدي
قبل يخليج تكملين دراسه
لااا وفوكاها بالعاصمه وبيت يسجل بسمج
اريددد افهم انتي بشنوو احسن من عدنا
ديمه : تريدين تعرفين
زينب : ييي اريد اعرف
ديمه :اني مشايله حقد وكره على احد مااعرفه
ولا حكمت على شخص بدون ماااعاشره
ولا غلطت على ايي انسان
باعي بالمرايا على نفسج وراح اشوفين انتي حتى روحج كارهتها
اني كلت هيج ومااحسيت غير الكاسه الي بيها تشريب
اندارت كلها عليه
زينب : علمود تتعلمين الحقد والكره مثلنا
ديمه : ليش سوويتي هيج فهميني
زينب :تستاهلين واذا كلتي العلي
والله اسوي بيج العجايب
ديمه :عافتني وراحت
واني شعري ووجهي وملابسي وجسمي كلهن بيهن تشريب
صرت اعصاب
بالحضتها لو يكولولي
هاج احركي روحج احركها
صرت نااار من الاعصاب اريد اعيط
اذا اكتم بكلبي يووكف كلبي
عفت الماعين واني افشر عليهم
هيج منكم ومن الي يغسل مااعينكم
عساكم لا اكلتوا ولا شربتووا
صعدت الغرفتي ملكيت علي
طبيت سبحت واني ناار بكلبي
اريدها تطفى مااكو
بهاي اللحضه صرت عدائيه
اريد الزم راس زينب واخلي بالجدر مال التشريب
اريد اكطعها واحركها
اريد هيج اموتها كتل
من ورى اعصابي وتفكيري الي صار اجرامي
كمت ابجي
تعوذت بداخلي من الشيطان ولفيت الخاولي على جسمي وطلعت
لكيت علي موجود
ضل يباوع عليه من فوك ليجوة
اني لان اعصابي ترجف
مااانطيت ايي رد فعل ولا حسيت بااي رد فعل
غير رحت للكنتور طلعتلي ملابس
ودخلت للغرفه الثانيه
واني امشي بااعصااب وابدل بااعصاب
طلعت الالوان وعلكت اللوحه الفارغه وكعدت ارسم
علمود اعصابي تبرد وتهدء
ساعتين واني اشخبط
مااعندي اايي شي بعقلي
بس اشخبط بالالوان
من تعبت
باوعت عليها
حتى اللوحه مو مفهومه مابيها اييي معنى بس كتل من الاعصاب طالعه وجان لون الاحمر طاغي عليها
كمت افكر اني ليش مكلتله العلي على زينب
معقوله خفت منها
ييي ديمه خفتي منها
زينب صح صغيره بس عدها حقاره وكره وغيره كلش قويه
لاتلعبين وياها علمود لا تأذيج
بس هي تخاف من علي
معناها راح اكوم دائماً اهددها بعلي
طلعت من الغرفه لكيت علي واكف بالمكان المعتاد
ويدخن
وهل مره لابس بس شورت بدون كيمونه
دخلت للحمام غسلت ايدي
وطلعت
لكيته باقي نفس وكفته
عاد اني طفيت الكلوب هو اندار
يباوع عليه
اني ماهتميت
رجت الجربايتي وغطيت نفسي ونمت
____
هلاو حبيباتي
والله اعرف البارت قصير مال اليوم
بس اعذروني لان مريضه ونفسيتي كلش تعبانه اليوم
والله بالكوة كتبت هذا البارت لان معلمتكم كل يوم بارت بدون توقف
بس اوعدكم اعوضكم سامحوني
ولاتنسون النجمة والتعليقات الحلوه
احبكم كومات ❤️