بنُت المّدينةة🕊💫

بارت الثالث🕊❤

سلااام عليكم حبايب كليبي وغراضةة 🔥❤

.
.
.
.
.
اشد حزن هو فراقً الاحبهُ
""""""""
زهرة : اعتبر اقسى يوم بكل عمري
من سمعت وفاه جاسم
كالولي مات بالبستان الگلاب دايس عليةً
وناقلي للمستوصف ومناك مات لان صار عنده نزيف
من هذا اليوم حياتي كلها اصبحت رماديه
جاسم ابوي وحبيبي ورجلي مات وماتت حياتي ويا
انا ضليت بالكبه مكابله ريحانه وابجي
بنيتي تيتمت وانا تيتمت وياها
عمي ماقبل اروحن الهلي وانا لازم الزم عده
لزمت العده بدار عمي
من خلصت فتره العده بدت معاناتي ويا هلي وعمامي وجدي
قرروا يزوجوني الرسن
عمن ريحانه مايصير تطلع من دار ابوها
وانا اعرف هذا كلام رسن
تنجدت بابوي يكلي لازم تزوجين رسن احسن ماتبقين ارمله وبركبنج فرخه
وحاجيت جدي وهم جان نفس كلام ابوي
واليوم الاسود من زوجوني غصب عني الرسن
علمود ماابقى ارمله
صرت حرمه رسن
بيوم زواجي طلبت من عنده مايتكرب مني
رسن بروح جاسم لاتتكرب مني
رسن : بس انتي مريتي
زهرة :اعرفن وهذا حگك بس خليها من تطلع السنه مال جاسم
رسن:وانا ماانتضر السنه راح انطيج مهله شهر
اريدنج مريتي شرعاً
زهرة : بعد كلامه عافاني
ولميعه شوفتني نجوم الظهر عمن تغار على رسن
وانا مكضيتها اذكر سوالف جاسم
لحد ماخلص الشهر
وانا بعقلي اكولن لو يذبحني مااخلي يتكربلي
بس رسن جان يريدني مريته
موتني من الكتل واخذ حقه مني
وانا من تكربلي كرهت حتى روحي وجسمي
ومن عرفت لميعه رسن تكربلي
لزمتني طكتني طكه طلعتها الروحي
كمت اكومن على طكه واكعد على طكه
وبيوم من الايام بالليل
دخل للكبه رسن يطلب بحقه
وانا كمت اعيط واصيح
اخذ مني ريحانه ونزل
وراها دخل وبيده حبل
ربطني بالسرير شبعني كتل واخذ حقه
من اخذ حقه عافني مربوطه
ونزل للكاع يبجي
رسن : انا مو هيج يزهرة
حبج عمه عليِ
ليش انتيييي انا اول ماناظرتج هويتج
دلالي يأذيني من انتي تتأذين
ليش ماهويتيني
ليش هويتي جاسم اخوي
كسرتيني من قبلتي بي
زهرة : ضل رسن يحجي ويبجي
ويشكي
وانا اباوع على السكف وابجي ومربوطه
فل الحبل مني رسن
رسن : اريدن منج وليد زهرة
زهرة : عندك نصير ويعقوب ويوسف
بعد شتريد
رسن : اريدن منج اريدن ريحتج اصير بجهالي
زهرة :لو اموتن مااخليك اصير اب الجهالي
رسن : چا تحملي الي راح يجيج
زهرة :نفذ كلامه رسن
كام كل يوم يجي للكبه يربطني وياخذ حقه
وصرت حامل
منعرفت انا حامل من رسن
انجنيت وتهسترت
كمت اكمز من السرير للارض
واشتغل بكثره
واشيل ثكيل
وصدك سكطت
من عرف رسن الجاهل وكع تخبل
وطكني لحد ما جنزني
وانا ضليت بعنادي كل ما احبل
اسكط مرتين  احبل واسكط
اخر مرة من عرف رسن انا حامل
وهو يريدن الطفل
حبسني بالكبه وربطني
وقفل عليه الباب
5 اشهر وانا مربوطه بس هو يدخلي
هو الي يوكلني ويوديني للحمام
وانا كل مااشوفه اغلط عليه
وهو يتحملني عمن حبله
كام رسن يناماً بس يمي
مرات اناظره وهو نايم يمي
احسن الي صار بيه من ورى
عمن جانت نفسه بيه وانا ماتهنيت ويا جاسم
لان عيونه علينا
انام يمه على السرير وانا مربوطه بالحبل
واكعد الاكي لازم شعري
مرة حسيت بي يبوسني من ايدي وبطني ووجهي
كمت انقهر عليه
بس الحب مو بيدينا
انا دلالي بس الجاسم
وهو دلاله يحبني وانا مااكدر احبنه
لحد مااجبت وليدي محمد
ديمه : بابا نور حياتج لو مجنتي فرحانه
زهرة : شلون مينور حياتي وهو يشبه عمه جاسم
ياهو الي يناظر وليدي يكولون يشبه جاسم
وانا لان يشبه جاسم حبيته
ديمه : زين جده جدو رسن مجان يضوج لان يكولون بابا يشبه جاسم
ديمه : زين جده جدو رسن مجان يضوج لان يكولون بابا يشبه جاسم
زهرة : لا كام يحبه اكثر من وليداته الباقين
عمن مني وكام يشوفني احبنه وروحي بي
واذا جان واحد يضربه يحرك البيت
لان لميعه تحقد عليه
فتأذيني بجهالي
ديمه : وشلون صارت علاقتج بجدي رسن بعد ولاده بابا
زهرة : عشت ويا الخاطر جهالي وانا اعلم هو يحبني
وكمت انطي حقه بس مو مثل مااهو يريد
ديمه : يعني شلون
زهرة : هو من يتكربلي يتكرب بحب ولهفه وشتياق
جان يبين حبه حتى وان مااجان يكلي احبنج
وانا بالمقابل جنت بس انطي حقه
ديمه : مجان يضوج من انتي اسوين هيج
زهرة : جان يضوج طبعاً بس ماايبينلي هو ضايج
لحد مايوم مل مني وهجرني
هجرني 4 اشهر
ماايخليني اشوفناً ابد
يطلع الفجر ويرجع توالي الليل
ويناماً يم لميعه
ومن يريدن محمد
يدز عليه نصير
وانا كمت الوباً عليه اريدنا
ديمه : شكد جان عمرج
زهرة : 19سنه
من هجرني رسن
انا تخبلت كام حتى ميباوع عليه
وانا كمت اريد بس يناظرني
كام يحركني من يضحك ويا لميعه
لحد مايوم طك كلبي اريدنا
اريدن حبه الي
واهتمامه
اريدن نظراته
بفترة هجري لميعه كامت تحرك بيه وتغورني
وانا اعرف هو مايتقرب منها عمن دلاله يمي
ضليت التوالي الليل انتظره يدخل للدار
ناظرته من الشباك دخل للدار
وانا نزلت من الكبه للمطبخ
ديمه : جده شسوين نازله
زهرة :چا شنهي اعوفنا يروح ينام يم لميعه
ديمه :اممم كملي
زهرة : نزلت بحجه اجيبن ماي
وشفته كاعد بالمطبخ يدخن
سويت روحي مشايفته ووكف اخذ مي
من انداريت لكيته يناظرني
شبلاك تناظرانت موش هاجرني
رسن : دهداشتج لاتنزلين بيها
زهرة : انزل بيها ماعليك مني
رسن : عاجبج تنطكطن
زهرة : شحدك اخذ جهالي واروحن الدار جدي
رسن: يي روحي
زهرة : قهرني من كلي روحي يعني بطل يهواني
نزلت دمعتي
هيج يارسن بطلت تهواني
رسن : انتي ماتريديني وانا هاجرج
على ويش باقيه
زهرة : چا هسه توديني الدار جدي
وانا صاعده الم غريضاني
صعدت اركض وابجي
دخلت الم بغريضاتي
رسن : انجرحتي من كلتلج روحي
چا اني شنهي مانجرح من ترفضين قربي وحقي
زهرة : ماارفضت قربك وحقك انت هجرتني
رسن : من اتقرب منج تنطيني حقي كتئديه واجب
وانا اتحمل مرة ومرتين وتلاثه الخاطر انا احبج واهواج
بس الحب اذا يدوس على كرامتي ورجولتي اطلع دلالي وادوسن عليه
زهرة : ماعاش الي يدوس على كرامتك ورجولتك
انا احبنك رسن
رسن : شنهو
زهرة : انا احبنك
رسن : يابعد العيون واخيراً كلتيها
انا كلت اموت وانتي ماتنطقيها
تكربي يبعد الطوايف خلي اشمنج
زهرة : من هذا اليوم رسن شكد ماانطي حب ينطيني اضعاف
شكد مااانطي لهفه واهتمام ينطيني اضعافها
مايرتاح اذا ميناظرني
واول ميدخل للدار يصيح بااسمي
وانا هويته من حبه واهتمامه وخوفه عليه
بس لميعه مااتركتني بحالي
من يروحن رسن للشغل هي تأذيني
وتضربني
وانا اسكت مااحجي
لحد ماكبروا الوليدات
نصير ويوسف ويعقوب وريحانه ومحمد
من جانت تأذيني لميعه ورسن بالشغل
نصير يوكفلي ويلعب طوبه باامه وكدامها يحضني ويبوس راسي
ويوسف ويعقوب يناظرولي من امهم موجوده بس من تروح يجون يبوسون راسي
ديمه : شكد جان عمو عمو نصير
زهرة : اممم نصير وليدي الماخلفته جان عمره 16سنه
ديمه : صغير
زهرة : يي بس من اول مشب رجال مثل عمه جاسم نفس التصرفات والرجوله
اما يوسف ويعقوب عموهم جان 15 سنه
هذولي هادئين بالدار  بس طلايب برى الدار
اما ريحانه  هاي نسمه البيت وحبيبه رسن
جانت بس تطلب ينفذ وعلم الوليدات على هذا الشي خلاها مدلله وكل مايحجي يكول هاي بنت الغالي عمرها جان 14
ديمه : وبابا
زهرة : هذا معزته تختلف عن الكل
لان رسن يحبه لان مني وهو هادئ ويذب روحه على الدراسه
جان عمره 12 سنه
نصير صار عمره 18سنه رسن قرر يزوجه
عمن يريد يشوف احفاده
مرت نصير حليوه ومزيونه وجانت هادئه وورده مال الله بس من ورى لميعه تخبلت لان لميعه عافتني واندارت على مرت نصير وهاي تعلمت الكيد من وراهن علمود ادافع على نفسها وجهالها
ديمه : زين جده انتي ليش ماقبلتي تجين تعيشين ويانه بالبصرة
وبقيتي هنا بالريف
زهرة : شلون تريديني اروحن وياكم واترك رسن
انا اذا مااسمع صوته وانامن يمه الا اتخبل
ديمه : هل درجه تحبي
زهرة : اموتن بي هذا ابو وليدي وعزوتي
ديمه : الله يخليكم البعض بس عيشتكم مو حلوه
زهرة : عمنج عشتي بالحضاره كمتي هيج تحجين
يرادلج واحد يكسرج ويمشيج عدل
ديمه : اني يجي واحد يمد يده عليه الا اخليها بركبته
زهرة : انا اعرفن انتي منو دواج ام الااني
ديمه : اني صارلي يومين هنا اريد بس ارجع البيتنه
مااتحمل اعيش هنا
زهرة : كون فرخه بنت محمد يجيج واحد يشكنج
ويمشيج على المستقيم يخليج تخافين من خيالج
ديمه : اسمي ديمه ديمه مو فرخه
زهرة : انجعميبييييييي ووليييييي من يمي
ديمه : ههههههههه هسه يجي حبيبج رسن وتكليله يابعد طوايفي
تعال احبنك
زهرة : شمرت عليها العكازه ولييي لابارك الله بيج
ديمه : كمت اكمز كدامها واقلد ياابعد طوايفي يابعد هلي
شمرت عليه السبحه
ركضت افتح الباب وانضرب بصدر واحد
________
هلا حبيباتي لاتنسون النجمة والتعليقات الحلوة مثلكم🔥❤